ايماقتار • 11 قىركۇيەك، 2019

اباتتانعان اياگوز

453 رەتكورسەتىلدى

ادەتتە اكىمدەر جاڭا جۇمىسقا كىرىسسە، شارۋاسىنىڭ ءبىسمىللاسىن بورديۋر اۋىستىرۋدان باستايتىن ادەتى. ال اياگوزدە بۇل تاراپتاعى جۇمىس كوپىر جوندەۋدەن باستالىپتى.

 ؛  ؛  ؛ ؛

اياگوز &ndash؛ توعىز جولدىڭ تورابىندا ورنالاسقان، ونەركاسىبى مەن اۋىل شارۋاشىلىعى قاتار دامىعان اۋدان. بۇگىندە ءبىر عانا تەمىرجول بويىندا 3 مىڭنان استام ادام ەڭبەك ەتۋدە.

 ؛

كومبينات جەرگىلىكتى تۇرعىنداردى جۇمىسقا الادى

اقتوعاي

قازىر اۋدان اۋماعىندا ءىرى ءوندىرىس ورنى &ndash؛ اقتوعاي كەن بايىتۋ كومبيناتى جۇمىس ىستەپ جاتقانى بەلگىلى. كومبينات الداعى ۋاقىتتا ەكىنشى ۇلكەن زاۋىتتى ىسكە قوسپاق. ء«؛بىز مۇمكىندىگىنشە جەرگىلىكتى ازاماتتاردى كەن ورنىنا جۇمىسقا ورنالاستىرۋعا كۇش سالىپ جاتىرمىز. ولاردىڭ دا قويار تالاپتارى بار. نەگىزىنەن كەن بايىتۋ ينجەنەرلەرى، كەن بايىتۋ تەحنولوگتارى، جوعارى رازريادتى ەلەكتريكتەر كەرەك. بۇل تاراپتا بىزدە كادرلار جوقتىڭ قاسى. سوندىقتان ازىرگە قاراپايىم جۇمىسشىلاردى جۇمىسقا ورنالاستىرىپ جاتىرمىز. اۋدانعا اكىم بولىپ كەلگەندە اقتوعاي كەن بايىتۋ كومبيناتىنىڭ باسشىلىعىمەن كەزدەسىپ، ەڭبەك جارمەڭكەسى ارقىلى 40 جەرگىلىكتى ازاماتتى جاڭادان سالىنىپ جاتقان زاۋىتقا جۇمىسقا كىرگىزدىك. الداعى ۋاقىتتا وسىنداي جارمەڭكەنى تاعى دا ۇيىمداستىرامىز. كەن ورنى بيزنەستىڭ الەۋمەتتىك جاۋاپكەرشىلىگى اياسىندا اقتوعاي كەنتى مەن قوپا اۋىلىنا ەكى بالالار الاڭىن ورناتىپ جاتىر. الپاۋىت كومپانيا الداعى ۋاقىتتا اقتوعايعا دەنە شىنىقتىرۋ ساۋىقتىرۋ كەشەنىن سالۋدى جوسپارلاپ وتىر. ونىڭ 30 پروسەنتىن اۋدان اكىمدىگى، قالعانىن وزدەرى قارجىلاندىرادى. تاعى ءبىر جاعىمدى جاڭالىق، كەن ورنى كەلەسى جىلى قوپا اۋىلىنداعى ورتا مەكتەپتى كۇردەلى جوندەۋدەن وتكىزۋگە كومەكتەسەدى. سونىمەن قاتار كومبينات باسشىلىعىنا اقتوعايدا ءجۇزۋ باسسەينىن سالۋ جونىندە ۇسىنىسىمىزدى ايتتىق. ءبىز بۇل باعىتتاعى جۇمىستاردى ودان ءارى جالعاستىرا بەرەمىز»؛ دەيدى اياگوز اۋدانىنىڭ اكىمى دىلدابەك ورازباەۆ.

300-گە جۋىق كۇن باتەرەياسى ورناتىلدى

اياگوز جەرى ەجەلدەن مال وسىرۋگە قولايلى. الايدا اۋدان حالقىنىڭ بارلىعى بىردەي مال ءوسىرىپ، شارۋاسىن دوڭگەلەنتىپ، شالقىپ ءومىر ءسۇرىپ جاتىر دەۋگە كەلمەيدى. بۇعان اۋدان تۇرعىندارىنىڭ ءتورت تۇلىك سانىن ەسەلەۋگە مۇمكىندىك بەرەتىن مەملەكەتتىك باعدارلامالاردى ءجوندى بىلمەۋى، بەيحابار بولۋى دا اسەر ەتىپ وتىرسا كەرەك. «؛اۋداندا «؛اگرو بيزنەس &ndash؛ 2020»؛ باعدارلاماسى باياۋ ءجۇرىپ جاتىر. ىرگەمىزدەگى تارباعاتاي اۋدانى 1 جارىم ميلليارد تەڭگەگە نەسيەگە مال العان. اياگوزدىڭ بۇل تاراپتاعى كورسەتكىشى ازىرگە 300 ميلليون تەڭگەدەن اسپاي تۇر. ءقازىر ءبىز حالىقتى مالمەن قامتاماسىز ەتۋ ءۇشىن وسى باعىتتاعى جۇمىستارىمىزدى جانداندىرىپ جاتىرمىز. تۇرعىنداردىڭ كوپشىلىگى مەملەكەتتىك باعدارلامالاردى بىلمەيدى، بىلسە دە ول باعدارلامالار ارقىلى مالدى، تەحنيكانى قالاي الۋدى بىلمەيدى»؛ دەگەن اۋدان اكىمى وسى ماقساتتا ارنايى ءۇش توپ قۇرىلعانىن، ولار ءار كۆارتال سايىن ؛ اۋىلدىق وكرۋگتەرگە بارىپ، تۇرعىندارمەن كەزدەسىپ، ءتۇسىندىرۋ جۇمىستارىن جۇرگىزىپ جاتقاندىعىن جەتكىزدى. وسى جۇمىستاردىڭ ناتيجەسى بولار، بۇگىندە اياگوز اۋدانىنىڭ شارۋا قوجالىقتارىنا  ؛300-گە جۋىق كۇن باتەرەياسى ورناتىلىپ، 200-گە تارتا قۇدىق قازدىرىلىپ، اۋدان بۇل تاراپتا وبلىستا ءبىرىنشى ورىنعا شىعىپتى.

 ؛

سەگىز كوپ بالالى انا باسپانالى بولدى

كوپ بالا

قازىر ەلىمىزدە كوپ بالالى انالارعا ەرەكشە كوڭىل ءبولىنىپ جاتقانى بەلگىلى. وسى رەتتە شىعىس قازاقستاندا اۋىلدى جەردە ءۇي كەزەگىندە تۇرعان 230 كوپ بالالى وتباسى باسپانالى بولىپ، قونىس تويىن تويلاعان-دى. ال اياگوز اۋدانىندا 8 كوپ بالالى وتباسى وسىنداي قۋانىشقا كەنەلگەن بولاتىن. سونىڭ ءبىرى &ndash؛ مامىرسۋ اۋىلىنىڭ تۇرعىنى، 5 بالانىڭ اناسى ؛ گۇلزات السەيىتوۆا. جولداسى كەنەتتەن ومىردەن وزىپ، 5 بالامەن جالعىز قالعان گۇلزات جاقىندا وسى اۋىلدان مەملەكەت تاراپىنان بەرىلگەن بەس بولمەلى ۇيگە قول جەتكىزىپتى. «؛بالالارىمنىڭ ۇلكەنى اياگوزدە كوللەدجدە، ەكى بالام مەكتەپتە وقيدى. كىشكەنە بالام 1 جاستا. جاڭا فورماتتاعى اتاۋلى الەۋمەتتىك كومەكتى الدىق. بۇرىن 45 مىڭ ەدى، ءقازىر 120 مىڭ بولدى»؛ دەيدى ول.

باسپانا دەمەكشى، بۇگىندە اياگوز قالاسى بويىنشا 150-گە جۋىق كوپ بالالى انا ءۇي كەزەگىنە تۇرىپ، سونىڭ 100-دەن استامى «؛باقىتتى وتباسى»؛ باعدارلاماسى ارقىلى ءۇي الۋ ءۇشىن تۇرعىن ءۇي قۇرىلىس جيناق بانكىنە قۇجاتتارىن جولداپتى. بانك ازىرگە التى كوپ بالالى وتباسىعا كەلىسىم بەرىپتى. ال اياگوز اۋدانى بويىنشا اتاۋلى الەۋمەتتىك كومەك سوماسى 1 ميلليارد تەڭگەدەن ءاسىپتى.

قازىر ەل اراسىندا اتاۋلى الەۋمەتتىك كومەككە قاتىستى ءارتۇرلى اڭگىمە ايتىلۋدا. «؛ااك تۇرعىنداردى ماسىلدىققا ۇيرەتۋدە»؛ دەگەن پىكىرلەر دە بار. «؛جاقىندا اۋدانداعى ااك العان ءبىر ايەلمەن سويلەستىم. بۇرىن 40 مىڭ السا، ءقازىر 160 مىڭ شاماسىندا ااك الادى ەكەن. «؛وندا بىلاي ىستەڭىز. 40 مىڭمەن دە كۇن كوردىڭىز عوي. سول 40-قا 20 مىڭ قوسىڭىز. 60 مىڭ بولادى. ار جاعىندا 100 مىڭ قالادى عوي. سوعان 20 مىڭنان بەس توقتى الىڭىز دا، قوراعا كىرگىزىڭىز. كەلەسى ايدا تاعى بەس توقتى الىڭىز. 4 ايدا 20 توقتى الاسىز. سونى بورداقىلاپ، باعا بەرىڭىز. 20 مىڭدىق توقتىنى ەكى ايدان كەيىن 40 مىڭعا ساتاسىز. سويتەسىز دە كەلەسى جىلى اتاۋلى الەۋمەتتىك كومەكتەن شىعىپ كەتەسىز. ەشكىمگە قول جايمايسىز»؛ دەدىم. ويلانىپ قالدى»؛ دەيدى اۋدان اكىمى.

 ؛

اپتا سايىن جارمەڭكە

جارمەڭكە

يا، ءقازىر اياگوز قالاسىنىڭ قاق ورتاسىندا اپتا سايىن ءار سەنبىدە اۋىل شارۋاشىلىق جارمەڭكەسى وتكىزىلۋدە. اۋدان اكىمدىگى اق ادال مالىن ساۋداعا شىعارۋ ءۇشىن اۋىل-اۋىلداردان كەلگەن شارۋالارعا ارنايى ورىن بەلگىلەپ، ءار اۋىلعا شاتىر تىكتىرىپ، بار جاعدايىن جاساپ جاتقان كورىنەدى. شارۋالاردى اۋرە-سارساڭعا سالماس ءۇشىن ۆەتەرينارلىق زەرتحانانى دا جارمەڭكە ۇيىمداستىرىلاتىن جەرگە اكەلدىرىپ قويىپتى.

جارمەڭكە 1

«؛بازاردا باعا قىمبات ەكەنىن كوردىم. «؛بۇلارعا باسەكە بولاتىن نە بار؟»؛ دەپ سۇراسام، «؛ەشتەڭە جوق»؛ دەيدى جەرگىلىكتى ازاماتتار. سودان اپتا سايىن جارمەڭكە ۇيىمداستىرايىق دەپ شەشتىك. العاشقى كەزدە جارمەڭكەدە 7-8 ءىرى قارا ساتىلعان، ءقازىر اپتا سايىن 30 ءىرى قارا مال ساتىلىپ جاتىر. ەت قانا ەمەس، ءسۇت، قايماق، سارى ماي، ءبارى بار. اۋىلدىڭ ادامدارى تىكەلەي وزدەرى ساتىپ جاتىر. جارمەڭكەدەگى باعا بازاردان 25-30 پروسەنت تومەن. ەت جارمەڭكەدە 1400 تەڭگەدەن ساتىلىپ جاتىر. سودان دا بولار، بازارداعى ەت باعاسى ەكى مىڭعا دەيىن ءتۇسىپ كەتتى. وسىلايشا ءبىر ايدا 120-عا تارتا ءىرى قارا مال، 40-قا جۋىق قوي ساتىلىپ جاتىر. ءبىر جىلعا ەسەپتەسەك، 1700 قوي، 1300 ءىرى قارا ساتىلادى ەكەن. ءسويتىپ، ءبىز  ؛بىرىنشىدەن، باعانى ۇستادىق. ەكىنشىدەن، حالىقتى ازىق-تۇلىكپەن قامتىپ جاتىرمىز. ۇشىنشىدەن، شارۋالاردىڭ ونىمدەرىن تىكەلەي ساۋداعا شىعارۋىنا مۇمكىندىك بەردىك»؛ دەيدى د.ورازباەۆ.

 ؛

جىلۋ ماسەلەسىنە نۇكتە قويىلار كۇن جاقىن

جىلۋ

اياگوز شاعىن شاھار بولعانىمەن ءبىر باسىنا جەتەرلىك ماسەلەسى دە از ەمەس. سونىڭ ءبىرى &ndash؛ جىلۋ. بۇعان دەيىن قارا تۇرعىندارى تاراپىنان جىلۋدىڭ جەتكىلىكسىزدىگىنە، دۇرىس بەرىلمەگەن جىلۋعا تولەنگەن اقشاعا، جەكە مەنشىك جىلۋ قازاندىعىنىڭ باسشىسىنا قاتىستى بىرنەشە مارتە ماسەلە كوتەرىلگەن-دى. اقىرى بۇل ماسەلەگە وبلىس اكىمى دانيال احمەتوۆتىڭ ءوزى ارالاسىپ، جەكە مەنشىكتەگى جىلۋ قازاندىعى اۋدان اكىمدىگىنىڭ بالانسىنا الىنعان بولاتىن. بۇل ماقساتقا وبلىستىق بيۋدجەتتەن 250 ميلليون تەڭگە بولىنگەن-دى. اۋدان اكىمىنىڭ ايتۋىنشا، 1 قازانعا دەيىن بارلىق قازاندىقتار ورناتىلادى. وسىلايشا قالاداعى جىلۋ ماسەلەسىنە نۇكتە ءقويىلماق.

قازىر اياگوز قالاسىنداعى سۋ ماسەلەسىن شەشۋ دە قولعا الىنىپ جاتىر. «؛قالاداعى ۇيلەردە ەسەپتەۋىشتەر جوق. حالىق قانشا سۋ جۇمساپ جاتقانىن بىلمەيدى. قالا حالقى قانشا كولەمدە سۋ الىپ جاتقانىن ءبىز بىلمەيمىز. ەندى بارلىق جەرگە ەسەپتەۋىشتەر قويامىز. ەسەپتەۋىشتەردى جەرتولەگە ورناتامىز. وسى جۇمىستى باستاپ جاتىرمىز. ءبىر ميلليون حالىق تۇراتىن شىمكەنت قالاسىندا مەگاپوليستى 24 ساعات سۋمەن قامتاماسىز ەتىپ وتىرعان «؛سۋ رەسۋرستارى &ndash؛ ماركەتينگ»؛ جشس دەگەن مەكەمە بار. سول مەكەمەنىڭ باس ديرەكتورى اناربەك ورمانوۆپەن كەلىسىمگە كەلدىك. مەكەمە ماماندارى اياگوزگە كەلىپ، جاعدايدى كورىپ، كەمشىلىكتەردى انىقتاپ كەتتى. ەندى جوبالاۋشىلار كەلەدى. بۇل &ndash؛ ۇلكەن جۇمىستىڭ باسى»؛ دەگەن اۋدان اكىمى قالانىڭ شەت جاقتارىنداعى 38 كوشەدە اۋىز سۋ ماسەلەسى تولىق شەشىم تاپپاعانىن، وسى تۇيتكىلدى تارقاتۋ كۇنتارتىبىندە تۇرعاندىعىن ايتتى.

اياگوزدەگى وزەكتى ماسەلەنىڭ ءبىرى &ndash؛ قوقىس شىعارۋ. اسىرەسە جەر ۇيلەردەن قوقىس دۇرىس شىعارىلمايدى ەكەن. جەر ءۇي تۇرعىندارى قوقىستى قاپشىققا سالىپ، جيناپ قوياتىن كورىنەدى. وسى ماسەلەنى شەشۋ ءۇشىن قالا بيلىگى 500-گە جۋىق كونتەينەر ورناتىپتى، الداعى ۋاقىتتا 2 مىڭ كونتەينەر قويۋدى جوسپارلاپ وتىر. ء«؛قازىر قالادا قوقىس شىعارۋمەن ءبىر عانا كومپانيا شۇعىلدانادى. ءبىراق ءبىز ەكى كومپانيا جۇمىس ىستەۋى ءتيىس دەپ ويلايمىز. سوندا ولاردىڭ اراسىندا باسەكە بولادى. كىم جاقسى جۇمىس ىستەيدى، سول كوشەلەردى الادى. مۇمكىن كۇشەيگەن كومپانيا ەكىنشىسىن ىعىستىرىپ شىعارادى. ايتپەسە جالعىز كومپانيا بىلگەنىن ىستەيدى. العىسى كەلسە الادى، العىسى كەلمەسە المايدى»؛ دەيدى د.ورازباەۆ.

 ؛

11 كوپىر سالىنادى

كوپىر

بىلتىر ناۋرىز ايىندا اياگوز قالاسىنىڭ «؛زا لينيي»؛ ىقشام اۋدانى اۋماعىنداعى كىشى اياگوز وزەنى ارناسىنان اسىپ، تۇرعىنداردى اۋرە-سارساڭعا سالعان ەدى. تاسقىننىڭ العاشقى كۇندەرى وبلىس اكىمى جۇمىس ساپارىمەن اياگوزگە كەلگەندە وسى ىقشام اۋدان تۇرعىندارى وزدەرىن تولعاندىرعان ماسەلەلەردىڭ كوپتىگىن، اسىرەسە جاياۋ جۇرگىنشىلەرگە جانە كولىكتىڭ وتۋىنە ارنالعان كوپىرلەردىڭ توزىپ، جوندەۋ كورمەي تۇرعاندىعى جاندارىنا باتىپ جۇرگەندىگىن اشىنا ايتقان-دى.

ادەتتە اكىمدەر جاڭا جۇمىسقا كىرىسسە، شارۋاسىنىڭ ءبىسمىللاسىن بورديۋر اۋىستىرۋدان باستايتىن ادەتى. ال اياگوزدە بۇل تاراپتاعى جۇمىس كوپىر جوندەۋدەن باستالىپتى. «؛اۋدانعا اكىم بولىپ كەلگەننەن سوڭ «؛زا لينيي»؛ ىقشام اۋدانىنىڭ تۇرعىندارىمەن كەزدەسكەندە: «؛اكىمدىك «؛كوپىر سالامىز»؛ دەپ قانشا رەت الدادى. 280 ميلليون ءبولىندى دەپ ەدى. سول اقشا قايدا؟ ءسىز سونى سۇراڭىزشى»؛ دەپ ماعان مۇڭ-زارىن جەتكىزدى. سول كەزدەسۋدە بيىل جاياۋ جۇرگىنشىلەرگە ارنالعان 5 كوپىردى جاڭادان سالىپ بەرەمىن دەپ ۋادە بەردىم. قازىرگى ۋاقىتتا سونىڭ تورتەۋى پايدالانۋعا بەرىلدى. بىرەۋى جاقىندا ىسكە قوسىلادى. ال ەكى كولىك جۇرەتىن كوپىردى الداعى ۋاقىتتا جوندەۋدەن وتكىزەمىز»؛ دەگەن اۋدان اكىمى بۇرىن ءبىر كوپىرگە 30 ميلليون تەڭگە سمەتا جاسالعانىن، ءقازىر قاراجات ۇنەمدەلىپ، ءبىر كوپىر 3 ميلليون تەڭگەگە سالىنىپ جاتقانىن جەتكىزدى.  ؛ ؛ ؛

ورايى كەلگەندە ايتا كەتەيىك، بيىل اياگوز اۋدانى بويىنشا 11 كوپىر سالىنىپ جاتىر. ونىڭ التاۋى &ndash؛ مامىرسۋ اۋىلىندا. تامىز ايىندا اياگوز اۋدانىنا جۇمىس ساپارىمەن بارعانىمىزدا وسى ەلدى مەكەنگە جول تۇسكەن ەدى. سول كەزدە اۋىلدىق وكرۋگتىڭ اكىمى ارحات يبرايشين اۋىل ىشىندەگى شاعىن التى كوپىردىڭ تورتەۋى ىسكە قوسىلعانىن، ەكەۋى جۋىقتا ءازىر بولاتىندىعىن ايتقان-دى. اياگوزدىڭ ءدال ىرگەسىندەگى مامىرسۋ اۋىلى تۇرعىن سانى 2 مىڭنان اسقاندىقتان  ؛جىل باسىنان بيۋدجەتتىڭ ءتورتىنشى دەڭگەيىنە ءوتىپتى. وسى رەتتە بيىل وبلىس اكىمدىگى وسىنداي اۋىلداردى قولداۋ ماقساتىندا 10 ميلليون تەڭگەدەن قارجى ءبولىپتى. مامىرسۋ اۋىلىندا بۇل قاراجاتقا مادەنيەت ءۇيىنىڭ جانىندا شاعىن ورتالىق الاڭ سالىنىپ جاتىر ەكەن. «؛حالىقپەن اقىلداسا وتىرىپ وسىنداي شەشىم قابىلدادىق. ناۋرىز، تاعى باسقا دا مەرەكەلىك شارالاردىڭ بارلىعى ەندى وسى جەردە وتەتىن بولادى. زاماناۋي شاعىن الاڭعا جارىق شامدارى ورناتىلىپ، ورىندىقتار قويىلىپ، گۇلدەر ەگىلەدى. الاڭنىڭ توبەسى جابىلادى»؛ دەيدى اۋىل اكىمى.

اۋىلداعى تاعى ءبىر جاعىمدى جاڭالىق، بۇرىن اكىمشىلىكتىڭ كونتورى بولعان توعىز بولمەلى عيمارات كۇردەلى جوندەۋدەن وتكىزىلىپ، الەۋمەتتىك تۇرعىدان قامتىلعان ەكى وتباسىنا، ەكى ءمۇعالىم مەن ەكى دارىگەرگە جانە ءبىر سپورت مەكتەبىنىڭ مۇعالىمىنە تەگىن بەرىلىپتى. تەك كوممۋنالدىق تولەمدەرىنىڭ اقىسىن تولەيدى ەكەن.

 ؛

شاعىن شاھار شىرايلانىپ كەلەدى

ارداگەر

قازىرگى ۋاقىتتا اياگوز قالاسىن اباتتاندىرۋعا ەرەكشە كوڭىل بولىنۋدە. بيىل شاعىن شاھارداعى «؛ارداگەر»؛ ساياباعى كوركەيتىلىپ، جارىقتاندىرىلىپ، شىرشا كوشەتتەرى مەن گۇل ەگىلىپ، «؛سامۇرىق-قازىنانىڭ»؛ قولداۋىمەن فۋتبول الاڭى سالىنىپ، ستريت ۆوركوۋت جانە بالالاردىڭ ويىن الاڭقايى پايدالانۋعا بەرىلىپتى. بۇگىندە قاجىمۇقان كوشەسى مەن №7 مەكتەپ جانىندا فۋتبول الاڭى مەن ستريت ۆوركوۋت سالىنىپ جاتقان كورىنەدى. «؛قالانىڭ تازالىعى، كوركەمدىگى ءبىرىنشى ورىندا بولۋ كەرەك دەپ ويلايمىن. سوندىقتان بيىل كوكتەمدە 3 مىڭنان استام شىرشا ەكتىك، كۇزدە تاعى 3 مىڭ شىرشا وتىرعىزامىز. كەلەسى جىلى كوكتەمدە تەرەك وتىرعىزۋ ويىمىزدا بار. سونىمەن قاتار الداعى كوكتەمدە اياگوزدەگى كوپ قاباتتى ۇيلەردىڭ قاس بەتتەرىن بوياۋدى باستايمىز. ساياباقتار اباتتاندىرىلىپ جاتىر. ولارعا «؛دونەر»؛ قويىپ جاتىرمىز. تازالىعىنا سولار جاۋاپ بەرەدى. قالاداعى بورديۋلەر دە ەسكىرگەن. كەلەسى جىلى اۋىستىراتىن شىعارمىز»؛ دەيدى دىلدابەك ورازباەۆ.

جالپى، اياگوز قالاسىندا 108 كوشە بار بولسا، سونىڭ 30 پروسەنتى عانا اسفالتتالعان ەكەن. بيىل 10 كوشەنى اسفالتتاۋ جوسپارلانىپ، بەسەۋىندە جۇمىس باستالىپ، ونىڭ بىرەۋى تولىق اياقتالىپتى. 10 كوشەگە قيىرشىق تاس توگىلىپتى. «؛اۋا رايى قولايلى بولسا، 10 كوشەنى اسفالتتاپ ۇلگەرۋىمىز مۇمكىن. اياگوز كوشەلەرى بۇرىن-سوڭدى مۇنداي قارقىنمەن جوندەلگەن ەمەس. ءارى كەتسە ەكى-اق كوشە اسفالتتالاتىن»؛ دەيدى اياگوز قالاسىنىڭ اكىمى قۋانىش ازىحانوۆ.

 ؛ ؛

كەسەنە ماڭى كورىكتەندىرىلەدى

كەسەنە

اياگوزدىڭ ءبىر ماقتانىشى &ndash؛ قوزى كورپەش-بايان سۇلۋ مازارى. بۇل نىسان شىعىس قازاقستاننىڭ كيەلى جەرلەرىنىڭ تىزىمىنە ەنگەن. الايدا جولدىڭ قيىندىعىنا، ينفراقۇرىلىمنىڭ جەتكىلىكسىزدىگىنە بايلانىستى مۇندا تۋريستەر اعىلىپ كەلىپ جاتىر دەپ ايتا المايمىز. سوندىقتان اۋدان اكىمدىگى قاسيەتتى ورىندا ءوز بالانستارىنا الىپ، جان-جاعىن جاقسىلاپ اباتتاندىرۋدى جوسپارلاپ وتىر. «؛كەلگەن ادامدار دارەت الاتىن جەر جوق. شىراقشى جوق. دارەتحانا دا كەرەك. ءبىز مازار باسىنا شىراقشى قويىپ، بەس-التى ادام تۇنەيتىن بولمە سالساق، كەلگەن جۇرت مالىن سويسا، تۇنەسە دەيمىز. كەسەنە ماڭىن جارىقتاندىرىپ، ورىندىقتار ورناتىپ، سۋ بۇرقاق قويساق دەيمىز. ۇيلەنگەن جاستار وسىندا كەلىپ، ءتاۋ ەتىپ جاتسا جاقسى ەمەس پە؟! كەسەنە جانىنداعى اۋىلعا اپاراتىن جولدا وزەن بار. كوكتەمدە تاسقىن بولعاندا ادامدارعا ارلى-بەرلى ءوتۋ قيىنعا سوعادى. سوعان ۋاقىتشا جينالمالى كوپىر قويساق پا دەپ وتىرمىز»؛ دەيدى اۋدان اكىمى.

اياگوز دەسە بۇرىن ءوز الدىنا اۋدان ورتالىعى بولعان قاسيەتتى شۇبارتاۋ ءوڭىرىن اينالىپ وتە المايسىز. اۋدان مارتەبەسىنەن ايىرىلعان بۇرىنعى اۋدان ورتالىقتارىنىڭ كوپشىلىگىنىڭ جاعدايى مۇشكىل ەكەنى ەشكىمگە جاسىرىن ەمەس. شۇبارتاۋدا دا سول كەپ. شەشىلمەگەن ماسەلە كوپ.

شۇبارتاۋ

دەسەك تە تارباعاتايدا اكىم بولعاندا اقسۋات پەن اقجاردىڭ تىزگىنىن تەڭ ۇستاپ، بۇرىنعى اۋدان ورتالىعىن اجارلاندىرعان دىلدابەك ءتاجىبايۇلى شۇبارتاۋدىڭ دا شىرايىن كىرگىزەرىنە حالىق سەنەدى. «؛راس، شۇبارتاۋدا ءتۇيىنى تارقاماعان ماسەلەلەر از ەمەس. بۇرىنعى اۋدان ورتالىعى بارشاتاستا سۋ كەيدە ءۇش-تورت ساعاتقا دەيىن بەرىلمەي قالادى ەكەن. جالپى، اۋىز سۋ ماسەلەسى شۇبارتاۋ وڭىرىندە وتە وزەكتى بولىپ تۇر. جاقىندا بارشاتاستا اۋدان اكىمدىگىنىڭ كوشپەلى ءماجىلىسىن وتكىزدىك. كوشپەلى ءماجىلىستى شەتتەگى، شالعايداعى اۋىلداردا ادەيى وتكىزىپ جاتىرمىن. ماقسات &ndash؛ سول اۋىلداردى دامىتۋ. بارشاتاستا جيىن وتكىزگەندە اۋىل كوشەلەرىنىڭ 25 جىل بويى اسفالت كورمەگەنىن ەستىدىم. تۇرعىندار تاراپىنان كوپتەگەن ماسەلەلەر، ءتۇرلى ۇسىنىستار ايتىلدى. ءقازىر بارشاتاس ىشىندەگى جولداردى جاماتىپ جاتىرمىز، اۋىلعا ەنەرگيا ۇنەمدەگىش شامدار قويامىز. جوسپار كوپ»؛ دەيدى د.تاجىباەۆ.

شۇب

شۇب 1

شىعىس قازاقستان وبلىسى،

اياگوز اۋدانى

 ؛

باننەر
سوڭعى جاڭالىقتار

سەكتوردى ساقاداي ساي قىلدى

ايماقتار • بۇگىن، 11:31

سانى مەن ساپاسى ساي

ايماقتار • بۇگىن، 09:33

اجەنىڭ ارقاسى

قوعام • بۇگىن، 08:39

ۇلاعاتتى ءومىر يەسى

ايماقتار • بۇگىن، 08:37

بىرىنشى راۋندتا-اق سۇلاتىپ سالدى

كاسىپقوي بوكس • بۇگىن، 08:36

ساڭلاقتار اتوي سالادى

قازاقستان • بۇگىن، 08:33

ادىلىم-اي، ادەكەم-اۋ!..

رۋحانيات • بۇگىن، 08:12

ادىلدىكتىڭ ءادىلى ەدى...

رۋحانيات • بۇگىن، 08:10

سوڭىندا جاقسى ءىزى سايراپ جاتىر

رۋحانيات • بۇگىن، 08:08

باقۇل بول، باۋىرىم!

رۋحانيات • بۇگىن، 08:07

سۇيەگى اسىل ادام ەدى

رۋحانيات • بۇگىن، 08:05

ۇقساس جاڭالىقتار