ءبىر اپاتادان استام مەرزىمدە قالا مەكتەپتەرىنىڭ وقۋشىلارى «رۋحاني جاڭعىرۋ» جوبالىق ءوفيسىنىڭ ۇيىمداستىرۋىمەن ەكسكۋرسيالارىن جالعاستىراتىن بولادى. العاشقى ەكسكۋرسيا وقۋشىلار ءۇشىن ەرەكشە بولدى.
كارتاعا ەنگەن كيەلى ورىنداردىڭ سانى 15 جانە دە ونىڭ ۇشەۋىنىڭ رەسپۋبليكالىق ماڭىزى بار. كۇنىنە 125 بالا وسى جوبا بويىنشا وزدەرى ءۇشىن قىزىقتى ساياحاتتار جاساپ, تانىمدىق مالىمەتتەر جينايدى. مۇنداي شارالار ءوز كەزەگىندە بالالاردىڭ تۋعان جەرگە دەگەن سۇيىسپەنشىلىگىن ارتتىرۋعا مۇمكىندىك بەرەدى. «رۋحاني جاڭعىرۋ» جوبالىق ءوفيسىنىڭ مەنەدجەرى راۋشان قاسىموۆانىڭ ايتۋىنشا, بالالار العاشقى ساياساتتارىنان ۇلكەن اسەرمەن ورالدى.
اسىرەسە, دىنمۇحامەد قوناەۆتاي تۇلعانىڭ ءومىرى مەن قىزمەتىنە قاتىستى دەرەكتەر مەكتەپ وقۋشىلارىنىڭ زور قىزىعۋشىلىعىن تۋعىزدى. ولاردى تۇلعا وقىعان كىتاپتاردىڭ سانى تاڭعالدىردى. بالالار سورەدەگى بەس مىڭ كىتاپ پەن جەكە بۇيىمدارىنا قاتىستى سۇراقتارىن قويىپ, ءاربىر جادىگەردىڭ تاريحىمەن تانىستى. بۇل ەكسكۋرسياعا وقۋشىلار ءاربىر اۋداننىڭ ءبىلىم باسقارمالارى ارقىلى جينالدى. ولاردىڭ باسىم كوپشىلىگى از قامتىلعان وتباسىلاردىڭ بالالارى. راۋشان قاسىموۆانىڭ ايتۋىنشا, 25 قىركۇيەككە دەيىن مىڭعا جۋىق بالانى قامتۋ جوسپارلانىپ وتىر. ال الداعى ۋاقىتتا بۇل كورسەتكىش 2-3 مىڭعا جەتكىزىلەدى.
