كلۋبتىڭ رەسمي سايتىنىڭ حابارلاۋىنشا, بيلەتتەر قۇنى ەكى ساناتقا بولىنگەن. ءبىرىنشى ساناتتاعى «مانچەستەر يۋنايتەدكە» قارسى وتەتىن ويىننىڭ بيلەت قۇنى ورىن ساناتىنا بايلانىستى 4 مىڭ مەن 55 000 تەڭگە ارالىعىندا بولماق. ال از بەن «پارتيزانعا» قارسى ويىندار – ەكىنشى سانات. ولاردىڭ قۇنى 1500-12000 تەڭگە ارالىعىندا. بۇل ويىنداردىڭ بيلەتى كەزدەسۋ باستالۋىنا از ۋاقىت قالعاندا ساتىلىمعا شىعادى.
سونداي-اق ءۇش ويىنعا ءبىر بيلەت, ياعني ابونەمەنت ساتىپ الۋعا دا بولادى. ءبىرىنشى ساناتتاعى ابونەمەنت باعاسى – 65 000, ەكىنشى سانات – 50 000, ءۇشىنشى سانات – 30 000, ءتورتىنشى سانات – 20 000 جانە بەسىنشى سانات – 13 000 تەڭگە. ەسكە سالا كەتەيىك, ەلوردا كومانداسى 3 قازاندا «پارتيزان», 7 قاراشادا «از الكمار» جانە 28 قاراشادا «مانچەستەر يۋنايتەد» كلۋبىن ءوز الاڭىندا قابىلدايدى.
