كاسىپقوي بوكس • 16 قىركۇيەك، 2019

ءبىرىنشى راۋندتا-اق سۇلاتىپ سالدى

29 رەت كورسەتىلدى

قازاقتىڭ شويىن جۇدىرىق يەسى، ريو وليمپياداسىنىڭ چەمپيونى دانيار ەلەۋسىنوۆ سەنبى كۇنى اقش-تىڭ نيۋ-يورك قالاسىنداعى ايگىلى Madison Square Garden ارەناسىندا ءوزىنىڭ كەزەكتى جەكپە-جەگىن وتكىزىپ، قارسىلاسىن ءبىرىنشى راۋندتىڭ وزىندە-اق نوكاۋتقا جىبەردى. وتانداسىمىز بۇل جەڭىسى ارقىلى «ەلەۋسىنوۆتىڭ جويقىن سوققىسى جوق، كاسىپقوي بوكستا جۇرگەن قاتارداعى قاراپايىم بوكسشى» دەپ سىناپ جۇرگەن جانكۇيەرلەرىنە ناقتى جاۋاپ بەرىپ، ءوزىنىڭ مۇمكىندىگىن كورسەتتى.

راس، بۇعان دەيىن دانيار ەلەۋسىنوۆ ءتورت قارسىلاسىن ۇپاي سانىمەن، ءۇش قارسىلاسىن تەح­نيكالىق نوكاۋتپەن جەڭ­گەن بولاتىن. سونداي-اق بار­لىق قارسىلاسى جەڭىلىستىڭ كەرمەك ءدامىن تاتقان، دەڭگەيى وزىنەن تومەن بوكسشىلار بولاتىن. ال بۇل جولى 13 كەزدەسۋدىڭ 12-سىندە جەڭىسكە جەتىپ، تەك ءبىر ايقاسىندا عانا تەڭ تۇسكەن 34 جاستاعى رەشارد حيكستى ءبىرىنشى راۋندتا سۇلاتىپ سالدى.

امەريكالىق بوكسشى وتە­ تاجىريبەلى. 12 قار­­­سىلا­سى­نىڭ تەڭ جارتى­سىن­ نوكاۋتقا تۇ­سىرگەن اككى بوكس­شى. رەشارد حيكس دا­نيار­عا دەيىنگى سوڭعى جەكپە-جە­گىندە ءوزىنىڭ وتانداسىمەن جۇ­دىرىقتاسىپ، امەريكا بوكس فەدەراتسياسىنىڭ بەل­دى­گىن جەڭىپ العان-دى. وسىن­داي ءىرى جەتىستىگىنەن كەيىن ول ەلەۋسىنوۆپەن جەكپە-جەك وتكى­زۋگە كەلىسىم بەرگەن.

10 راۋندقا جوسپارلانعان ايقاستا حيكس ءبىرىنشى سوققى جاساپ، وتانداسىمىزدى­ سى­ناق­­تان وتكىزىپ الدى. مۇن­داي جاعدايعا دايىن بولعان وتانداسىمىز بىردەن جەك­پە-جەك تىزگىنىن ءوز قو­لىنا الىپ، رينگ ورتاسىن يەلەندى. راۋندتىڭ ورتا تۇسى­نان اسقاندا دا­نيار بەل­سەندىلىگىن ارتتىرىپ، قار­سىلاسىن نوكداۋنعا جى­­بەردى. امەريكالىق بوكس­شى ەسىن جيىپ، جەكپە-جەكتى قاي­تا جالعاستىرعانىمەن وتان­داسىمىزدىڭ سەريالىق سوق­قىسىنان كەيىن تاعى دا نوك­داۋنعا ءتۇستى. بۇل ساتتە تورەشى ەسەپتى اشپاي-اق، كەز­دەسۋدى مەرزىمىنەن بۇرىن اياقتادى. وسىلايشا، وتانداسىمىز كارەراسىنداعى سەگىزىنشى جەڭىسىنە قول جەتكىزدى.

جەكپە-جەكتەن كەيىن ەلەۋ­سىنوۆ جەرگلىكتى باق وكىل­­دەرىنە سۇحبات بەرىپ، الداعى جوسپارىمەن ءبولىستى. «ارينە، جەڭىسىمە قۋا­نىش­تىمىن. ەتكەن ەڭبە­گىمنىڭ، توككەن تە­رى­منىڭ اق­تالعانىنا ءدان ري­زامىن. ءبىرىنشى راۋندتا جەڭىسكە جەتۋ بارلىق بوكس­شىنىڭ ارمانى. بىراق بۇگىنگى ايقاس ءوزىمنىڭ كوڭىلىمنەن شىق­­قان جوق. جەكپە-جەك­تى قايتا قاراپ شىعىپ، قاتەلىك­تەرىم­مەن جۇمىس ىستەيتىن بولامىن. قازىر ءدال مىنا بوكس­شىمەن جەكپە-جەك وتكىزگىم كەلەدى دەپ ايتا المايمىن. مەن رەيتينگتىك كەزدەسۋلەر وتكىزىپ جۇرگەندىكتەن، پرو­موۋ­تەرلەرىم قاي بوكسشىنى ۇسى­نادى، سول بوكسشىمەن جۇدىرىقتاسا بەرەمىن»، دەيدى دانيار ەلەۋسىنوۆ.

وتانداسىمىزدىڭ جار­قىن­ جەڭىسىن الەمدىك باق وكىل­­دەرى دە جارىسا­ جا­زىپ، بوكس ماماندارى قا­زاق­ وع­لا­نى­­نىڭ ونەرىنە جو­عا­رى باعا بەرىپ جاتىر. ءتىپ­­­تى امەريكالىق ايگىلى The Ring جۋرنالىنىڭ ءجۋرناليسى رايان سونگاليا دانياردى مايك تايسونعا تەڭەدى. «دا­نيار ەلەۋسىنوۆ شارشى الاڭ­عا مايك تايسون سەكىلدى كوتەرىلىپ، ءدال تايسوننىڭ ادىسىمەن قارسىلاسىن ەكى مي­نۋت­تا سۇلاتىپ سالدى. ول وسى قارقىنىنان تايماسا، ال­­داعى ۋاقىتتا تالاي بيىك­تى با­عىندىراتىنىنا سەنىم­دى­مىن»، دەپ جازادى سونگاليا.

بۇل جەڭىسىنەن كەيىن ەلەۋ­سىنوۆ الەمدىك رەيتينگتە جو­عارى كوتەرىلىپ، 152-ورىنعا تۇراق­تادى. جوسپار بويىشا، وتانداسىمىز جىل سوڭىنا دەيىن تاعى ءبىر جەكپە-جەك وت­كىزبەك.

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار