تانكىشىلەر شارتتى نىسانالار بويىنشا ت-72 تانكىسىنىڭ قارۋ-جاراعىنان دالدەپ اتۋ شەبەرلىكتەرىنە ءتانتى ەتتى. ەكيپاجدار باقىلاۋ وق اتۋدىڭ ءبىرىنشى جاتتىعۋىن ورىندادى. ونىڭ بارىسىندا 1600 مەتر قاشىقتىقتان شارتتى تانكتەر بويىنشا 900 مەترگە دەيىنگى قاشىقتىقتان اۆتوموبيلدە قول تانكىگە قارسى گراناتااتقىش پەن سەرپىلمەيتىن زەڭبىرەك جانە 700 مەتردەن قول تانكىگە قارسى گراناتااتقىشپەن وق اتۋدى جۇرگىزدى. ودان باسقا, تانكىشىلەر تانكىگە اتىس جيىنتىعىن سالۋ, تانكتىڭ بولىمشەسى مەن قارۋ-جاراعىن جورىقتىق قالىپتان جاۋىنگەرلىككە جانە كەرى قاراي كوشىرۋ جونىندەگى پراكتيكالىق نورماتيۆتەردى ورىندادى.
وق اتۋلاردى وتكىزۋدىڭ باستى ماقساتى اسكەري قىزمەتشىلەردىڭ جاۋىنگەرلىك دايارلىق دەڭگەيىن ارتتىرۋ, شتاتتىق قارۋ-جاراقتان ولاردىڭ وق اتۋ شەبەرلىكتەرىن جەتىلدىرۋ, اتىستى باسقارۋدى دۇرىس ۇيىمداستىرۋداعى پراكتيكالىق ماشىقتى يگەرۋ بولدى.
وق اتۋلاردىڭ قورىتىندىسى بويىنشا 2-ءشى تانكتى روتاسىنىڭ كومانديرى اعا لەيتەنانت ازامات قوندىباەۆتىڭ جەكە قۇرامى بارلىق ءتيىستى نورماتيۆتەردى ساپالى ءارى جىلدام ورىنداپ, بارلىق مەجەلەرگە ءدوپ تيگىزدى. ۇزدىك تانك كومانديرى رەتىندە سەرجانت ابدۋعازيز سەيتقوجا تانىلدى.
