ايماقتار • 19 قىركۇيەك، 2019

وڭدى قىز ولگا

32 رەتكورسەتىلدى

ولگا گونتاريوۆا – ون ساۋساعىنان ونەر تامعان شەبەر قىز. ول قاراعاندىداعى تەحنيكا-قۇرىلىس كوللەدجىندە وقيدى. وقۋىن بىتىرگەندە ول تەحنيك، ديزاينەر، رەستاۆراتور ماماندىقتارىن الىپ شىعادى.

جاقىندا تالاپتى قىز ءوزىنىڭ جەكە ءىسىن اشىپ، بولاشاق بيزنەسىنىڭ ىرگەتاسىن قالا­دى. ولگا جەكە كاسىپكەر رەتىندە تىركە­لۋدىڭ سونشالىقتى قيىنعا تۇسپەگەنىن ايتادى.

– جاساعان بۇيىمدارىمدى تانىستارىما ساتامىن. كەيدە «سارافان راديوسى» ارقىلى مەنى تاۋىپ الىپ، زاتتار ساتىپ الاتىن وقي­عالار دا بولىپ تۇرادى، – دەيدى ولگا.

ولگا گونتاريوۆانى ونىڭ كوللەدجدەگى جەتەكشىسى دامەلى كەنجەباەۆا ورىندى ماق­تان ەتەدى.

– ولگا – ءوز ىسىنە ۇلكەن جاۋاپكەرشىلىكپەن قارايتىن ستۋدەنت. تاڭداپ العان كاسىبىن جان-تانىمەن سۇيەدى. ول شىنىندا دا ونەرلى قىز: سۋرەت تە سالادى، اعاشتان ويىپ بۇيىم دا جاسايدى، ءبىر سوزبەن ايتقاندا قولىنان كەل­مەيتىنى جوق. بولاشاقتا ول باستاعان ءىستىڭ تا­بىستى بولارىنا كۇمانىم جوق، – دەيدى ۇستاز.

وقۋدا وزات ولگا قوعامدىق جۇمىستارعا دا بەلسەندى تۇردە اتسالىسادى. ول «ادال دوس» اتتى قوعامدىق بىرلەستىكتىڭ وكىلى. ۇيىم يەسىز جۇرگەن ءۇي جانۋارلارىن قورعاۋمەن اينالىسادى. سونىمەن قاتار ولگا ەرىكتىلەر جاساعىنىڭ دا بەلسەندى مۇشەسى.

جالپى قاراعاندى تەحنيكا-قۇرىلىس كوللەدجىندە ستۋدەنتتەردى وقۋ ورنى قابىر­عاسىندا جۇرگەنىندە-اق بولاشاق مامان­دىعىنا وندىرىستىك تاجىريبە نەگىزىندە باۋلۋ ءىسى دۇرىس جولعا قويىلعان. مىسالى، بۇل جەردە بولاشاق ديزاينەرلەر وزدەرىنىڭ ءتۇرلى جوبالارىن ازىرلەپ، ولاردى قۇرىلىسشى ماماندىعىنا وقىپ جاتقان ستۋدەنتتەرگە بەرەدى. ال ولار بولسا، قاجەتتى ماتەريالداردى تاڭداپ الىپ، ديزاينەرلەردىڭ جوباسىن ىسكە اسىرادى. ياعني، كوللەدجدە زەرتحانالارى ءوزارا تىعىز قارىم-قاتىناستا ارەكەت ەتەتىن قۇزىرەت ورتالىعى جەمىستى جۇمىس ىستەيدى. ايتا كەتەتىن ءبىر جايت، اتالعان كوللەدج بىلتىردان بەرى رەسپۋبليكالىق بيۋدجەتتەن قارجىلاندىرىلاتىن ءبىلىم مەكەمەلەرىنىڭ قاتارىنا قوسىلعان.

 

قاراعاندى

 

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار