جۇلدەنى جيىنتىق روتانىڭ جەكە قۇرامىنا بۇۇ ۋاقىتشا كۇشتەرى شتابىنىڭ باستىعى تابىستادى. مەدالدىڭ ارتقى جاعىندا «IN THE SERVICE OF THE PEACE» دەگەن بەدەرلى جازۋ بار. بۇل «بەيبىتشىلىك قىزمەتىندە» دەگەن ماعىنانى ءبىلدىرىپ, بۇۇ ميسسياسىنا قاتىسقاندىقتى دالەلدەيدى. مىندەتتەردى ورىنداۋ بارىسىندا ءبىزدىڭ بىتىمگەرشىلىك روتا «كاسىپقوي بىتىمگەر» مارتەبەسىنە يە بولدى.
قازاقستان مەن ءۇندىستان ۇكىمەتى اراسىنداعى ء«ۇندى باتالونىنىڭ قۇرامىنا قازاقستاندىق بىتىمگەرشىلىك كونتينگەنتىن ورنالاستىرۋ ءتارتىبى تۋرالى» كەلىسىمگە سايكەس ەكىنشى بىتىمگەرشىلىك روتا «ليۆانداعى بۇۇ ۋاقىتشا كۇشتەرى» ميسسياسىنا قاتىسۋعا التى اي مەرزىمگە ءبىرىنشى روتانى اۋىستىرۋ ءۇشىن جىبەرىلگەن ەدى. ەندى 2019 جىلدىڭ قاراشا ايىندا بۇل بىتىمگەرلەر قۇرامى ەلگە ورالىپ, ال ولاردى الماستىرۋعا ءۇشىنشى بىتىمگەرشىلىك روتا اتتانادى.
جالپى, بۇعان دەيىن قازاقستاندىق اسكەريلەر تەك باقىلاۋشىلار رەتىندە قاتىسقان ەدى.
قازاقستان بەيبىتشىلىك پەن قاۋىپسىزدىكتى نىعايتۋ جونىندەگى باستامالاردىڭ جاقتاۋشىسى جانە بەلسەندى قاتىسۋشىسى ەكەندىگىن ايتا كەتكەن ءجون. بىتىمگەرشىلىك الەۋەتىن دامىتۋ قازاقستان قارۋلى كۇشتەرىن الداعى ۋاقىتتا دامىتۋدىڭ ماڭىزدى مىندەتتەرىنىڭ ءبىرى بولىپ تابىلادى.
ەستەرىڭىزگە سالا كەتەيىك, 1 قىركۇيەكتە يزرايل اسكەرى ليۆان اۋماعىنا زىمىراندىق سوققى جاساعان بولاتىن, وسىعان بايلانىستى بۇۇ بولىمشەلەرىنىڭ قۇرامىنا كىرەتىن قازاقستاننىڭ ەكىنشى بىتىمگەرشىلىك روتاسى ارنايى مىندەتتەمەلەرگە سايكەس تاپسىرمالاردى ورىنداۋ ءۇشىن تولىق جاۋىنگەرلىك ازىرلىككە كەلتىرىلگەن.
