ايماقتار • 24 قىركۇيەك، 2019

پوليتسەيلەر قامقورلىعىنداعى جىگىت شاڭىراق كوتەردى

16 رەتكورسەتىلدى

قوستانايدا كۇندە توي، جاستار شاڭىراق كوتەرىپ اق تىلەكتەر اقتارىلىپ جاتادى. جاقىندا ءبىر ەرەكشە توي بولدى. قوستانايداعى بالالار ءۇيىنىڭ تاربيەلەنۋشىسى نيكولاي جيدەلەۆ كوپ جىلدار بويى وبلىستىق پوليتسيا دەپارتامەنتىنىڭ قامقورلىعىندا بولعان ەدى.

قاداعالاۋدىڭ ارقاسىندا ول بالا كەزىنەن قيسىق جولعا ءتۇسىپ كەتپەي، ەڭبەكقور بولىپ ءوستى. جىگىت­تىك جاسقا جەتكەن نيكولاي ەندى ءوزىنىڭ سۇيىكتىسىن تاۋىپتى. بۇل كوپ جىلعى قامقورلىق پەن تاربيەنىڭ قايتارىمىنداي، پوليتسەيلەردىڭ دە قۋانىشىنا اينالدى. وبلىستىق پوليتسيا دەپارتامەنتىنىڭ باسشىلىعى مەن وبلىستاعى جاستاردىڭ رەسۋرستىق ورتالىعىنىڭ ۇجىمى بىرلەسىپ، ەكى جاستىڭ شاڭىراق كوتەرۋىنە وراي الەۋمەتتىك توي وتكىزدى.

سالتاناتتى نەكە قيۋ ساتىندە جاس جۇبايلاردى وبلىستىق پوليتسيا دەپارتامەنتىنىڭ كادر سايا­ساتى باسقارماسىنىڭ باستىعى باعدات يتەسوۆ قۇتتىقتادى.

– حالقىمىز بالانى ەشقاشان قاراۋسىز قالدىرماعان. بۇل تاۋەلسىز ەلىمىزدەگى قوعامدا دا جال­عاسىن تاۋىپ وتىر. ادامعا ادامنىڭ جىلۋى، قامقورلىعى كەرەك. مىنە، بۇگىنگى توي سونىڭ ناتيجەسى. نيكولاي ەڭبەكقور، ەڭ باستىسى، جاقسى كورە الاتىن جۇرەگى بار جىگىت. ول ءوزىنىڭ وتباسىنىڭ ۇلگىلى وتاعاسى بولاتىنىنا سەنەمىز، – دەپ جاس جۇبايلارعا بارلىق پوليتسەيلەر مەن دەپارتامەنت باسشىسى بەكەت ايماعامبەتوۆتىڭ اتىنان جاقسى تىلەك ايتقان باعدات يتەسوۆ ولار­عا سىيلىق تا تاپسىردى.

جاستاردىڭ رەسۋرستىق ورتا­لىعىنىڭ سەكتور جەتەكشىسى ءلايلا بەكسەيىتوۆا جاستاردىڭ عالامتور ارقىلى تانىسقانىن ايتادى.

– نيكولاي ءوزىنىڭ اتا-اناسىن ەشقاشان كورمەگەن. قالىڭدىق ۆەرانىڭ جەسىر اناسىنىڭ دا توي جاساۋعا مۇمكىندىگى جوق ەكەن. وسى تويدى 2-3 ايعا كەشىكتىردىك، سەبە­بى دەمەۋشىلەر ىزدەستىردىك. مىنە، تويدىڭ ەرتە-كەشى جوق ەكەن، – دەيدى ءلايلا. جاستار تويى سىي­لىقسىز قالمادى. ولارعا قۇندى سىيلىق تارتۋ ەتكەن جانداردىڭ اراسىندا وبلىس اكىمى ارحيمەد مۇحامبەتوۆ تە بار.

پوليتسەيلەر نيكولايدىڭ جاس وتباسىن الداعى ۋاقىتتا دا قول­داپ وتىراتىندىقتارىن جا­نە ونى جۇمىسقا ورنالاستىرۋ جا­­عىن دا قاراستىراتىندىعىن ايتتى.

 

قوستاناي

 

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار