چەمپيوندى ماڭعىستاۋ وبلىسىنىڭ اكىمى س.ترۇموۆ باستاعان ەل ازاماتتارى, دوستارى مەن تۋىستارى, سونداي-اق جانكۇيەرلەرى شاشۋمەن, زور قوشامەتپەن قۋانا قارسى الدى.
كەزدەسۋدە ايماق باسشىسى س.ترۇموۆ دۇنيەجۇزىنە ءوزىنىڭ مىقتىلىعىن دالەلدەگەن بىلعارى قولعاپ شەبەرى بەكزات نۇرداۋلەتوۆكە بارلىق ماڭعىستاۋلىقتاردىڭ اتىنان العىس ايتىپ, شىن جۇرەكتەن جەڭىسىمەن قۇتتىقتادى. بەكزات نۇرداۋلەتوۆ قارسى الۋعا كەلگەن بارلىق جانكۇيەرلەر مەن ءوڭىر باسشىسىنا ريزاشىلىعىن ءبىلدىرىپ, بۇل جەڭىستى – بارلىق قازاقستاندىقتارعا تارتۋ ەتەتىندىگىن جەتكىزدى.
بۇعان دەيىن دە بىرنەشە دودالاردىڭ جۇلدەسىن يەلەنگەن 21 جاستاعى جاس بوكسشى وزىنە قولداۋ كورسەتكەن وتانداستارىنا, جەرلەستەرىنە, سونىمەن قاتار ايقاسقا دايىنداپ, تاكتيكالىق اقىل-كەڭەستەرىن بەرگەن جاتتىقتىرۋشىسى قازاقستاننىڭ ەڭبەك سىڭىرگەن باپكەرى م.جاكيەۆكە العىسىن جەتكىزدى.
الەم چەمپيوناتىندا قولعا تۇيىستىرگەن قارسىلاستارىنىڭ وسال بولماعاندىعىن ايتقان ول, 2020 جىلى توكيو قالاسىندا وتەتىن وليمپيادا ويىندارىنا دايىندالۋ كەرەكتىگىن جەتكىزدى.
ماڭعىستاۋ وبلىسى
