ايماقتار • 24 قىركۇيەك، 2019

«سۋپەركوللەدج» جوباسى ىسكە قوسىلدى

14 رەتكورسەتىلدى

وڭىردەگى ءىرى ءوندىرىس ورنى – KAZ Minerals Aktogay كومپانياسى تاۋ-كەن سالاسىنا قاجەت جاس مامانداردى دايىنداۋ ماقساتىندا وبلىس­تا بۇرىن-سوڭدى جۇزەگە اسىرىلماعان وسىنداي تىڭ جوبانى قولعا الدى. جوبانىڭ ماقساتى – تۇلەكتەردىڭ بىلىكتىلىگىن كوتە­رۋمەن قاتار، مامانداردى كومپانيانىڭ قاجەتتىلىگىنە ساي الدىن الا وقىتۋ. جاقىندا جوبا اياسىندا وبلىس ورتالىعى وسكەمەندەگى ءۇش بىردەي ءبىلىم ورداسىندا جاڭارتىلعان وقۋ سىنىپتارى اشىلدى.

وسكەمەن كوپسالالى تەحني­كالىق كوللەدجىندە 252،6 ملن تەڭگەگە تاۋ-كەن جابدىقتارىنا قىز­مەت كورسەتۋ جانە جوندەۋ سلەسارلارىنىڭ وقۋ سىنىبى، پراكتيكالىق ساباقتار سىنىبى، دانەكەرلەۋشىلەرگە، ەلەكترمونتەرلەرگە، بوق جانە ا سلەسارلارىنا ارنالعان وقۋ سىنىپتارى قايتا جاراقتاندىرىلىپ، دە­مونستراتسيالىق جانە باسقا دا قاجەتتى جابدىقتار ورناتىلدى. سونىمەن قاتار كومپا­نيا وقۋ ورنىنا JCB 8035 ەكس­كاۆاتور-تيەگىشىن، New Holland C227 شىنجىر تاباندى ميني-تيەگىشىن، Mitsubishi L-200 اۆتوكولىگىن بەردى. ال س.امانجولوۆ اتىنداعى شقمۋ-ءدىڭ جوعارى كوللەدجىندە 22،2 ملن تەڭگەگە حيميالىق تالداۋ لابورانتتارىنا ارنالعان وقۋ سىنىبى جابدىقتالىپ، ينتەراكتيۆتى جانە تەحنيكالىق وقىتۋ قۇرال­دارى، تابيعي كوللەكتسيالار، وقۋ پلاكاتتارى، قۇرالدار، بەينەفيلمدەر، دەمونستراتسيالىق جانە زەرتحانالىق اسپاپتار، حيميا­لىق رەاكتيۆتەر مەن ىدىس­تار جيىنتىعى، ۇستەلدەر مەن­ ورىندىقتار جەتكىزىلدى.

سون­داي-اق كومپانيا قاراجاتى ەسە­بىنەن 6،1 ملن تەڭگەگە كوللەدجدە وقىپ، وندىرىستىك جانە ديپلومال­دى تاجىريبەدەن ءوتۋ ءۇشىن ستۋدەنتتەرگە 15 گرانت ءبولىندى. ولار ديپلوم العاننان كەيىن اق­­توعاي كەن بايىتۋ كومبيناتىنا جۇمىسقا ورنالاسادى. س.امانجولوۆ ۋنيۆەرسيتەتىندە اشىلعان دارىسحاناعا وسى وقۋ ورنىنىڭ العاشقى رەكتورى، ۇعا اكادەميگى، قازاقستان-امەريكا ەركىن ۋنيۆەرسيتەتىنىڭ پرەزيدەنتى ەرەجەپ مامبەتقازيەۆتىڭ ەسىمى بەرىلدى. د.سەرىكباەۆ اتىنداعى شقمتۋ-ءدىڭ جوعارى تەحنيكالىق كوللەدجىندە 14،7 ملن تەڭگەگە «پايدالى قازبالاردى بايىتۋ» ماماندىعىنا ارنالعان وقۋ سى­نىبى جابدىقتالدى. ۇگىتۋ، ۇساقتاۋ، فلوتاتسيا، قويۋ­لاندىرۋ ۇدەرىستەرى بويىنشا وقىتۋ باع­دار­­لا­ماسىندا قاراس­تىرىلعان زەرتحانالىق-تاجىري­بەلىك جۇ­مىس­­­تارعا ارنالعان جابدىقتار ورناتىلدى.

بۇل وقۋ ورنىنا دا 15 گرانت ءبولىنىپ، ديپلوم بە­رۋدى كوزدەيتىن 10 ايلىق وقى­تۋ باعدارلاماسى ىسكە قو­سىلدى. اياگوز قالاسىنداعى پو­ليتەحنيكالىق كوللەدجىندە دانەكەرلەۋشىلەر مەن ەلەكترمونتەرلەرگە ارنالعان وقۋ سىنىپتارى بۇعان دەيىن 49،9 ملن تەڭگەگە جوندەلىپ، جابدىقتالعان بولاتىن. «KAZ Minerals Aktogay» جشس اياگوز اۋدانى اۋماعىندا ورنالاسقاندىقتان ەكى جىل قا­تارىنان اۋدانداعى مەكتەپ تۇ­لەكتەرىنە ءبىلىم گرانتتارىن ءبو­لىپ كەلەدى. بۇدان بولەك ءوندىرىس ور­نى اياگوز اۋدانىندا 178 ملن تەڭگەدەن استام قاراجاتقا بىر­نەشە مەكتەپتەر مەن بالاباق­شا­لاردىڭ عيماراتتارىن جوندەۋ­دەن وتكىزىپ، بالالار مەن سپورت الاڭ­دارىن سالىپ بەرگەن-ءدى. ورايى كەلگەندە ايتا كەتەيىك، ءوندىرىس ورنى جوباعا جالپى كو­لە­مى 535 ملن تەڭگە قاراجات قاراس­تىرىپ وتىر.

«اقتوعاي كەن بايىتۋ كومبيناتىندا جاڭا جابدىقتار ورنا­تىلعان جانە ءوندىرىستىڭ زاماناۋي تەحنولوگيالارى قولدانىلادى. ءبىز كومپانيانىڭ تالاپتارىنا جاۋاپ بەرەتىن جاس ماماندار­دى وقىتۋعا مۇددەلىمىز. وسى ماق­­­ساتتا «سۋپەركوللەدج» ات­تى جوبانى ىسكە قوستىق. وقۋ ورىن­­­­دارىنىڭ باسشىلارى ءبىزدى قول­­دا­عانىنا قۋانىشتىمىز» دەي­دى «KAZ Minerals Aktogay» جشس قىزمەتكەرلەرمەن جۇمىس باسقارماسىنىڭ باستىعى باۋىر­جان ابىلقاسىم ۇلى.

 

وسكەمەن

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار