پرەزيدەنت - قك جوعارعى باس قولباسشىسىنىڭ 2019 جىلعى 7 تامىزداعى "مەملەكەتتىك ناگرادالارمەن ماراپاتتاۋ" تۋرالى جارلىعى بويىنشا اسكەري بورىشىن وتەۋ بارىسىندا كورسەتكەن ەرلىگى مەن قايسارلىعى ءۇشىن اعا سەرجانت باۋىرجان الىمبەكوۆ پەن سەرجانت ابدىقۇل احمەتوۆ II دارەجەلى "ايبىن" وردەندەرىمەن ماراپاتتالدى.
اسكەري قىزمەتشىلەر وق-ءدارى قويماسىندا ءورتتى سوندىرۋگە قاتىسىپ, اسكەري بورىشتارىن ادال اتقاردى. ابدىقۇل مەن باۋىرجان ءبىر اسكەري بولىمدە قىزمەت ەتتى, جاۋاپكەرشىلىكتەرى مول ءارى ىنتالى بولدى, تالاپ ەتىلگەن جۇمىستى ورىنداۋعا ءاردايىم اسا جاۋاپكەرشىلىكپەن قارادى. قىزمەتتەستەرى ولاردىڭ ارقايسىسى ءوزىنىڭ قىزمەتتىك مىندەتتەرىنە ساي كەلەتىن كاسىپقويلىعىن, سونداي-اق, ۇجىممەن قارىم-قاتىناس ورناتۋداعى اشىقتىعىن جانە قاراپايىمدىلىعىن ەستەرىنە الدى.
قازا بولعان اسكەري قىزمەتشىلەرگە ءبىر مينۋت ۇنسىزدىكپەن قۇرمەت كورسەتتى. ارىس اسكەري ءبولىمىنىڭ جەكە قۇرامى اسكەري جولداستارىن ەسكە الۋ ءۇشىن سالتاناتتى مارش ءجۇرىپ ءوتتى.
