مادەنيەت جانە سپورت مينيسترلىگى مەن وبلىس اكىمدىگىنىڭ قولداۋىمەن ءوتىپ جاتقان شارا اياسىندا ەلىمىزدىڭ 12 تەاترى 5 كۇن بويى ونەرلەرىن پاش ەتەتىن بولادى. اۋقىمدى مادەني شارانى ۇيىمداستىرۋشىلاردىڭ ءبىرى قازاقستان تەاترلار قاۋىمداستىعىنىڭ ۆيتسە-پرەزيدەنتى, قازاقستاننىڭ ەڭبەك سىڭىرگەن قايراتكەرى اسحات ماەميروۆتىڭ ايتۋىنشا, مۇنداي رەسپۋبليكالىق فەستيۆال سەمەي توپىراعىندا تۇڭعىش رەت ۇيىمداستىرىلىپ وتىر.
فەستيۆالدىڭ اشىلۋ سالتاناتى سەمەيدەگى اباي اتىنداعى دراما تەاتردىڭ الدىندا ءوتىپ, شاراعا كەلگەن بۇكىل تەاتر ۇجىمدارى, اتى اڭىزعا اينالعان ءاسانالى ءاشىموۆ, مەرۋەرت وتەكەشوۆا باستاعان ونەر مايتالماندارى قىزىل كىلەممەن ءجۇرىپ ءوتتى. مادەنيەت جانە سپورت مينيسترلىگىنىڭ تەاتر جانە كينەماتوگرافيا باسقارماسىنىڭ باس ساراپشىسى گۇلنافيس مىرزاشەۆا مينيستر اقتوتى رايىمقۇلوۆانىڭ قۇتتىقتاۋ حاتىن وقىپ بەردى.
«قىمباتتى باۋىرلار, قانداستار! ۇلى اباي ەلى. بۇل كيەلى جەرگە ءبىز ءتاۋ ەتىپ, وڭ اياعىمىزبەن اتتاپ كەلەمىز. وتكەندى ۇمىتپاي, ارعىدان كەلە جاتقان ءداستۇرىمىزدى جالعاپ, حالىققا ونەرىمىزدى پاش ەتسەك, ءبىزدىڭ ماقساتىمىزدىڭ ورىندالعانى. ءامينا اپامىزبەن بىرگە جۇردىك, بىرگە جۇمىس ىستەدىك. ۇلى شاكەننىڭ دوسى ەدى. ەكەۋى قاتار وتىرعاندا ەلدى كۇلكىگە قارق قىلاتىن. ءامينا – ۇلى اكتريسا. ءامينا, ءسابيرا, قاديشا اپالار, شولپان, بيكەن, زامزاگۇل... دۇنيەدەن وسىنداي ۇلى اكتريسالارىمىز وتكەن. ارقايسىسى ءبىر توبە. ارقايسىسىنا فەستيۆال ارناساق ارتىق ەتپەيدى» دەدى شارانىڭ اشىلۋ سالتاناتىندا ءسوز سويلەگەن كسرو حالىق ءارتىسى, مەملەكەتتىك سىيلىقتىڭ لاۋرەاتى ءاسانالى ءاشىموۆ.
سەمەي
