• 02 اقپان, 2013

قازاقستان رەسپۋبليكاسى ۇكىمەتىنىڭ قاۋلىسى №1547

301 رەت

كورسەتىلدى

7 مين

وقۋ ءۇشىن

Egemen Qazaqstan

قازاقستان رەسپۋبليكاسى ۇكىمەتىنىڭ قاۋلىسى №1547

سەنبى, 2 اقپان 2013 6:23

2012 جىلعى 4 جەلتوقسان استانا قالاسى, ۇكىمەت ءۇيى

ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋ قاعيدالارىن بەكىتۋ تۋرالى

«تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسى زاڭىنىڭ 13-بابى 1-تارماعىنىڭ 4-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋ قاعيدالارى بەكىتىلسىن.

2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.

سەنبى, 2 اقپان 2013 6:23

2012 جىلعى 4 جەلتوقسان استانا قالاسى, ۇكىمەت ءۇيى

2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى س.احمەتوۆ.

قازاقستان رەسپۋبليكاسى ۇكىمەتىنىڭ 2012 جىلعى 4 جەلتوقسانداعى №1547 قاۋلىسىمەن بەكىتىلگەن

ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋ قاعيدالارى

1. وسى ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋ قاعيدالارى (بۇدان ءارى – قاعيدالار) «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسىنىڭ زاڭىنا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس ازىرلەندى.

2. وسى قاعيدالار ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋدىڭ بىرىڭعاي ءتارتىبىن ايقىندايدى.

3. وسى قاعيدالاردا مىناداي ۇعىمدار پايدالانىلادى:

1) ۋاكىلەتتى ورگان – تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن مەملەكەتتىك ورگان;

2) قىزمەت كورسەتۋشى – تۇتىنۋشىلارعا جىلۋ جانە (نەمەسە) ەلەكتر ەنەرگياسىن ساتۋدى جۇزەگە اسىراتىن ەنەرگيامەن جابدىقتاۋشى ۇيىم;

3) ءوتىنىم – قىزمەت كورسەتۋشىنىڭ ۋاكىلەتتى ورگانعا ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋ تۋرالى رەسمي ءوتىنىشى (ارىزى).

وسى قاعيدالاردا پايدالانىلاتىن وزگە دە ۇعىمدار مەن تەرميندەر قازاقستان رەسپۋبليكاسىنىڭ قولدانىستاعى زاڭناماسىنا سايكەس قولدانىلادى.

4. ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن ەسەپتەۋ قازاقستان رەسپۋبليكاسى ۇكىمەتىنىڭ 2012 جىلعى 25 قاڭتارداعى № 161 قاۋلىسىمەن بەكىتىلگەن ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن ەسەپتەۋدىڭ ۇلگى قاعيدالارىنا سايكەس جۇزەگە اسىرىلادى.

5. قىزمەت كورسەتۋشى ۋاكىلەتتى ورگانعا ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن بەكىتۋگە ارنالعان ءوتىنىمدى (بۇدان ءارى – ءوتىنىم) ۇسىنادى. ءوتىنىمنىڭ ىلەسپە حاتى قىزمەت كورسەتۋشىنىڭ رەسمي بلانكىسىندە ۇسىنىلاتىن قۇجاتتاردىڭ تىزبەسىن قامتيدى.

وتىنىمگە:

1) ەسەپتەۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ جانە ەلەكترمەن جابدىقتاۋ بويىنشا كوممۋنالدىق قىزمەتتەردى تۇتىنۋ نورمالارىن (بۇدان ءارى – تۇتىنۋ نورمالارى) بەكىتۋ قاجەتتىلىگى تۋرالى تۇسىندىرمە جازبا;

2) تۇتىنۋ نورمالارىنىڭ ەسەبىن نەگىزدەيتىن ماتەريالدار;

3) تۇتىنۋ نورمالارىنىڭ ۇسىنىلىپ وتىرعان دەڭگەيىن جانە بۇدان بۇرىن بەكىتىلگەن تۇتىنۋ نورمالارىنىڭ دەڭگەيىن قامتيتىن كەستە قوسا بەرىلەدى.

6. ۇسىنىلعان قۇجاتتاردىڭ ءاربىر پاراعى نومىرلەنەدى جانە قىزمەت كورسەتۋشىنىڭ ءبىرىنشى باسشىسى نە ونىڭ مىندەتىن اتقارۋشى تۇلعا قول قويادى ء(بىرىنشى باسشىنىڭ مىندەتىن جۇكتەۋ تۋرالى قىزمەت كورسەتۋشى بۇيرىعىنىڭ كوشىرمەسى قوسا بەرىلەدى).

7. ۋاكىلەتتى ورگان ۇسىنىلعان قۇجاتتاردىڭ تولىقتىعىن تەكسەرەدى جانە قىزمەت كورسەتۋشى قۇجاتتاردى وسى قاعيدالاردىڭ 5 جانە 6-تارماقتارىنىڭ تالاپتارىن بۇزا وتىرىپ تاپسىرعان جاعدايدا, ءوتىنىمدى العان كۇنىنەن باستاپ بەس جۇمىس كۇنىنەن كەشىكتىرمەي قىزمەت كورسەتۋشىنى ءوتىنىمدى قاراۋعا قابىلداۋدان باس تارتىلعانى تۋرالى جازباشا حاباردار ەتەدى.

8. ۋاكىلەتتى ورگاننىڭ قىزمەت كورسەتۋشىنىڭ ءوتىنىمىن قاراۋعا قابىلداۋدان باس تارتۋىنا:

1) وسى قاعيدالاردىڭ 5-تارماعىندا كورسەتىلگەن قۇجاتتاردى ۇسىنباۋ نەمەسە تولىق ەمەس كولەمدە ۇسىنۋ;

2) قۇجاتتاردى وسى قاعيدالاردىڭ 6-تارماعىنىڭ تالاپتارىن بۇزا وتىرىپ ۇسىنۋ نەگىز بولىپ تابىلادى.

9. ۋاكىلەتتى ورگان ءوتىنىمدى كۇنتىزبەلىك وتىز كۇن ىشىندە قارايدى. ءوتىنىمدى قاراۋ مەرزىمى ونىڭ ۋاكىلەتتى ورگانعا تۇسكەن كۇنىنەن باستاپ ەسەپتەلەدى.

10. ۋاكىلەتتى ورگان, قاجەت بولعان جاعدايدا قىزمەت كورسەتۋشىنىڭ ءتيىستى سۇراۋ العان كۇنىنەن باستاپ بەس جۇمىس كۇنىنەن كەم ەمەس ۇسىنۋ مەرزىمىن بەلگىلەي وتىرىپ, قىزمەت كورسەتۋشىدەن ءوتىنىمدى قاراۋ ءۇشىن قاجەتتى اقپارات سۇراتادى. بۇل جاعدايدا ءوتىنىمدى قاراۋ مەرزىمى سۇراتىلعان اقپاراتتى العانعا دەيىن توقتاتىلا تۇرادى, ول تۋرالى ۋاكىلەتتى ورگان قىزمەت كورسەتۋشىنى جازباشا حاباردار ەتەدى.

11. ۋاكىلەتتى ورگان ۇسىنىلىپ وتىرعان تۇتىنۋ نورمالارىنىڭ دەڭگەيىن قورىتىندىلارى ۇسىنىمدىق سيپاتتا بولاتىن تاۋەلسىز ساراپشىلاردى, مەملەكەتتىك ورگانداردىڭ, تۇتىنۋشىلاردىڭ, قوعامدىق بىرلەستىكتەردىڭ وكىلدەرىن تارتا وتىرىپ قارايدى.

12. ۋاكىلەتتى ورگان ءوتىنىمدى قاراۋ ناتيجەلەرى بويىنشا تۇتىنۋ نورمالارىن بەكىتۋ تۋرالى شەشىم قابىلدايدى. بۇل رەتتە قىزمەت كورسەتۋشى تۇتىنۋ نورمالارىنىڭ نەگىزدەلمەگەن ەسەبىن ۇسىنعان جاعدايدا, ۋاكىلەتتى ورگان تۇزەتۋلەردى ەسكەرە وتىرىپ, تۇتىنۋ نورمالارىن بەكىتۋ تۋرالى شەشىم قابىلدايدى.

13. ۋاكىلەتتى ورگاننىڭ تۇتىنۋ نورمالارىن بەكىتۋ تۋرالى شەشىمى بۇيرىقپەن رەسىمدەلەدى.

14. وسى قاعيدالاردىڭ 8-تارماعىندا كورسەتىلگەن نەگىزدەر بويىنشا ءوتىنىمدى قاراۋعا قابىلداۋدان باس تارتىلعان سەبەپتەردى جويعان جاعدايدا, قىزمەت كورسەتۋشى ۋاكىلەتتى ورگانعا تۇتىنۋ نورمالارىن بەكىتۋ تۋرالى ءوتىنىمدى وسى قاعيدالاردا بەلگىلەنگەن تارتىپپەن قايتا بەرە الادى.