قازاقستان رەسپۋبليكاسىنىڭ زاڭى №73-V

سەنبى, 2 اقپان 2013 7:13

جەكە باستى كۋالاندىراتىن قۇجاتتار تۋرالى

وسى زاڭ جەكە باستى كۋالاندىراتىن قۇجاتتاردىڭ قۇقىقتىق نەگىزدەرىن ايقىندايدى, ولاردى رەسىمدەۋگە قويىلاتىن تالاپتاردى بەلگىلەيدى, سونداي-اق جەكە باس­تى كۋالاندىراتىن قۇجاتتاردى دايىنداۋ, بەرۋ, اۋىس­تىرۋ, تاپسىرۋ, الىپ قويۋ جانە جويۋ جونىندەگى قىزمەتتى رەتتەيدى.

1-تاراۋ. جالپى ەرەجەلەر

1-باپ. وسى زاڭدا پايدالانىلاتىن نەگىزگى ۇعىمدار

وسى زاڭدا مىناداي نەگىزگى ۇعىمدار پايدالانىلادى:

1) ازاماتتىعى جوق ادامنىڭ كۋالىگى – ءوزىنىڭ قانداي دا ءبىر مەملەكەتتىڭ ازاماتتىعىنا تيەسىلىگىنە دالەلدە­مەسى جوق جەكە تۇلعانىڭ جەكە باسىن كۋالاندىراتىن قۇجات;

2) بوسقىن كۋالىگى – بوسقىننىڭ جەكە باسىن كۋالان­دىراتىن جانە مارتەبەسىن راستايتىن قۇجات;

سەنبى, 2 اقپان 2013 7:13

جەكە باستى كۋالاندىراتىن قۇجاتتار تۋرالى

وسى زاڭ جەكە باستى كۋالاندىراتىن قۇجاتتاردىڭ قۇقىقتىق نەگىزدەرىن ايقىندايدى, ولاردى رەسىمدەۋگە قويىلاتىن تالاپتاردى بەلگىلەيدى, سونداي-اق جەكە باس­تى كۋالاندىراتىن قۇجاتتاردى دايىنداۋ, بەرۋ, اۋىس­تىرۋ, تاپسىرۋ, الىپ قويۋ جانە جويۋ جونىندەگى قىزمەتتى رەتتەيدى.

1-تاراۋ. جالپى ەرەجەلەر

1-باپ. وسى زاڭدا پايدالانىلاتىن نەگىزگى ۇعىمدار

وسى زاڭدا مىناداي نەگىزگى ۇعىمدار پايدالانىلادى:

1) ازاماتتىعى جوق ادامنىڭ كۋالىگى – ءوزىنىڭ قانداي دا ءبىر مەملەكەتتىڭ ازاماتتىعىنا تيەسىلىگىنە دالەلدە­مەسى جوق جەكە تۇلعانىڭ جەكە باسىن كۋالاندىراتىن قۇجات;

2) بوسقىن كۋالىگى – بوسقىننىڭ جەكە باسىن كۋالان­دىراتىن جانە مارتەبەسىن راستايتىن قۇجات;

3) جەكە باستى كۋالاندىراتىن قۇجات – جەكە باستى سايكەستەندىرۋ ماقساتىندا ونىڭ يەسىنىڭ جەكە باسىن جانە قۇقىقتىق مارتەبەسىن انىقتاۋعا مۇمكىندىك بەرە­تىن, جەكە تۇلعانىڭ دەربەس دەرەكتەرى تۋرالى تىركەلگەن اقپاراتى بار بەلگىلەنگەن ۇلگىدەگى ماتەريالدىق وبەكت;

4) قازاقستان رەسپۋبليكاسى ازاماتىنىڭ جەكە كۋالىگى – ازاماتتىڭ جەكە باسىن كۋالاندىراتىن جانە قازاق­ستان رەسپۋبليكاسىنىڭ ازاماتتىعىن راستايتىن قۇجات;

5) قازاقستان رەسپۋبليكاسى ازاماتىنىڭ پاسپورتى – قازاقستان رەسپۋبليكاسىنىڭ اۋماعىندا جانە ودان تىس جەرلەردە ازاماتتىڭ جەكە باسىن كۋالاندىراتىن جانە قا­زاقستان رەسپۋبليكاسىنىڭ ازاماتتىعىن راستايتىن قۇجات;

6) قازاقستان رەسپۋبليكاسىنىڭ ديپلوماتيالىق پاس­پورتى – وزىنە جۇكتەلگەن قىزمەتتىك مىندەتتەردى ورىنداۋ ءۇشىن قازاقستان رەسپۋبليكاسىنان شىققان, ودان تىس جەرلەردە تۇرعان كەزدە جانە قازاقستان رەسپۋبليكاسىنا كەلگەن كەزدە قازاقستان رەسپۋبليكاسى ازاما­تىنىڭ جەكە باسىن كۋالاندىراتىن قۇجات;

7) قازاقستان رەسپۋبليكاسىنىڭ قىزمەتتىك پاسپورتى – وزىنە جۇكتەلگەن قىزمەتتىك مىندەتتەردى ورىنداۋ ءۇشىن قازاقستان رەسپۋبليكاسىنان شىققان جانە كەلگەن, ودان تىس جەرلەردە تۇرعان كەزدە قازاقستان رەسپۋبليكاسى ازاماتىنىڭ جەكە باسىن كۋالاندىراتىن جانە ونىڭ يەسىنىڭ رەسمي مارتەبەسىن راستايتىن قۇجات;

8) قازاقستان رەسپۋبليكاسى تەڭىزشىسىنىڭ جەكە كۋا­لىگى – تەڭىز كەمەسىنىڭ بورتىندا (اسكەري كورابلدى قوس­پاعاندا) ونىڭ ەكيپاجىنىڭ قۇرامىندا, سونداي-اق ساۋدا ماقساتىندا تەڭىزدە ءجۇزۋ ءۇشىن پايدالانىلاتىن ارالاس (وزەن-تەڭىز) جۇزەتىن كەمەنىڭ بورتىندا جۇمىس ىستەيتىن قۇجات يەسىنىڭ نەمەسە پراكتيكادان ءوتۋ ءۇشىن كەمەلەرگە جىبەرىلەتىن, وقۋ ورنىندا ءبىلىم الۋشىنىڭ جەكە باسىن كۋالاندىراتىن قۇجات;

9) قايتىپ ورالۋعا ارنالعان كۋالىك – يەسىنىڭ جەكە باسىن كۋالاندىراتىن جانە قازاقستان رەسپۋبليكاسىنا ءبىر رەتتىك كەلۋ قۇقىعىن راستايتىن قۇجات;

10) تۋ تۋرالى كۋالىك – جەكە تۇلعانىڭ جەكە باسىن كۋا­لاندىراتىن, ونىڭ تۋ فاكتىسىنىڭ مەملەكەتتىك تىركەل­گەنى تۋرالى ايعاقتايتىن قۇجات;

11) ۋاقىتشا جەكە كۋالىك – جەكە كۋالىگىن جوعالتقان, ول جارامسىز بولعان نە كۋالىگى بولماعان كەزدە قا­زاق­ستان رەسپۋبليكاسىنىڭ ازاماتتارىنا بەرىلەتىن قۇجات;

12) ۋاكىلەتتى مەملەكەتتىك ورگاندار – ءوز قۇزىرەتى شەگىندە جەكە باستى كۋالاندىراتىن قۇجاتتاردى رە­سىمدەۋدى, بەرۋدى, اۋىستىرۋدى, الىپ قويۋدى جانە جويۋدى جۇزەگە اسىراتىن ىشكى ىستەر ورگاندارى, ادىلەت ورگاندارى, سىرتقى ساياسي قىزمەت سالاسىنداعى ورگان, كولىك جانە كوممۋنيكاتسيا سالاسىنداعى ورگان;

13) شەتەلدىك پاسپورت – شەتەلدىكتىڭ نەمەسە ازا­ماتتىعى جوق ادامنىڭ جەكە باسىن كۋالاندىراتىن ءجا­نە ولاردىڭ قۇقىقتىق مارتەبەسىن راستايتىن قۇجات رەتىندە قازاقستان رەسپۋبليكاسى تانيتىن قۇجات;

14) شەتەلدىكتىڭ قازاقستان رەسپۋبليكاسىندا تۇرۋى­نا ىقتيارحات – قازاقستان رەسپۋبليكاسىنىڭ اۋماعىن­دا شەتەلدىكتىڭ جەكە باسىن كۋالاندىراتىن جانە ونىڭ قازاقستان رەسپۋبليكاسىندا تۇراقتى تۇرۋعا رۇقسات العاندىعىن راستايتىن قۇجات.

2-باپ. قازاقستان رەسپۋبليكاسىنىڭ جەكە باستى كۋالاندىراتىن قۇجاتتار تۋرالى زاڭناماسى

1. قازاقستان رەسپۋبليكاسىنىڭ جەكە باستى كۋالان­دىراتىن قۇجاتتار تۋرالى زاڭناماسى قازاقستان رەس­پۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورما­تيۆتىك قۇقىقتىق اكتىلەرىنەن تۇرادى.

2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.

3-باپ. وسى زاڭنىڭ قولدانىلۋ اياسى

وسى زاڭنىڭ كۇشى تۇراتىن جەرىنە قاراماستان, قازاقستان رەسپۋبليكاسىنىڭ بارلىق ازاماتتارىنا, قازاقستان رەسپۋبليكاسىندا تۇراقتى تۇراتىن نەمەسە ۋاقىتشا بولاتىن شەتەلدىكتەرگە جانە ازاماتتىعى جوق ادامدارعا قولدانىلادى.

4-باپ. جەكە باستى كۋالاندىراتىن قۇجاتتار سالاسىنداعى  قۇقىقتىق رەتتەۋ قاعيداتتارى

جەكە باستى كۋالاندىراتىن قۇجاتتاردى رەسىمدەۋگە, بەرۋگە, اۋىستىرۋعا, تاپسىرۋعا, الىپ قويۋعا جانە جويۋعا قويىلاتىن تالاپتار:

1) زاڭدىلىق;

2) مىندەتتىلىك;

3) ادامنىڭ جانە ازاماتتىڭ قۇقىقتارى مەن بوستان­دىقتارىن ساقتاۋ;

4) بارشانىڭ زاڭ الدىندا تەڭدىگى;

5) شىعۋ تەگى, الەۋمەتتىك, لاۋازىمدىق جانە م ۇلىكتىك جاعدايى, جىنىسى, ءناسىلى, ۇلتى, ءتىلى, دىنگە كوزقاراسى, سەنىمى, تۇرعىلىقتى جەرى سەبەپتەرى بويىنشا نەمەسە كەز كەلگەن وزگە دە ءمان-جايلار بويىنشا كەمسىتۋ­شىلىك­كە جول بەرمەۋ;

6) ادامنىڭ جانە ازاماتتىڭ قۇقىقتارى مەن مىندەت­تەرىنىڭ بىرلىگى;

7) قولجەتىمدىلىك قاعيداتتارىنا نەگىزدەلەدى.

5-باپ. قازاقستان رەسپۋبليكاسى ازاماتتارىنىڭ, شەتەلدىكتەردىڭ جانە ازاماتتىعى جوق ادامداردىڭ قۇقىقتارى مەن مىندەتتەرى

1. قازاقستان رەسپۋبليكاسى ازاماتتارىنىڭ, قازاق­ستان رەسپۋبليكاسىندا تۇراقتى تۇراتىن شەتەلدىك­تەر­دىڭ جانە ازاماتتىعى جوق ادامداردىڭ ءوز مارتەبەسىنە سايكەس كەلەتىن جەكە باستى كۋالاندىراتىن قۇجاتتار الۋعا قۇقىعى بار.

2. تۇراتىن جەرىنە قاراماستان, قازاقستان رەسپۋبليكاسى ازاماتتارىنىڭ, قازاقستان رەسپۋبليكاسىندا تۇ­راقتى تۇراتىن نەمەسە ۋاقىتشا بولاتىن شەتەلدىكتەر مەن ازاماتتىعى جوق ادامداردىڭ ءوز مارتەبەسىنە سايكەس كەلەتىن جەكە باستى كۋالاندىراتىن قۇجاتتا­رىنىڭ بولۋى مىندەتتى.

2-تاراۋ. جەكە باستى كۋالاندىراتىن قۇجاتتاردىڭ  قۇقىقتىق نەگىزدەرى

6-باپ. جەكە باستى كۋالاندىراتىن قۇجاتتار

1. مىنالار:

1) قازاقستان رەسپۋبليكاسى ازاماتىنىڭ پاسپورتى;

2) قازاقستان رەسپۋبليكاسى ازاماتىنىڭ جەكە كۋالىگى;

3) شەتەلدىكتىڭ قازاقستان رەسپۋبليكاسىندا تۇرۋىنا ىقتيارحات;

4) ازاماتتىعى جوق ادامنىڭ كۋالىگى;

5) قازاقستان رەسپۋبليكاسىنىڭ ديپلوماتيالىق پاسپورتى;

6) قازاقستان رەسپۋبليكاسىنىڭ قىزمەتتىك پاسپورتى;

7) بوسقىن كۋالىگى;

8) قازاقستان رەسپۋبليكاسى تەڭىزشىسىنىڭ جەكە كۋالىگى;

9) شەتەلدىك پاسپورت;

10) قايتىپ ورالۋعا ارنالعان كۋالىك;

11) تۋ تۋرالى كۋالىك جەكە باستى كۋالاندىراتىن قۇجاتتار بولىپ تابىلادى.

قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىندە كوزدەلگەن جاعدايلاردا, جۇرگىزۋشىنىڭ كۋالىگى جانە اسكەري بيلەت جەكە باستى كۋالاندىراتىن قۇجاتتار بولىپ تانىلۋى مۇمكىن.

2. قازاقستان رەسپۋبليكاسىنىڭ ۋاكىلەتتى مەملەكەت­تىك ورگاندارى بەرەتىن جەكە باستى كۋالاندىراتىن قۇجاتتار مەملەكەت مەنشىگى بولىپ تابىلادى.

3. ازاماتتىق-قۇقىقتىق مامىلەلەر وسى باپتىڭ 1-تار­ماعىنىڭ 1), 2), 3), 4), 9) جانە 11) تارماقشا­لا­رىندا كوزدەلگەن جەكە باستى كۋالاندىراتىن قۇجاتتار بويىنشا جاسالادى.

7-باپ. جەكە باستى كۋالاندىراتىن قۇجاتتارعا

 قويىلاتىن تالاپتار

1. جەكە باستى كۋالاندىراتىن قۇجاتتار مىناداي دەرەكتەردى:

1) تەگىن, اتىن, اكەسىنىڭ اتىن (ول بولعان جاعدايدا);

2) تۋعان كۇنىن, ايىن, جىلىن جانە جەرىن;

3) تۋ تۋرالى كۋالىكتى قوسپاعاندا, جىنىسىن;

4) قاي ۇلتقا جاتاتىنىن – وسى زاڭنىڭ 6-بابى 1-تار­ماعىنىڭ 1), 2), 5) جانە 6) تارماقشالارىندا كورسەتىل­گەن جەكە باستى كۋالاندىراتىن قۇجاتتاردا يەسىنىڭ قالاۋى بويىنشا;

5) تۋ تۋرالى كۋالىكتى قوسپاعاندا, ازاماتتىعىن;

6) تۋ تۋرالى كۋالىكتى قوسپاعاندا, فوتوسۋرەتىن;

7) قۇجاتتى بەرگەن ورگاننىڭ اتاۋىن;

8) تۋ تۋرالى كۋالىكتى قوسپاعاندا, قۇجاتتىڭ بەرىل­گەن كۇنىن, ايىن, جىلىن, ءنومىرىن, قولدانىلۋ مەرزىمىن;

9) تۋ تۋرالى كۋالىكتى قوسپاعاندا, قۇجاتتار يەسىنىڭ قويىلعان قولىن قامتيدى.

2. وسى زاڭنىڭ 6-بابى 1-تارماعىنىڭ 1), 2), 3), 4), 5), 6) ءجا­نە 11) تارماقشالارىندا كورسەتىلگەن جەكە باستى كۋا­لان­دىراتىن قۇجاتتار جەكە سايكەستەندىرۋ ءنومىرىن قامتيدى.

3. جەكە باستى كۋالاندىراتىن قۇجاتتاردى ۋاكىلەتتى مەملەكەتتىك ورگان قازاق تىلىندە نەمەسە يەسىنىڭ قالاۋى بويىنشا ورىس تىلىندە تولتىرادى.

قازاقستان رەسپۋبليكاسى ازاماتىنىڭ پاسپورتى جانە ازاماتتىعى جوق ادامنىڭ كۋالىگى قازاق تىلىندە نەمەسە يەسىنىڭ قالاۋى بويىنشا ورىس تىلىندە, سونداي-اق اعىلشىن تىلىندە تولتىرىلادى.

قازاقستان رەسپۋبليكاسىنىڭ ديپلوماتيالىق پاس­پورتى, قازاقستان رەسپۋبليكاسىنىڭ قىزمەتتىك پاسپورتى, قازاقستان رەسپۋبليكاسى تەڭىزشىسىنىڭ جەكە كۋالىگى قازاق جانە اعىلشىن تىلدەرىندە تولتىرىلادى.

8-باپ. قازاقستان رەسپۋبليكاسى ازاماتىنىڭ پاسپورتى

1. قازاقستان رەسپۋبليكاسى ازاماتىنىڭ پاسپورتى ازاماتتارعا جاسىنا قاراماستان, ولاردىڭ قالاۋى بويىنشا بەرىلەدى جانە قازاقستان رەسپۋبليكاسىنىڭ اۋماعىندا جانە ودان تىس جەرلەردە قازاقستان رەسپۋبليكاسى ازاماتىنىڭ جەكە باسىن كۋالاندىرادى.

2. قازاقستان رەسپۋبليكاسى ازاماتىنىڭ پاسپورتىنا مىناداي جازبالار مەن بەلگىلەر:

1) شەتەلگە تۇراقتى تۇرۋعا كەتۋ تۋرالى رۇقسات بەرۋ جازباسى;

2) اتا-انالارىمەن بىرگە شەتەلگە شىققان جاعداي­لاردا ون التى جاسقا دەيىنگى بالالار تۋرالى فوتو­سۋرەتتەرى جاپسىرىلعان جازبا;

3) شەت مەملەكەتتىڭ ۆيزاسى;

4) شەكارالىق باقىلاۋ-وتكىزۋ پۋنكتىنىڭ شەكارادان ءوتۋ تۋرالى بەلگىسى ەنگىزىلۋى مۇمكىن.

3. قازاقستان رەسپۋبليكاسىنىڭ ۋاكىلەتتى مەملەكەت­تىك ورگاندارى قازاقستان رەسپۋبليكاسى ازاماتىنىڭ پاس­پورتىنا قوياتىن بەلگىلەر مورتاباندارمەن رەسىمدە­لەدى, ولاردىڭ نىسانىن قازاقستان رەسپۋبليكاسىنىڭ ۋاكى­لەتتى مەملەكەتتىك ورگاندارى جانە ۇلتتىق قاۋىپسىزدىك كوميتەتى بەلگىلەيدى. قازاقستان رەسپۋبليكاسى ازاما­تىنىڭ پاسپورتىنا وسى زاڭدا كوزدەلمەگەن جازبالار مەن بەلگىلەردى قويۋعا جانە ەنگىزۋگە تىيىم سالىنادى.

4. قازاقستان رەسپۋبليكاسى ازاماتىنىڭ پاسپورتى ون جىل قولدانۋ مەرزىمىنە بەرىلەدى.

9-باپ. قازاقستان رەسپۋبليكاسى ازاماتىنىڭ جەكە كۋالىگى

1. قازاقستان رەسپۋبليكاسىنىڭ اۋماعىندا تۇراقتى تۇرا­تىن ونىڭ ازاماتتارىنىڭ جەكە كۋالىگىنىڭ بولۋى مىندەتتى.

2. قازاقستان رەسپۋبليكاسىنىڭ ازاماتتارىنا ون التى جاستان باستاپ جەكە كۋالىك بەرىلەدى.

3. شەتەلگە تۇراقتى تۇرۋعا كەتەتىن قازاقستان رەس­پۋبليكاسىنىڭ ازاماتتارى جەكە كۋالىكتەرىن ىشكى ىستەر ورگاندارىنا تاپسىرادى.

4. قازاقستان رەسپۋبليكاسى ازاماتىنىڭ جەكە كۋالىگى ون جىل قولدانۋ مەرزىمىنە بەرىلەدى.

10-باپ. شەتەلدىكتىڭ قازاقستان رەسپۋبليكاسىندا تۇرۋىنا ىقتيارحات

1. شەتەلدىكتىڭ قازاقستان رەسپۋبليكاسىندا تۇرۋىنا ىقتيارحات قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەرگە ون التى جاستان باستاپ ون جىل قولدانۋ مەرزىمىنە, بىراق ولار ازاماتى بولىپ تابىلاتىن ەلدىڭ پاسپورتىنىڭ قولدانىلۋ مەرزىمىنەن اسپايتىن مەرزىمگە بەرىلەدى.

2. شەتەلگە شىققان كەزدە شەتەلدىكتىڭ جەكە باسىن ءوزى ازاماتى بولىپ تابىلاتىن ەلدىڭ پاسپورتى كۋالاندىرادى.

11-باپ. ازاماتتىعى جوق ادامنىڭ كۋالىگى

1. قازاقستان رەسپۋبليكاسىنىڭ اۋماعىندا تۇراقتى تۇراتىن, ون التى جاسقا تولعان ازاماتتىعى جوق ادام­دارعا ازاماتتىعى جوق ادامنىڭ كۋالىگى بەرىلەدى.

2. ازاماتتىعى جوق ادامنىڭ كۋالىگى قازاقستان رەس­پۋبليكاسىنىڭ اۋماعىندا جانە ودان تىس جەرلەردە يەسىنىڭ جەكە باسىن راستاۋ ءۇشىن بەس جىل قولدانۋ مەرزىمىنە بەرىلەدى.

3. شەتەلگە اتا-انالارسىز, قامقورشىلارسىز, قور­عان­شىلارسىز شىققان كەزدە ازاماتتىعى جوق ادامنىڭ كۋالىگى ون التى جاسقا دەيىنگى ادامدارعا بەرىلەدى.

12-باپ. قازاقستان رەسپۋبليكاسىنىڭ ديپلوماتيالىق پاسپورتى

1. قازاقستان رەسپۋبليكاسىنىڭ ديپلوماتيالىق پاس­پورتى قازاقستان رەسپۋبليكاسىنىڭ پرەزيدەنتى بەكى­تەتىن تىزبەگە سايكەس لاۋازىمدى ادامدارعا بەرىلەدى.

2. سىرتقى ساياسي قىزمەتتى جۇزەگە اسىراتىن ۋاكىلەت­تى مەملەكەتتىك ورگان باسشىسىنىڭ تىزبەدە كورسەتىل­مەگەن ادامدارعا قازاقستان رەسپۋبليكاسى پرەزيدەن­تىنىڭ كەلىسىمى بويىنشا قازاقستان رەسپۋبليكاسىنىڭ ديپلوماتيالىق پاسپورتىن بەرۋگە قۇقىعى بار.

3. قازاقستان رەسپۋبليكاسىنىڭ ديپلوماتيالىق پاس­پورتى بار ادامداردىڭ جۇبايلارى مەن ون سەگىز جاسقا دەيىنگى بالالارى ۇزاق مەرزىمدى شەتەلدىك ىسساپارلارعا بىرگە شىققان جاعدايدا, ولارعا دا ديپلوماتيالىق پاسپورتتار بەرىلەدى.

4. قازاقستان رەسپۋبليكاسىنىڭ ديپلوماتيالىق پاسپورتى بەس جىل قولدانۋ مەرزىمىنە بەرىلەدى.

13-باپ. قازاقستان رەسپۋبليكاسىنىڭ قىزمەتتىك پاسپورتى

1. قازاقستان رەسپۋبليكاسىنىڭ قىزمەتتىك پاسپورتى قازاقستان رەسپۋبليكاسىنىڭ پرەزيدەنتى بەكىتەتىن تىزبەگە سايكەس لاۋازىمدى ادامدارعا بەرىلەدى.

2. قازاقستان رەسپۋبليكاسىنىڭ قىزمەتتىك پاسپورتتارى بار ادامدارمەن بىرگە ۇزاق مەرزىمدى شەتەلدىك ىسساپارلارعا باراتىن جۇبايلارى مەن ون سەگىز جاسقا دەيىنگى بالالارىنا دا قىزمەتتىك پاسپورتتار بەرىلەدى.

3. قازاقستان رەسپۋبليكاسىنىڭ قىزمەتتىك پاسپورتى بەس جىل قولدانۋ مەرزىمىنە بەرىلەدى.

14-باپ. بوسقىن كۋالىگى

1. بوسقىن كۋالىگى «بوسقىندار تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن بوس­قىن مارتەبەسى بەرىلگەن شەتەلدىكتەر مەن ازاماتتىعى جوق ادامدارعا بەرىلەدى.

2. بوسقىن كۋالىگى ءبىر جىل قولدانۋ مەرزىمىنە بەرى­لەدى, ونى ۋاكىلەتتى مەملەكەتتىك ورگان بوسقىننىڭ شىق­قان ەلىندە وعان بوسقىن مارتەبەسىن بەرۋگە نەگىز بولعان ءمان-جايلار ساقتالعان كەزەڭگە دەيىن ءاربىر كەلەسى جىلعا ۇزارتادى.

15-باپ. قازاقستان رەسپۋبليكاسى تەڭىزشىسىنىڭ جەكە كۋالىگى

1. قازاقستان رەسپۋبليكاسى تەڭىزشىسىنىڭ جەكە كۋالىگى كەمە بورتىندا جۇمىس ىستەيتىن قازاقستان رەسپۋبلي­كاسىنىڭ ازاماتتارىنا نەمەسە پراكتيكادان ءوتۋ ءۇشىن كەمەلەرگە جىبەرىلەتىن وقۋ ورىندارىندا ءبىلىم الۋشى­لارعا بەرىلەدى.

2. قازاقستان رەسپۋبليكاسى تەڭىزشىسىنىڭ جەكە كۋالىگى قازاقستان رەسپۋبليكاسىندا تىركەلگەن كەمەلەردە جۇ­مىس ىستەۋ ءۇشىن جالدانعان, قازاقستان رەسپۋبليكاسىندا تۇراقتى تۇراتىن شەتەلدىكتەر مەن ازاماتتىعى جوق ادامدارعا دا بەرىلەدى.

3. قازاقستان رەسپۋبليكاسى تەڭىزشىسىنىڭ جەكە كۋالىگى بەس جىل قولدانۋ مەرزىمىنە بەرىلەدى.

16-باپ. شەتەلدىك پاسپورت

1. شەتەلدىك پاسپورت شەتەلدىكتىڭ نەمەسە ازامات­تىعى جوق ادامنىڭ جەكە باسىن كۋالاندىرادى جانە ولاردىڭ قۇقىقتىق مارتەبەسىن راستايدى.

2. شەتەلدىك پاسپورتتى بەرۋ نەگىزدەرى جانە ونىڭ قولدانىلۋ مەرزىمى شەت مەملەكەتتىڭ زاڭناماسىندا ايقىندالادى.

17-باپ. قايتىپ ورالۋعا ارنالعان كۋالىك

1. قايتىپ ورالۋعا ارنالعان كۋالىك:

1) قازاقستان رەسپۋبليكاسىنىڭ ازاماتتارىنا – ولار قازاقستان رەسپۋبليكاسىنان تىس جەرلەردە بولعان ۋا­قىتتا قازاقستان رەسپۋبليكاسى ازاماتىنىڭ پاسپورتىن, قازاقستان رەسپۋبليكاسىنىڭ قىزمەتتىك نەمەسە ديپلوماتيالىق پاسپورتىن جوعالتقان نە ولاردىڭ قولدانىلۋ مەرزىمى وتكەن جاعدايدا;

2) قازاقستان رەسپۋبليكاسىنىڭ كامەلەتكە تولماعان ازاماتتارىنا – ولار قازاقستان رەسپۋبليكاسىنان تىس جەرلەردە تۋعان جاعدايدا;

3) قازاقستان رەسپۋبليكاسىندا تۇراقتى تۇراتىن ازاماتتىعى جوق ادامدارعا – ولار قازاقستان رەسپۋبليكاسىنان تىس جەرلەردە بولعان ۋاقىتتا ازاماتتىعى جوق ادامنىڭ كۋالىگىن جوعالتقان جاعدايدا;

4) بوسقىندارعا – ولار قازاقستان رەسپۋبليكاسىنان تىس جەرلەردە بولعان ۋاقىتتا جول ءجۇرۋ قۇجاتىن جوعالتقان جاعدايدا;

5) قازاقستان رەسپۋبليكاسىنىڭ ازاماتتارىنا جانە قازاقستان رەسپۋبليكاسىندا تۇراقتى تۇراتىن, قازاق­ستان رەسپۋبليكاسىنا كەلۋ ءۇشىن جارامسىز قۇجاتتارى بار ازاماتتىعى جوق ادامدارعا – ولار قازاقستان رەسپۋبليكاسىنا شىعارىپ جىبەرىلگەن, قازاقستان رەسپۋبليكاسىنا بەرىلگەن جاعدايدا بەرىلەدى.

2. قايتىپ ورالۋعا ارنالعان كۋالىك قازاقستان رەسپۋبليكاسىنا ءبىر رەتتىك كەلۋ ءۇشىن بەرىلەدى جانە ول قازاق­ستان رەسپۋبليكاسىنان كەتۋ ءۇشىن پايدالانىلمايدى.

3. قايتىپ ورالۋعا ارنالعان كۋالىكتى قازاقستان رەسپۋبليكاسىنىڭ شەتەلدەگى مەكەمەلەرى بەرەدى.

4. قايتىپ ورالۋعا ارنالعان كۋالىككە:

1) شەت مەملەكەتتىڭ ۆيزالار بەرۋگە ۋاكىلەتتى قۇزى­رەتتى ورگانى – ۆيزالار تۋرالى;

2) شەكارا قىزمەتى ورگانى, شەت مەملەكەتتىڭ شەكارالىق باقىلاۋدى جۇزەگە اسىراتىن قۇزىرەتتى ورگانى – قازاقستان رەسپۋبليكاسىنىڭ مەملەكەتتىك شەكاراسىنان جانە باسقا مەملەكەتتەردىڭ مەملەكەتتىك شەكارالارىنان ءوتۋ تۋرالى;

3) ءتيىستى بەلگىنى ەنگىزگەن ورگان – بۇرىن ەنگىزىلگەن بەلگىلەردى جويۋ تۋرالى بەلگىلەر ەنگىزەدى.

18-باپ. تۋ تۋرالى كۋالىك

1. تۋ تۋرالى كۋالىك قازاقستان رەسپۋبليكاسىنىڭ زاڭناماسىنا سايكەس بالانىڭ تۋىن مەملەكەتتىك تىركەۋ تۋرالى اكت جازباسىنىڭ نەگىزىندە بەرىلەدى.

2. مىناداي قۇجاتتاردىڭ ءبىرىن – قازاقستان رەسپۋبليكاسى ازاماتىنىڭ جەكە كۋالىگىن, قازاقستان رەسپۋبليكاسى ازاماتىنىڭ پاسپورتىن, ازاماتتىعى جوق ادامنىڭ كۋالىگىن نە شەتەلدىك پاسپورتتى العانعا دەيىن تۋ تۋرالى كۋالىك جەكە تۇلعانىڭ جەكە باسىن كۋالان­دىراتىن قۇجات بولىپ تابىلادى.

19-باپ. جەكە باستى كۋالاندىراتىن قۇجاتتاردى بەرۋ نەگىزدەرى

جەكە باستى كۋالاندىراتىن قۇجاتتاردى بەرۋ مىناداي قۇجاتتاردىڭ ءبىرىنىڭ نەگىزىندە جۇزەگە اسىرىلادى:

1) تۋ تۋرالى اكت جازباسى;

2) تۋ تۋرالى كۋالىك;

3) قازاقستان رەسپۋبليكاسى ازاماتىنىڭ پاسپورتى;

4) قازاقستان رەسپۋبليكاسى ازاماتىنىڭ جەكە كۋالىگى;

5) ۋاقىتشا جەكە كۋالىك;

6) قايتىپ ورالۋعا ارنالعان كۋالىك;

7) ازاماتتىعى جوق ادامنىڭ كۋالىگى;

8) شەتەلدىك پاسپورت;

9) قازاقستان رەسپۋبليكاسى پرەزيدەنتىنىڭ جارلىعى بويىنشا قازاقستان رەسپۋبليكاسىنىڭ ازاماتتىعىنا قا­بىلداۋ, قازاقستان رەسپۋبليكاسىنىڭ ازاماتتىعىنان شىعۋ جانە ازاماتتىقتى وزگەرتۋ تۋرالى, سونداي-اق قازاقستان رەسپۋبليكاسى راتيفيكاتسيالاعان حالىق­ارالىق شارتتارعا سايكەس ازاماتتىقتى وزگەرتۋ تۋرالى انىقتامالار;

10) ۋاكىلەتتى مەملەكەتتىك ورگان وڭ تۇرعىدا قاراعان, بوسقىن مارتەبەسىن بەرۋ تۋرالى قولداۋحات.

20-باپ. جەكە باستى كۋالاندىراتىن قۇجاتتاردى بەرۋ

1. جەكە باستى كۋالاندىراتىن قۇجاتتاردى (قازاق­ستان رەسپۋبليكاسىنىڭ شەتەلدەگى مەكەمەلەرىندە رە­سىم­دەلگەن قۇجاتتاردى قوسپاعاندا) الۋعا ءوتىنىم بەرىل­گەن كۇننەن باستاپ كۇنتىزبەلىك وتىز كۇننەن كەشىك­تىرىلمەيتىن مەرزىمدە ۋاكىلەتتى مەملەكەتتىك ورگاندار جەكە باستى كۋالاندىراتىن قۇجاتتاردى يەسىنە نەمەسە ونىڭ زاڭدى وكىلىنە بەرەدى.

2. وسى زاڭنىڭ 6-بابى 1-تارماعىنىڭ 1) – 4) تارماق­شالارىندا كوزدەلگەن جەكە باستى كۋالاندىراتىن قۇ­جات­تار جەكە تۇلعانىڭ قالاۋى بويىنشا قازاقستان رەس­پۋب­ليكاسىنىڭ ۇكىمەتى بەلگىلەگەن تارتىپپەن جەدەل­دەتىلگەن تۇردە بەرىلەدى.

3. جەكە باستى كۋالاندىراتىن قۇجاتتاردى تولتىر­عان كەزدە تەگى, اتى, اكەسىنىڭ اتى (ول بولعان جاعدايدا) جانە باسقا دەرەكتەر, قازاقستان رەسپۋبليكاسىنىڭ زاڭ­دا­رىندا جانە قازاقستان رەسپۋبليكاسى پرەزيدەنتىنىڭ اكتىلەرىندە كوزدەلگەن جاعدايلاردى قوسپاعاندا, ولاردى بەرۋ ءۇشىن نەگىز بولعان قۇجاتقا سايكەس جازىلادى.

4. جەكە كۋالىگىن جوعالتقان, ول جارامسىز بولعان كەزدە نە كۋالىگى بولماعان كەزدە, جاڭاسىن العانعا دەيىن قازاقستان رەسپۋبليكاسىنىڭ ازاماتتارىنا ءۇش اي قول­دانۋ مەرزىمىنە ۋاقىتشا جەكە كۋالىك بەرىلەدى.

ۋاقىتشا جەكە كۋالىكتىڭ قولدانىلۋ مەرزىمىن ۇزار­تۋعا جول بەرىلمەيدى.

21-باپ. جەكە باستى كۋالاندىراتىن قۇجاتتار جوعالعان  جاعدايدا ولاردى قالپىنا كەلتىرۋ

1. قازاقستان رەسپۋبليكاسىنىڭ ازاماتتارى, قازاق­ستان رەسپۋبليكاسىندا تۇراقتى تۇراتىن شەتەلدىكتەر جانە ازاماتتىعى جوق ادامدار جەكە باستى كۋالان­دىرا­تىن قۇجاتتاردى جوعالتقان جاعدايدا, جاڭا قۇجاتتار الۋ ءۇشىن ۋاكىلەتتى مەملەكەتتىك ورگاندارعا ءوتىنىش بىلدىرەدى.

2. شەتەلدەگى قازاقستان رەسپۋبليكاسىنىڭ ازاماتتارى قازاقستان رەسپۋبليكاسىنىڭ پاسپورتىن جوعالتقان كەزدە قازاقستان رەسپۋبليكاسىنىڭ شەتەلدەگى مەكەمە­لەرىنە ءوتىنىش بىلدىرەدى.

22-باپ. جەكە باستى كۋالاندىراتىن قۇجاتتاردىڭ

 جارامسىزدىعى, ولاردى اۋىستىرۋ جانە تاپسىرۋ

1. جەكە باستى كۋالاندىراتىن قۇجات:

1) وندا وسى زاڭنىڭ 7-بابى 1-تارماعىنىڭ 1), 2), 5), 6), 7) جانە 8) تارماقشالارىندا كورسەتىلگەن دەرەكتەر (تۋ تۋرالى كۋالىكتى قوسپاعاندا) بولماعان;

2) ونىڭ قولدانىلۋ مەرزىمى وتكەن;

3) وسى زاڭنىڭ 7-بابى 1-تارماعىنىڭ 1), 2), 5), 6), 7) جانە 8) تارماقشالارىندا كورسەتىلگەن دەرەكتەردى نە قۇ­جات­تى قورعاۋ دارەجەسىن سايكەستەندىرۋ مۇمكىن بولماعان;

4) قۇجات جوعالعاندا, يەسى ۋاكىلەتتى مەملەكەتتىك ورگانعا ءوتىنىش بەرگەن كۇننەن باستاپ;

5) يەسىنىڭ قۇقىقتىق مارتەبەسىنە سايكەس كەلمەگەن;

6) جىنىسىن وزگەرتكەن جاعدايلاردا, جارامسىز بولىپ تابىلادى جانە تاپسىرۋعا جانە اۋىستىرۋعا جاتادى.

2. تابىلعان جەكە باستى كۋالاندىراتىن قۇجاتتار ىشكى ىستەر ورگاندارىنا تاپسىرىلادى. جوعالعان جەكە باستى كۋالاندىراتىن قۇجاتتى يەسى قالپىنا كەلتىرگەن جاعدايدا, تابىلعان قۇجات قازاقستان رەسپۋبليكا­سى­نىڭ زاڭناماسىندا بەلگىلەنگەن تارتىپپەن جويىلادى.

3. قايتىس بولعان ادامداردىڭ, سونداي-اق سوت قايتىس بولدى دەپ جاريالاعانداردىڭ جەكە باسىن كۋالان­دىراتىن قۇجاتتار ۋاكىلەتتى مەملەكەتتىك ورگاندارعا تاپسىرىلادى جانە قازاقستان رەسپۋبليكاسىنىڭ زاڭ­نا­ما­سىندا بەلگىلەنگەن تارتىپپەن جويىلادى.

23-باپ. جەكە باستى كۋالاندىراتىن قۇجاتتاردى الىپ قويۋ  جانە پايدالانۋ

1. قازاقستان رەسپۋبليكاسىنىڭ زاڭدارىندا بەلگى­لەنگەن جاعدايلاردا جانە تارتىپپەن الدىن الا تەرگەۋ, انىقتاۋ ورگاندارىنىڭ لاۋازىمدى ادامدارى, سونداي-اق اكىمشىلىك ءىس جۇرگىزۋ جانە ازاماتتىقتى جوعالتۋدى رەسىمدەۋ بارىسىندا لاۋازىمدى ادامدار جەكە باستى كۋالاندىراتىن قۇجاتتاردى الىپ قويادى.

وزگە ورگاندار مەن لاۋازىمدى ادامداردىڭ جەكە باس­تى كۋالاندىراتىن قۇجاتتاردى الىپ قويۋىنا تىيىم سالىنادى.

2. جەكە باستى كۋالاندىراتىن قۇجاتتاردى كەپىلگە قابىلداۋعا تىيىم سالىنادى.

3. قازاقستان رەسپۋبليكاسىنىڭ زاڭناماسىندا كوز­دەل­گەن جاعدايلاردى قوسپاعاندا, جەكە باستى كۋالان­دىراتىن قۇجاتتاردىڭ كوشىرمەلەرى بويىنشا جەكە تۇلعانى سايكەستەندىرۋگە, سول سياقتى ولاردى پايدا­لانۋعا تىيىم سالىنادى.

4. باس بوستاندىعىنان ايىرۋعا سوتتالعان ادامدار­دىڭ جەكە باستى كۋالاندىراتىن قۇجاتتارى الىپ قويىلادى جانە ۇكىمدەردى ورىندايتىن مەكەمەلەردە ساقتالادى. جازانى وتەۋدەن بوساتىلعان كەزدە جەكە باس­تى كۋالاندىراتىن قۇجاتتار يەلەرىنە قايتارىلادى.

 3-تاراۋ. جەكە باستى كۋالاندىراتىن قۇجاتتار  سالاسىنداعى مەملەكەتتىك ورگانداردىڭ قۇزىرەتى

24-باپ. قازاقستان رەسپۋبليكاسى پرەزيدەنتىنىڭ قۇزىرەتى

قازاقستان رەسپۋبليكاسىنىڭ پرەزيدەنتى:

1) قازاقستان رەسپۋبليكاسىنىڭ ديپلوماتيالىق جانە قىزمەتتىك پاسپورتتارىن رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ ءتارتىبىن بەكىتەدى;

2) قازاقستان رەسپۋبليكاسىنىڭ ديپلوماتيالىق جانە قىزمەتتىك پاسپورتتارى بەرىلەتىن قازاقستان رەس­پۋبليكاسى لاۋازىمدى ادامدارىنىڭ تىزبەسىن بەكىتەدى;

3) قازاقستان رەسپۋبليكاسىنىڭ كونستيتۋتسياسىنا جانە زاڭدارىنا سايكەس وزگە دە وكىلەتتىكتەردى جۇزەگە اسىرادى.

25-باپ. قازاقستان رەسپۋبليكاسى ۇكىمەتىنىڭ قۇزىرەتى

قازاقستان رەسپۋبليكاسىنىڭ ۇكىمەتى:

1) قازاقستان رەسپۋبليكاسىنىڭ ديپلوماتيالىق ءجا­نە قىزمەتتىك پاسپورتتارىن قوسپاعاندا, جەكە باستى كۋالاندىراتىن قۇجاتتاردى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ ءتارتىبىن بەكىتەدى;

2) جەكە باستى كۋالاندىراتىن قۇجاتتاردىڭ ۇلگىلە­رىن جانە ولاردى قورعاۋعا قويىلاتىن تالاپتاردى بەكىتەدى;

3) قازاقستان رەسپۋبليكاسىنىڭ كونستيتۋتسياسىندا, زاڭدارىندا جانە قازاقستان رەسپۋبليكاسى پرەزيدەن­تىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

26-باپ. ىشكى ىستەر ورگاندارىنىڭ قۇزىرەتى

ىشكى ىستەر ورگاندارى:

1) جەكە باستى كۋالاندىراتىن قۇجاتتاردىڭ:

قازاقستان رەسپۋبليكاسى ازاماتى پاسپورتىنىڭ;

قازاقستان رەسپۋبليكاسى ازاماتى جەكە كۋالىگىنىڭ;

شەتەلدىكتىڭ قازاقستان رەسپۋبليكاسىندا تۇرۋىنا ىقتيارحاتتىڭ;

ازاماتتىعى جوق ادامنىڭ كۋالىگىنىڭ;

بوسقىن كۋالىگىنىڭ ۇلگىلەرىن, ولاردى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ ءتارتىبىن ازىرلەيدى;

2) وسى باپتىڭ 1) تارماقشاسىندا كورسەتىلگەن جەكە باستى كۋالاندىراتىن قۇجاتتاردى رەسىمدەۋدى, بەرۋدى, اۋىستىرۋدى, الىپ قويۋدى جانە جويۋدى جۇزەگە اسىرادى;

3) قازاقستان رەسپۋبليكاسىنىڭ زاڭدارىندا, قازاق­ستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

27-باپ. سىرتقى ساياسي قىزمەت سالاسىنداعى ۋاكىلەتتى  مەملەكەتتىك ورگاننىڭ قۇزىرەتى

سىرتقى ساياسي قىزمەت سالاسىنداعى ۋاكىلەتتى مەملەكەتتىك ورگان:

1) قازاقستان رەسپۋبليكاسى ديپلوماتيالىق پاسپور­تىنىڭ جانە قازاقستان رەسپۋبليكاسى قىزمەتتىك پاس­پور­تىنىڭ ۇلگىلەرىن, ولاردى رەسىمدەۋ, بەرۋ, اۋىس­تىرۋ, تاپسىرۋ, الىپ قويۋ جانە جويۋ ءتارتىبىن ازىرلەيدى;

2) قايتىپ ورالۋعا ارنالعان كۋالىكتىڭ ۇلگىسىن, ونى رەسىمدەۋ, بەرۋ جانە اۋىستىرۋ ءتارتىبىن ازىرلەيدى;

3) وسى باپتىڭ 1) تارماقشاسىندا كورسەتىلگەن جەكە باستى كۋالاندىراتىن قۇجاتتاردى رەسىمدەۋدى, بەرۋدى, اۋىستىرۋدى, الىپ قويۋدى جانە جويۋدى جۇزەگە اسىرادى;

4) شەتەلدە تۇراقتى تۇرۋ قۇقىعىنا قۇجاتتار العان قازاقستان رەسپۋبليكاسى ازاماتتارىنان جەكە كۋالىگىن جانە وزگە مەملەكەتتىڭ ازاماتتىعىن قابىلداعان جاعدايدا – پاسپورتىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن الىپ قويادى;

5) قازاقستان رەسپۋبليكاسىنىڭ زاڭدارىندا, قازاق­ستان رەسپۋبليكاسى پرەزيدەنتىنىڭ جانە قازاقستان رەس­پۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

28-باپ. وزگە دە ۋاكىلەتتى مەملەكەتتىك ورگانداردىڭ قۇزىرەتى

وزگە دە ۋاكىلەتتى مەملەكەتتىك ورگاندار:

1) جەكە باستى كۋالاندىراتىن قۇجاتتاردىڭ:

ادىلەت ورگاندارى – تۋ تۋرالى كۋالىكتىڭ;

كولىك جانە كوممۋنيكاتسيا سالاسىنداعى ۋاكىلەتتى مەملەكەتتىك ورگان – قازاقستان رەسپۋبليكاسى تەڭىز­شىسى­نىڭ جەكە كۋالىگىنىڭ ۇلگىلەرىن, ولاردى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ ءتارتىبىن ازىرلەيدى;

2) ءوز قۇزىرەتى شەگىندە جەكە باستى كۋالاندىراتىن قۇجاتتاردى رەسىمدەۋدى, بەرۋدى, اۋىستىرۋدى, الىپ قويۋدى جانە جويۋدى جۇزەگە اسىرادى;

3) قازاقستان رەسپۋبليكاسىنىڭ زاڭدارىندا, قازاق­ستان رەسپۋبليكاسى پرەزيدەنتىنىڭ جانە قازاقستان رەس­پۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

4-تاراۋ. قورىتىندى ەرەجەلەر

29-باپ. جەكە باستى كۋالاندىراتىن قۇجاتتاردى دايىنداۋ  سالاسىنداعى مەملەكەتتىك مونوپوليا

وسى زاڭنىڭ 6-بابى 1-تارماعىنىڭ 1), 2), 3) جانە 4) تارماقشالارىندا كورسەتىلگەن جەكە باستى كۋالاندى­راتىن قۇجاتتاردى دايىنداۋ, قۇجاتتاردى دايىنداۋ جۇيەسى دە­رەكتەرىنىڭ ىقپالداستىرىلعان بانكىن جيناقتاۋ جانە جۇرگىزۋ, كوشى-قون ۇدەرىستەرىنىڭ ەسەبىن جۇرگىزۋ جۇمىسىن اۆتوماتتاندىرۋ, ىشكى ىستەر ورگاندارى ءۇشىن باعدار­­لاما­لىق-تەحنيكالىق ونىمدەردى ازىرلەۋ, ەنگىزۋ جانە سۇيەمەلدەۋ جونىندەگى قىزمەت مەملەكەتتىك مونوپولياعا جاتادى جانە ونى قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان شارۋا­شىلىق جۇرگىزۋ قۇقىعىنداعى رەسپۋب­­ليكالىق مەمل­ە­كەتتىك كاسىپورىن جۇزەگە اسىرادى.

30-باپ. قازاقستان رەسپۋبليكاسىنىڭ جەكە باستى كۋالاندىراتىن  قۇجاتتار تۋرالى زاڭناماسىن بۇزعانى ءۇشىن جاۋاپتىلىق

قازاقستان رەسپۋبليكاسىنىڭ جەكە باستى كۋالان­دىراتىن قۇجاتتار تۋرالى زاڭناماسىن بۇزۋ قازاقستان رەسپۋبليكاسىنىڭ زاڭدارىنا سايكەس جاۋاپتىلىققا اكەپ سوعادى.

31-باپ. وسى زاڭدى قولدانىسقا ەنگىزۋ ءتارتىبى

وسى زاڭ العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

ن.نازارباەۆ.

استانا, اقوردا, 2013 جىلعى 29 قاڭتار  №73-V قرز