بۇل مالىمەتتى ۆاليۋتا نارىعىنداعى ەۋرونىڭ ساتىلىمىنا تالداۋ جاساعان Ranking.kz ساراپتامالىق اگەنتتىگى جاريالادى.
«وتكەن جىلمەن سالىستىرعاندا ەۋرونىڭ ساتىلىمى 59 پايىزعا ارتتى. بىلتىر بۇل سيپاتتاعى ۆاليۋتا ايىرباستاۋ وپەراتسيالارى تەڭگەنىڭ قاتىسىنسىز وتكەن. ەۋرو ساتىلىمىنىڭ ارتۋى بارلىق وڭىردە بايقالىپ وتىر», – دەلىنگەن سايتتىڭ اقپاراتىندا.
ەۋرووداق ۆاليۋتاسى سۇرانىسقا يە قالالاردىڭ ءتىزىمىن الماتى باستاسا (109 ملرد تەڭگە), نۇر-سۇلتان قالاسى 29,9 ملرد تەڭگەمەن ەكىنشى ورىندا تۇر.ء ۇشىنشى ورىنعا 14,7 ملرد تەڭگەمەن قاراعاندى وبلىس جايعاسقان. بۇعان دەيىن اتالمىش ۆاليۋتاعا اسا كوپ سۇرانىس بايقالماعان اقمولا وبلىسىندا ەلەۋلى ءوسىم بار. بۇل وڭىردە ەۋرونىڭ ساتىلىمى وتكەن جىلعى كەزەڭمەن سالىستىرعاندا 12,4 ەسە ارتىپ, 3 ملرد تەڭگەگە جەتكەن. ەل كولەمىندە ەۋروعا دەگەن ەڭ تومەنگى سۇرانىس تۇركىستاندىقتاردىڭ ۇلەسىندە ەكەن. تۇركىستاندىقتار ازىرگە اقش دوللارىنا باسىمدىق بەرىپ وتىر.
«مۇندا «تازا ساتىلىم» ارقىلى 280,3 ملن تەڭگەنىڭ ايىرباسى جۇرگەن. «سوڭعى 2 ايدا ەۋرو ساتىلىمى 40 ملرد تەڭگەلىك مەجەدەن ارتىپ وتىر. شىلدە ايىنداعى ەۋرونىڭ ورتاشا باعامى 430,1 تەڭگە بولدى. بۇل ماۋسىم ايىنا قاراعاندا 0,1 پايىزعا ارزان. ال 2018 جىلدىڭ شىلدەسىمەن سالىستىرعاندا 7,2 پايىزعا قىمبات», – دەپ جازادى Rاnking.kz.
الماتى
