زاڭ جوباسىنىڭ ماقساتى اگروونەركاسىپتىك كەشەن سالاسىنداعى مەملەكەتتىك ساياساتتىڭ تيىمدىلىگىن ارتتىرۋ جانە اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ نەگىزگى ەرەجەلەرىن ىسكە اسىرۋدى قامتاماسىز ەتۋ بولىپ تابىلادى. زاڭ جوباسىمەن 13 كودەكسكە جانە 29 زاڭعا وزگەرىستەر مەن تولىقتىرۋلار ەنگىزۋ كوزدەلىپ وتىر. سونىمەن بىرگە قازاقستان رەسپۋبليكاسىنىڭ زاڭناماسىن ەۋرازيالىق ەكونوميكالىق وداقتىڭ نورماتيۆتىك قۇقىقتىق اكتىلەرىنە سايكەس كەلتىرۋگە باعىتتالعان وزگەرىستەر ەنگىزىلەدى.
زاڭ جوباسىنىڭ نەگىزگى تۇجىرىمدامالىق تۇزەتۋلەرى:
- وسىمدىكتەردى قورعاۋ مەن ولاردىڭ كارانتينى, ۆەتەريناريالىق قاۋىپسىزدىكتى قامتاماسىز ەتۋ, سۋمەن قامتاماسىز ەتۋ جانە وسىمدىكتەر مەن جانۋارلار الەمىن ساقتاۋ مەن قورعاۋ بويىنشا;
- اگروونەركاسىپتىك كەشەن سالاسىنداعى مەملەكەتتىك ساياساتتىڭ تيىمدىلىگىن ارتتىرۋ: بيۋدجەت قاراجاتى ەسەبىنەن وسىمدىكتەردى قورعاۋ مەن ولاردىڭ كارانتينى جونىندەگى ءىس-شارالاردى تولىعىمەن قارجىلاندىرۋدان جەر پايدالانۋشىلاردىڭ جاۋاپكەرشىلىگىن ارتتىرۋ ماقساتىندا فيتوسانيتاريالىق ءىس-شارالاردى وتكىزۋ ءۇشىن پەستيتسيدتەردى ساتىپ الۋعا اۋىل شارۋاشىلىعى تاۋارلارى وندىرۋشىلەرىنە ارنالعان شىعىنداردى ارزانداتۋعا كوشۋ بويىنشا;
- استىق قابىلداۋ كاسىپورىندارىنىڭ قىزمەتىندەگى اكىمشىلىك كەدەرگىلەردى, ولاردىڭ نەگىزگى قىزمەتىمەن بايلانىستى قوسىمشا قىزمەتتەردى كورسەتۋى بولىگىندەگى كەدەرگىلەردى جويۋ بويىنشا;
- تاۋارلاردىڭ ەۋرازيالىق ەكونوميكالىق وداقتىڭ كەدەندىك شەكاراسى ارقىلى وتكىزۋ پۋنكتتەرىندە عانا ەمەس, سونىمەن بىرگە زاڭنامامەن بەلگىلەنگەن وزگە دە جەرلەردە ءوتۋى كەزىندەگى ۆەتەريناريالىق-كارانتيندىك, فيتوسانيتاريالىق باقىلاۋ بويىنشا;
- بىرىڭعاي تالاپتاردى قاراستىراتىن سۋ شارۋاشىلىعى جۇيەلەرى مەن قۇرىلىستارىنا كوپفاكتورلىق زەرتتەپ-قاراۋدى جۇرگىزۋ بويىنشا;
- بالىقتاردىڭ جانە باسقا دا سۋ جانۋارلارىنىڭ اينالىمىنا ۋاقتىلى باقىلاۋ جاساپ وتىرۋ تەتىكتەرىن ەندىرۋ ارقىلى بالىق جانە بالىق ونىمدەرىنىڭ كولەڭكەلى اينالىمىنىڭ جولىن كەسۋ بويىنشا نورمالاردى قاراستىرادى.
سونىمەن بىرگە زاڭ جوباسىمەن اوك, جەر قاتىناستارى, ورمان شارۋاشىلىعى جانە جانۋارلار الەمى سالاسىنداعى زاڭنامانى جەتىلدىرۋگە باعىتتالعان بىرقاتار تۇزەتۋلەر كوزدەلگەن.
زاڭ جوباسى پالاتانىڭ قاراۋىنا جىبەرىلدى.
