الماتىدا قايراتكەر جۋرناليست كاكىمجان قازىباەۆقا ارنالعان رەسپۋبليكالىق ءماجىلىس ءوتتى

رۋحانيات • 21 قىركۇيەك، 2019

الماتىدا قايراتكەر جۋرناليست كاكىمجان قازىباەۆقا ارنالعان رەسپۋبليكالىق ءماجىلىس ءوتتى

181 رەت كورسەتىلدى

جۋرناليست-جازۋشى، مەملەكەت جəنە قوعام قايراتكەرi كəكiمجان قازىباەۆتىڭ تۋعانىنا بيىل 90 جىل تولدى. وسىعان وراي بۇگىن قارا شاڭىراق ءال-فارابي اتىنداعى قازاق ۇلتتىق ۋنيۆەرسيتەتىندە «كاكىمجان قازىباەۆ – قايراتكەر، قالامگەر، ازامات» اتتى رەسپۋبليكالىق عىلىمي-پراكتيكالىق كونفەرەنتسيا ءوتتى.

ايناش ەسالى

الپىسىندا ارعى دۇنيەگە اتتانعان اردا ۇلدىڭ ەلى ءۇشىن جاساعان ەڭبەگى ەرەن. بيلىك قىزمەتتە جۇرگەندە دە قىلىشىنان قان تامعان كەڭەستىك ساياساتتىڭ قاھارىنان يمەنىپ قالعان جوق، كەرىسىنشە حالىقتىڭ قامىن ويلاپ، پايدالى ىستەرگە بىلەك سىبانا كىرىستى. كاكىمجان قازىباەۆتىڭ ادامگەرشىلىگى، كورەگەندىگى، جازۋشىلىق قىرى، قايراتكەرلىگى، شىعارماشىلىعى مەن ۇستازدىق تاعىلىمى جايلى زامانداستارى مەن ءومىرىن زەرتتەۋشىلەر بۇرىننان ايتىپ، جازىپ كەلەدى. بۇگىن وتكەن عىلىمي كونفەرەنتسيا كەزىندە دە ءومىرى ۇلگى بولار تۇلعانىڭ ءبىر كەلبەتى اشىلعانداي بولدى.

عىلىمي شاراعا مەملەكەت جانە قوعام قايراتكەرلەرى، اقىن-جازۋشىلار، جۋرناليستەر مەن شاكىرتتەرى قاتىستى. تۇلعا بەينەسىن تانىتا تۇسكەن ءىس-شارانى قارا شاڭىراق قازۇۋ-دىڭ رەكتورى عالىمقايىر مۇتانوۆتىڭ ءوزى جۇرگىزدى. العىسوزىن العىسپەن باستاپ، كەيىنگى ءسوزىن قر پرەزيدەنتى قاسىم-جومارت توقاەۆتىڭ ارنايى جەدەلحاتىنا ءبولدى. مەملەكەت باسشىسى ونەگەلى ءومىرى وسكەلەڭ ۇرپاققا ۇلگى بولعان كاكىمجان قازىباەۆتىڭ وتباسىنا اماندىق، باق-بەرەكە تىلەدى.

عىلىمي-پراكتيكالىق كونفەرەنتسيا بارىسىندا كاكىمجان قازىباەۆتىڭ ءومىرى مەن شىعارماشىلىعىنا ارنالعان فيلم جۇرت نازارىنا ۇسىنىلدى. ال اقىن، قر ۇعا مۇشە-كوررەسپوندەنتى باۋىرجان جاقىپ «كاكىمجان قازىباەۆتىڭ جازۋشىلىق قىرى» تاقىرىبىندا بايانداما وقىپ، شىعارماشىلىق جولىنداعى جەتىستىكتەرى مەن تىڭنان تۇرەن سالعان تاقىرىپتارىنا كەڭىنەن توقتالدى.

قوعام جانە مەملەكەت قايراتكەرى، اكادەميك كوپجاسار ءنارىباي ۇلى نارىباەۆ كاكىمجان قازىباەۆتىڭ قايراتكەرلىگى جايلى تولعاندى. جازۋشى، تەلەجۋرناليست سۇلتان ءورازالى بولسا تۇلعانىڭ ءتورت ەرلىگىن ءتىزىپ شىقتى. ونىڭ ىشىندە حالىق جاۋىنىڭ قىزى بولعان ورىنشا قارابالينا-قازىباەۆانى ومىرلىك جار ەتىپ تاڭداۋىنىڭ ءوزى ماحاببات جولىنداعى كوزسىز ەرلىكتىڭ ءبىرى. ال راقىمجان قوشقارباەۆتى ناسيحاتتاۋ مەن تانىتۋ جولىنداعى ەرلىگى – ءبىر توبە.

جۋرناليست، جازۋشى جانبولات اۋىپباەۆ كاكىمجان قازىباەۆتىڭ شىعارماشىلىعى، ىزدەنىس جولى، بەرگەن تاربيەسى مەن جۋرناليستىك ساباقتاستىق جايلى ءسوز قوزعادى. قر ۇعا اكادەميگى، قازاقستاننىڭ ەڭبەك سىڭىرگەن قايراتكەرى تورەگەلدى شارمانوۆ تۇلعانىڭ ازاماتتىعى جايلى ايرىقشا ايتا كەتتى.

ايتۋلى شاراعا قر ۇعا-نىڭ كوررەسپەندەنت-مۇشەcى، «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى، گەنەرال-لەيتەنانت ءادىل شاياحمەتوۆ قاتىستى.

عىلىمي-پراكتيكالىق كونفەرەنتسيا سوڭىندا كاكىمجان قازىباەۆتىڭ جۇبايى ورىنشا قارابالينا-قازىباەۆا ءسوز الىپ، ۇلتتىڭ قامىن ويلاعان تۇلعانىڭ ءومىر جولى، قىزمەتتەگى حيكايالارى جايلى سىر تارقاتتى. بارشا قاتىسۋشىلار مەن قارا شاڭىراق قازۇۋ ۇجىمىنا العىسىن ءبىلدىردى. ۇلتىن سۇيگەن تۇلعانىڭ ۇلى، Alash Media Group مەدياحولدينگىنىڭ باس ديرەكتورى باتىر قازىباەۆ اكەسىمەن زامانداس بولعان تۇلعالاردىڭ ەرلىگىنە توقتالىپ، ەرەكشە ءىلتيپاتىن جەتكىزدى. سونداي-اق، شارا بارىسىندا كاكىمجان قازىباەۆتىڭ ءومىر جولىنا، شىعارماشىلىعىنا ارنالعان سايتتى دا (kazybaev.kz) تانىستىرا كەتتى.

جينالعان جۇرت كاكىمجان قازىباەۆ تۇلعاسىن تاعى ءبىر قىرىنان تانىپ قايتتى.