سپورت • 22 قىركۇيەك، 2019

الەم چەمپيوناتىندا قازاق ەلىنىڭ ءانۇرانىن شىرقاتتى

375 رەتكورسەتىلدى

رەسەيدىڭ ەكاتەرينبۋرگ قالاسىندا بوكستان الەم چەمپيوناتى ءوز مارەسىنە جەتتى. جيىرماسىنشى مارتە جالاۋى جەلبىرگەن ايتۋلى جارىستا قازاقستان قۇراماسى التى جۇلدەگە يە بولدى. ورال تاۋىنىڭ ەتەگىندە وتكەن ءدۇبىرلى دودادا بەكزات نۇرداۋلەتوۆ دارا شىقتى. قامشىبەك قوڭقاباەۆ كۇمىس مەدالدى موينىنا ىلسە، ساكەن بيبوسىنوۆ (52 كيلو)، ابىلايحان ءجۇسىپوۆ (69 كيلو)، تۇرسىنباي قۇلاحمەت (75 كيلو) جانە ۆاسيليي لەۆيت (91 كيلو) قولاعا قول سوزدى جالپى كوماندالىق ەسەپتە جەرلەستەرىمىز ءۇشىنشى ورىنعا تابان تىرەدى.

وتكەنگە زەر سالساق، ءبىزدىڭ جىگىتتەر ايتۋلى جارىستا ەڭ كوپ جۇلدەنى 2013 جىلى ولجالاعان ەكەن. الاتاۋ باۋرايىنداعى اسەم شاھار &ndash؛ الماتىدا ۇيىمداستىرىلعان ءدۇبىرلى دودادا قازاقستاننىڭ سەگىز بىلعارى قولعاپ شەبەرى جەڭىس تۇعىرىنا كوتەرىلدى. اتاپ ايتساق، 4 التىن ء(بىرجان جاقىپوۆ، مەرەي اقشالوۆ، دانيار ەلەۋسىنوۆ جانە جانىبەك ءالىمحانۇلى)، 2 كۇمىس (ادىلبەك نيازىمبەتوۆ پەن يۆان دىچكو) جانە 2 قولا (قايرات ەراليەۆ پەن بەرىك ءابدىراحمانوۆ) مەدالدى قورجىنعا سالدىق. ودان كەيىن تولاعاي تابىسقا نەمىس جەرىندە قول جەتكىزدىك. وسىدان ەكى جىل بۇرىن گەرمانيانىڭ گامبۋرگ قالاسىندا جالاۋى جالاۋى جەلبىرگەن الەمدىك دودادا التى جەرلەسىمىز ءوز جانكۇيەرلەرىن قۋانىش پەن شاتتىققا بولەدى (قايرات ەراليەۆ &ndash؛ التىن، ءابىلحان امانقۇل مەن قامشىبەك قوڭقاباەۆ &ndash؛ كۇمىس، ەرجان جومارت، ابىلايحان ءجۇسىپوۆ جانە ۆاسيليي لەۆيت &ndash؛ قولا). بيىل دا التى ورەنىمىز جارتىلاي فينالدىق مەجەگە سۇرىنبەي جەتىپ، جۇلدەلى ورىندار ءۇشىن تالاستى. وسى ورايدا، بۇرىندارى باقانداي 10، ال بۇل كۇندەرى بار-جوعى سەگىز سالماق دارەجەسى بويىنشا جۇلدەلەردىڭ ساراپقا سالىنعانىن ەسكەرۋ قاجەت. ياعني، ەكاتەرينبۋرگتە جارىس جولىنا شىققان سەگىز بوكسشىمىزدىڭ التاۋى ەلگە ولجالى ورالدى. بۇل، ارينە، وتە تاماشا كورسەتكىش!

العاشقى اينالىمداردىڭ بىرىندە 63 كيلو سالماقتاعى زاكىر سافيۋللين ءسۇرىندى. بىردەن ايتا كەتەيىك، 33 جاستاعى جەرلەسىمىزگە جەرەبە جولداس بولمادى. ول كۋبالىق ەندي كرۋسپەن قولعاپ ءتۇيىستىردى. الەم چەمپيونى، پانامەريكا ويىندارىنىڭ ەكى دۇركىن جەڭىمپازى زاكىردىڭ الدىن ورادى.

شيرەك فينالدا 57 كيلو سالماقتاعى قايرات ەراليەۆ جەڭىلىستىڭ كەرمەك ءدامىن تاتتى. نەگىزى ول وزبەكستاندىق ميرازيزبەك مىرزاحاليلوۆتان شىنايى ايقاستا جەڭىلگەن جوق. جۇدىرىقتاسىپ جاتقاندا قازاق جىگىتىنىڭ قاباعى جارىلىپ، جەكپە-جەكتى تورەشى مەرزىمىنەن بۇرىن توقتاتتى. ەرەجەگە ساي ونداي جاعدايدا تارتىس توقتاتىلعانعا دەيىنگى ۇپاي ساندارى ەسەپكە الىنادى. ءبىزدىڭ ويىمىزشا، العاشقى مينۋتتاردا مىرزاعالي ايتجانوۆتىڭ شاكىرتى الىمدى كورىنگەن سەكىلدى ەدى. الايدا تورەشىلەر مۇلدە باسقا شەشىم قابىلدادى. سونىڭ سالدارىنان قايرات باسەكەنى مەرزىمىنەن بۇرىن اياقتاۋعا ءماجبۇر بولدى.

قازاقستاننىڭ بوكسشىلارى جارتىلاي فينالدىق سايىستاردى ءساتسىز باستادى. كۇندىزگى باعدارلامادا رينگكە شىققان ءۇش ورەنىمىزدىڭ بارلىعى دا ءوز قارسىلاستارىنا ەسە جىبەردى. سولاردىڭ اراسىنان ساكەن بيبوسىنوۆقا وكپە ايتۋدىڭ ءوزى ورىنسىز. ۇلتتىق كوماندا ساپىنا كۇنى كەشە عانا قوسىلعان جاس ورەن باستاپقى باسەكەلەردىڭ بىرىندە ريو وليمپياداسىنىڭ كۇمىس جانە گامبۋرگتە وتكەن الەم چەمپيوناتىنىڭ قولا جۇلدەگەرى، كولۋمبيالىق يۋبەرحەن مارتينەستى ۇتىپ، بارشا جۇرتتى قۋانتتى. الايدا جارتىلاي فينالدا ساكەننىڭ ازيا ويىندارىنىڭ جەڭىمپازى، قۇرلىق چەمپيونى، ءۇندىستاندىق پانگحال اميتكە ءالى جەتپەدى. ونى مويىنداماسقا لاج جوق.

باستاپقىدا ءۇش بىردەي قارسىلاسىن ءبىر دەممەن ۇتقان تۇرسىنباي قۇلاحمەت شەشۋشى تۇستا وڭباي ءسۇرىندى. 75 كيلو سالماقتا كۇش سىناسقان ول ءبىرىنشى راۋندتا فيليپپين بوكسشىسى ەۋمير ءمارسيالدىڭ اۋىر سوققىسىن وتكىزىپ الدى. تورەشى نوكداۋن بەلگىلەدى. نامىسقا تىرىسقان قانداسىمىز ەسەقايتارۋعا تالپىندى. ءبىراق ەشتەڭە وندىرە المادى. سول اۋىر سوققىدان كەيىن ونىڭ ءالى دە ەس جيا الماي جۇرگەنى انىق بايقالدى. ناتيجەسىندە قۇلاحمەت قولا مەدالدى قاناعات تۇتتى.

91 كيلو سالماقتاعى ايقاستا تورەشىلەر تاراپىنان "بارماق باستى، كوز قىستى" جاعداي ورىن الدى.  ؛بارلىق كورەرمەنگە ۆاسيليي لەۆيت ەكۆادورلىق حۋليو كاستيلونى جەڭگەندەي كورىنگەن ەدى. كەمىندە ەكى راۋندتا ونىڭ باسىمدىعىبايقالدى. الايدا اقتىق ايقاستا جەرلەسىمىزدى رەسەيلىك ءمۇسىلىم گادجيمۇراتوۆپەن جولىقتىرماۋ ءۇشىن قازىلار پانامەريكا ويىندارىنىڭ ءۇش دۇركىن جۇلدەگەرىنىڭ قولىن كوتەردى. وسىنداي كەلەڭسىزدىك ورىن العان جاعدايدا تورەشىلەردىڭ شەشىمىنە نارازىلىق ءبىلدىرىپ، پروتەست جازۋعا بولاتىن ەدى. وسىنىڭ الدىندا عانا رەسەي قۇراماسىنىڭ باپكەرلەرى وسىنداي قادامعا بارعان. شيرەك فينالدا اسا اۋىر سالماقتاعى ورىس ماكسيم بابانين اعىلشىن فرەيزەر ەدۆارد كلاركتان ۇتىلدى. ءبىراق قازىلاردىڭ شەشىمىمەن كەلىسپگەن جارىس قوجايىندارى بىردەن پروتەست بەردى. اقىرىندا بۇل داۋلى جاعداي رەسەيلىكتەردىڭ پايداسىنا شەشىلدى. ال ءبىزدىڭ ماماندار سونىڭ ءبارىن كورە تۇرا جۇمعان اۋىزدارىن اشپادى. ارامىزدان اقىرىنىپ، ادىلدىك سۇرايتىن ەشكىم تابىلمادى. باسشىلار دا، باپكەرلەر دە باستارىن شۇلعىپ وتىرا بەرگەننەن ارىگە بارمادى. وسىلايشا، لەۆيت قيتۇرقى ويىننىڭ قۇربانى بولدى.

كەشكى باعدارلامادا جەرلەستەرىمىزدىڭ اراسىنان 22 جاستاعى ابىلايحان ءجۇسىپوۆ العاشقى بولىپ شارشى الاڭعا شىقتى. ول وزىنەن 10 جاس ۇلكەن ايگىلى اندرەي زامكوۆويمەن كەزدەستى. وليمپيادا مەن الەم چەمپيوناتىنىڭ جۇلدەگەرىمەن جاس دارىن تەڭ دارەجەدە ايقاستى. قايمىققان دا، شەگىنگەن دە جوق. ءبىراق جەڭىسكە جەتۋ ءۇشىن ول جەتكىلىكسىز ەدى.بۇل تارتىس رەسەي قۇراماسى كاپيتانىنىڭ پايداسىنا شەشىلدى.

81 كيلو سالماق دارەجەسىندە ايقاسقان بەكزات نۇرداۋلەتوۆتى قالاي ماقتاساق تا جاراسادى. ونىڭ جولى ريو وليمپياداسىنىڭ جەڭىمپازى، الەمنىڭ ءتورت دۇركىن چەمپيونى حۋليو سەزار دە لا كرۋسپەن قيىستى. كەزىندە ءداپ وسى بوكسشىنىڭ جاۋاپتى جارىستاردا قازاقتىڭ ماقتانىشى ادىلبەك نيازىمبەتوۆتى سان مارتە سۇرىندىرگەنى ەسىمىزدە. وليمپيا ويىندارى مەن دۇنيەجۇزىلىك دودالاردا قانداسىمىزدى التىننان ايىرعان كۋبانىڭ وسى قابىلانى ەدى. ءبىر ايتا كەتەرلىگى، ادىلبەك پەن بەكزات ءبىر ءوڭىردىڭ تۇلەكتەرى. ەكەۋى دە ماڭعىستاۋ وبلىسىندا تۇرادى. ەكەۋى دە مارات جاقيەۆتىڭ قول استىندا جاتتىعادى. بوستاندىق ارالى وكىلىنىڭ جۇدىرىقتاسۋ مانەرىن ابدەن زەرتتەگەن بىلىكتى باپكەر شاكىرتىن بۇل جەكپە-جەككە جاقسىلاپ باپتاپ اكەلگەنى بايقالدى. باسەكە بارىسىندا ءبىزدىڭ جىگىت سان مارتە سوققىلار سەرياسىمەن قارسىلاسىن جاقسىلاپ تۇرىپ تومپەشتەدى. ءبىر مەزەتتە ەسەڭگىرەتىپ تە تاستادى. تورەشى نوكداۋن بەلگىلەدى. ودان كەيىن دە ىمىراسىز ايقاس جالعاستى. بەكزات نامىستى قولدان بەرگەن جوق. ايانباي ايقاسقان ول حۋليو سەزار دە لا كرۋستى ابدەن ساستىردى. اقىرىندا تورەشىلەر قازاقتىڭ قايسار ۇلىنىڭ قولىن كوتەردى. وسىلايشا، بەكزات نۇرداۋلەتوۆ كۋبانىڭ داڭقتى بوكسشىسىن تۇعىردان تايدىردى.

اسا اۋىر سالماقتاعى قامشىبەك قوڭقاباەۆ اۆستراليالىق يۋستيس حۋنيمەن كۇش سىناسۋعا ءتيىس ەدى. قازاقتىڭ جويقىن جۇدىرىعىنان قايمىقتى ما، الدە باسقا دا سەبەپتەر بولدى ما، ول جاعى بىزگە بەيمالىم، ايتەۋىر، جاسىل قۇرلىقتىڭ وكىلى سول كەشتە رينگكە شىعۋدان باس تارتتى.

ناتيجەسىندە قازاقستان قۇراماسى ساپىنداعى ءتورت بوكسشى قولا مەدالدى قاناعات تۇتسا، ەكەۋى فينالعا شىقتى. كۋبانىڭ دا ناتيجەسى ءدال سونداي. وزبەكستاننىڭ  ؛&ndash؛ ءتورت جانە رەسەيدىڭ &ndash؛ ءۇش ورەنى باس جۇلدە ءۇشىن تالاسۋ قۇقىعىن ساقتاپ قالدى. سونداي-اق، انگليا، ءۇندىستان، اقش، فيليپپين جانە ەكۆادوردىڭ ءبىر-بىر وكىلى اقتىق سىنعا جولداما الدى.

فينالدىق سايىستا قوس قانداسىمىزدىڭ دا جولى وزبەكستاننىڭ وكىلدەرىمەن قيىستى. بۇل جەكپە-جەكتەردى جانكۇيەرلەر تاعاتسىزدانا كۇتتى. قويى قورالاس، مالى ارالاس جاتقان كورشىلەس قوس ەلدىڭ قايسىنىڭ وسى جارىستا مەرەيى ۇستەم بولاتىنىن كورگىسى كەلەتىن كورەرمەندەردىڭ قاتارى قالىڭ ەدى. بەكزات نۇرداۋلەتوۆ 20 جاستاعى ديلشودبەك رۋزمەتوۆپەن ايقاستى. باسەكەنىڭ باسىنان ساۋاتتى تاكتيكا ۇستانعان قازاق جىگىتى بۇل باسەكەنى ءوز پايداسىنا شەشتى. وزبەك قانشا جانتالاسقانىمەن نۇرداۋلەتوۆتىڭ وسال تۇسىن تابا المادى. كەرسىنشى، ءبىزدىڭ ورەن الدەقايدا ارىندى ءارى قارىمدى كورىندى. ايقاس اياقتالعان بەتتە بارلىق بەس تورەشى مارات جاكيەۆتىڭ شاكىرتىنىڭ مىقتىلىعىن مويىندادى. بەكزات نۇرداۋلەتوۆ &ndash؛ الەم چەمپيونى!

الىپتارمەن "الىسىپ" جۇرگەن قامشىبەك قوڭقاباەۆ الەم چەمپيوناتىنىڭ قولا جۇلدەگەرى، ازيانىڭ ەكى دۇركىن چەمپيونى باحودير جالولوۆپەن جۇدىرىقتاستى. بۇعان دەيىن ەكەۋى ءوزارا ءتورت مارتە كەزدەسكەن. تارازى باسى تەڭ تۇردى. ەكاتەرينبۋرگتەگى سايىستا قازاقتىڭ ۇلى بارىن سالدى. ءبىراق جەڭىس جالولوۆتىڭ ەنشىسىندە كەتتى. قامشىبەك كۇمىس مەدالدى موينىنا ءىلدى.

الەم چەمپيوناتىنىڭ كوماندالىق ەسەبىندە وزبەكستان قۇراماسى (3 التىن+1 كۇمىس+1 قولا) وزدى. ەكىنشى ورىندا &ndash؛ رەسەي (3+0+1). قازاقستاننىڭ ورەندەرى (1+1+4) ءۇشىنشى ورىندى ولجالادى. ودان كەيىنگى ساتىلارعا كۋبا (1+1+1)، انگليا (0+1+2)، ءۇندىستان (0+1+1)، اقش (0+1+0)، فيليپپين (0+1+0) جانە ەكۆادور (0+1+0)جايعاستى. سونداي-اق، فرانسيا، موڭعوليا، ارمەنيا، برازيليا، بولگاريا جانە اۆستراليا قۇراملارىنىڭ قورجىنىندا ءبىر-بىر قولا مەدالدان بار.

 ؛  ؛  ؛

الەم چەمپيوناتىنىڭ جەڭىمپازدارى مەن جۇلدەگەرلەرى

سالماق

التىن

كۇمىس

قولا

52 كيلو

شاحوبوددين زايروۆ (وزبەكستان)

 ؛

اميت پانگحال ء(ۇندىستان)

بيلان بانناما (فرانسيا)، ساكەن بيبوسىنوۆ (قازاقستان)

57 كيلو

ميرازيزبەك مىرزاحاليلوۆ (وزبەكستان)

لازارو الۆارەس ەسترادا (كۋبا)

 ؛

پيتەر ماكگرەيل (انگليا)، سەندبااتار (موڭعوليا)

63 كيلو

ەندي كرۋس (كۋبا)

 ؛

كەيشون دەۆيس (اقش)

 ؛

مانيش كاۋشيك ء(ۇندىستان)، وگانەس باچكوۆ (ارمەنيا)

69 كيلو

اندرەي زامكوۆوي (رەسەي)

 ؛

پەت ماككورماك (انگليا)

ابىلايحان ءجۇسىپوۆ (قازاقستان)، بوبو-ۋسمان بوتۋروۆ (وزبەكستان)

75 كيلو

گلەب باكشي (رەسەي)

 ؛

ەۋمير مارسيال

(فيليپپين)

ەبەرت دا كونسەيساو (برازيليا)،  ؛تۇرسىنباي قۇلاحمەت (قازاقستان)

81 كيلو

بەكزات نۇرداۋلەتوۆ (قازاقستان)

ديلشودبەك رۋزمەتوۆ (وزبەكستان)

حۋليو سەزار دە لا كرۋس (كۋبا)، بەندجاميت ۋيتتاكەر (انگليا)

91 كيلو

مۇسىلىم گادجيماگومەدوۆ (رەسەي)

حۋليو كاستيلو (ەكۆادور)

رادوسلاۆ پانتالەەۆ (بولگاريا)، ۆاسيليي لەۆيت (قازاقستان)

+91 كيلو

باحودير جالولوۆ (وزبەكستان)

قامشىبەك قوڭقاباەۆ (قازاقستان)

يۋتيس حۋني (اۆستراليا)، ماكسيم بابانين (رەسەي)

 ؛

سوڭعى جاڭالىقتار

تاۋشىق اۋىلى 80 جىلدىعىن تويلادى

ايماقتار • بۇگىن، 16:35

اباي دۇكەنى – بەلگيادا

رۋحانيات • بۇگىن، 16:32

گەرولد بەلگەرگە كوشە بەرىلدى

قازاقستان • بۇگىن، 15:57

ەڭ قىسقا اڭگىمە. ريزا يساەۆا

ەڭ قىسقا اڭگىمە • بۇگىن، 15:50

ەڭ قىسقا اڭگىمە. نۇربيكە قۇدايبەرگەنوۆا

ەڭ قىسقا اڭگىمە • بۇگىن، 15:45

ەڭ قىسقا اڭگىمە. داۋرەن داريابەك

ەڭ قىسقا اڭگىمە • بۇگىن، 15:39

ەڭ قىسقا اڭگىمە. نازەركە سانيازوۆا

ەڭ قىسقا اڭگىمە • بۇگىن، 15:37

ەڭ قىسقا اڭگىمە. اقىلبەك شاياحمەت

ەڭ قىسقا اڭگىمە • بۇگىن، 15:22

ەڭ قىسقا اڭگىمە. الدابەرگەن كەمپىرباي

ەڭ قىسقا اڭگىمە • بۇگىن، 13:00

ەڭ قىسقا اڭگىمە. ەركەعالي بەيسەنوۆ

ەڭ قىسقا اڭگىمە • بۇگىن، 12:42

ەڭ قىسقا اڭگىمە. كوگەداي شامەرحان

ەڭ قىسقا اڭگىمە • بۇگىن، 12:39

ەڭ قىسقا اڭگىمە. جاسۇلان سەرىك

ەڭ قىسقا اڭگىمە • بۇگىن، 12:37

ەڭ قىسقا اڭگىمە. اقجول قالشابەك

ەڭ قىسقا اڭگىمە • بۇگىن، 12:28

ەڭ قىسقا اڭگىمە. نۇربەك نۇرجانۇلى

ەڭ قىسقا اڭگىمە • بۇگىن، 12:24

ەلباسى تاكەو كاۆامۋرامەن كەزدەستى

پرەزيدەنت • بۇگىن، 11:34

ساعىنايدىڭ بەيىتى تابىلدى

ايماقتار • بۇگىن، 10:52

اقمولانىڭ استىعىنا سۇرانىس مول

ايماقتار • بۇگىن، 10:22

كۇلكى كەرۋەنى № 7

رۋحانيات • بۇگىن، 10:20

اتالماي نەگە قالسىن مۇسا اتى؟!

رۋحانيات • بۇگىن، 10:01

جاقسى ءداستۇر جالعاسادى

رۋحانيات • بۇگىن، 08:49

الاشتانۋشى عالىمنىڭ بەلەسى

رۋحانيات • بۇگىن، 08:47

يگىلىكتى ەڭبەك يەسى

قوعام • بۇگىن، 08:46

نامازالى وماشۇلى: ەل شەجىرەسى

رۋحانيات • بۇگىن، 08:42

تاراز شاھارىنداعى تاماشا ءتۇن

ايماقتار • بۇگىن، 08:39

تۇڭعىش ءتىل فورۋمى وتەدى

قوعام • بۇگىن، 08:36

پاتريارحتىڭ ورىندالعان پارىزى

رۋحانيات • بۇگىن، 08:33

كەدەرگىسىز كەلەشەك

قوعام • بۇگىن، 08:31

جوشى حانعا ەسكەرتكىش ورناتىلادى

رۋحانيات • بۇگىن، 08:24

قازاقتاردىڭ اتقا ءمىنۋ مادەنيەتى

قازاقستان • بۇگىن، 08:22

ەۋرونى ساتىپ الۋشىلار كوبەيدى

ەكونوميكا • بۇگىن، 08:20

اQR: 14 بانكتى «ساۋىقتىرۋ» كەرەك پە؟

ەكونوميكا • بۇگىن، 08:15

ۇقساس جاڭالىقتار