-الەمدە بولىپ جاتقان جاعدايلارعا قازاقستان ەتنيكالىق كەلىسىم مەن تولەرانتتىق ۇلگىسى رەتىندە ناتيجەلى ونەگە كورسەتە الادى. قازاق ءتىلىنىڭ لاتىنعا كەزەڭ-كەزەڭىمەن اۋىسۋى الەمدىك مادەنيەتپەن ۇشتاسۋى ءۇشىن وتە ماڭىزدى,- دەدى نۇرسۇلتان نازارباەۆ ەۋرازيا ەلدەرى پارلامەنت سپيكەرلەرىنىڭ 4-كەڭەسىندە.
ايتا كەتەيىك, ەۋرازيالىق مەملەكەتتەردىڭ زاڭنامالىق ورگاندارى باسشىلارىمەن جان-جاقتى ديالوگ ورناتۋ ماقساتىندا ۇيىمداستىرىلىپ جاتقان فورۋم بيىل قازاقستاندا ءبىرىنشى رەت ءوتىپ جاتىر. بۇعان دەيىن ەۋرازيا ەلدەرى پارلامەنتتەرى توراعالارىنىڭ كەڭەسى رەسەيدە, وڭتۇستىك كورەيادا جانە تۇركيا رەسپۋبليكاسىندا وتكەن ەدى.
فورۋمعا قاتىسۋشىلار قاتارىندا ەقىۇ مەن ۇقشۇ پارلامەنتتىك اسسامبلەيالارى, پارلامەنتارالىق وداق, ازيا پارلامەنتتىك اسسامبلەياسى, حالىقتىڭ قونىستانۋى جانە دامۋى جونىندەگى پارلامەنتاريلەردىڭ ازيالىق فورۋمى, ەۋروپالىق پارلامەنت, ازياداعى ءوزارا ءىس-قيمىل جانە سەنىم شارالارى كەڭەسى, يسلام ىنتىماقتاستىق ۇيىمى پارلامەنتتىك وداعى, تمد پاا, شىۇ سىندى ۇيىمدار بار.
