رۋحانيات • 22 قىركۇيەك، 2019

تالدىقورعاندا ابايعا ارنالعان رەسپۋبليكالىق بايقاۋ ءوتتى

84 رەتكورسەتىلدى

مادەنيەت جانە سپورت مينيسترلىگىنىڭ ءتىل ساياساتى كوميتەتى ۇيىمداستىراتىن ءداستۇرلى اباي اتىنداعى كوركەمسوز وقۋ شەبەرلەرىنىڭ بايقاۋى بيىل تالدىقورعان قالاسىندا ءوتتى.

وبلىس ورتالىعىنداعى ءىلياس جانسۇگىروۆ اتىنداعى مادەنيەت سارايىندا شىمىلدىق تۇرگەن كوركەمسوز وقۋ شەبەرلەرىنىڭ رەسپۋبليكالىق بايقاۋىنا ەلىمىزدىڭ وبلىستارى جانە نۇر- سۇلتان، الماتى، شىمكەنت قالالارىندا وتكەن كونكۋرستاردىڭ 16 جەڭىمپازى كەلىپ، باق سىناستى. ۇلى اباي جانە باسقا دا قازاق ادەبيەتى كلاسسيكتەرىنىڭ شىعارمالارىن ورىنداۋ ارقىلى قازاقتىڭ كوركەم ادەبيەتىنە جاستاردىڭ ىقىلاسىن ارتتىرۋدى ماقسات ەتكەن بايقاۋ تارتىمدى ءوتتى.  

بيىلعى بايقاۋدا بەيىمبەت ءمايليننىڭ، ساكەن سەيفۋلليننىڭ، ءىلياس جانسۇگىروۆتىڭ، ءسابيت دونەنتاەۆتىڭ 125 جىلدىعى مەن فاريزا وڭعارسىنوۆانىڭ 80 جىلدىعىنا وراي كوركەمدىگى جوعارى پروزا، پوەزيا ۇلگىلەرىنەن ءۇزىندى وقۋ شارت بولدى.

بايقاۋ بارىسىندا كورەرمەندەردى وقۋ شەبەرلىگىمەن ءتانتتى ەتكەن ايجان الحابەك، ايسانا ءاشىمحان، ء مادي ساۋلەبەك، ەرلان نۇرلانوۆ، ءاليا بولاتوۆا، ەرباق قۇرمەتجان ءماتىن مازمۇنىنا ساي ساحنالىق قيمىل جاساپ، تۋىندىنى مانەرىنە جەتكىزە ورىندادى.

- «اباي لەبى، اباي ءۇنى، اباي تىنىسى – زامان تىنىسى، حالىق ءۇنى. بۇگىن ول ءۇن ءبىزدىڭ دە ۇنگە قوسىلىپ جاڭعىرىپ، جاڭا ءورىس الىپ تۇر» دەگەن مۇحتار اۋەزوۆ. بۇل بايقاۋدا قازاق ادەبيەتىنە، وزىق شىعارمالارعا دەگە جاس بۋىننىڭ ىنتاسىن بايقادىق. وسىعان قۋاندىق. بايقاۋدىڭ ميسسياى ورىندالدى دەپ ويلايمىن، - دەدى قازىلار القاسىنىڭ توراعاسى، اقىن، مەملەكەتتىك سىيلىقتىڭ يگەرى تىنىشتىقبەك ابدىكاكىم ۇلى.

بايقاۋدىڭ قورتىندىسى بويىنشا باس جۇلدە ايجان الحابەككە بۇيىرىپ، ءبىرىنشى جۇلدە ءمادي ساۋلەبەككە، ال ەكىنشى ەرباق قۇرمەتجانعا بۇيىردى. ەكى ءۇشىنشى جۇلدەنى ءاليا بولاتوۆا مەن ايسانا ءاشىمحان ءوزارا ءبولىستى. سونداي-اق بايقاۋدىڭ بارلىق جەڭىمپازدارى ديپلومدار جانە باعالى سىيلىقتارمەن ماراپاتتالدى.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار