ايماقتار • 11 قىركۇيەك، 2019

كاسىبى كوپ اۋىلدىڭ ءناسىبى مول

44 رەتكورسەتىلدى

بۇگىنگى تاڭدا بايزاق اۋدانىندا حالىقتى الەۋمەتتىك قولداۋ شارالارى كەڭەيىپ، بيزنەس قۇرىلىمدارىن مەملەكەتتىك قولداۋ تەتىكتەرى دامىپ كەلەدى. مەملەكەت باسشىسىنىڭ جولداۋىندا ايتىلعانداي، قازىرگى كەزدە حالىقتىڭ الەۋمەتتىك الەۋەتىن ارتتىرۋ باستى ماسەلە بولىپ وتىر.

تاراز قالاسىنىڭ ىرگەسىندەگى قىزىل جۇلدىز اۋىلىندا ورنالاسقان «رولا 7» جاۋاپكەرشىلىگى شەكتەۋلى سەرىكتەستىگى 11 جىلدان بەرى 27 ءتۇرلى ماكارون ونىمدەرىن شىعارادى. اتالعان كاسىپورىن بىلتىر 536 ميلليون تەڭگەنىڭ ءونىمىن ءوندىردى. بۇگىنگى تاڭدا كاسىپورىننىڭ وندىرگەن ونىمدەرى وبلىس كولەمىندە عانا ەمەس، رەسپۋبليكالىق دەڭگەيدە دە ۇلكەن سۇرانىسقا يە بولىپ وتىر. «رولا 7» كاسىپورنى وندىرىسكە قاجەتتى شيكىزاتتىڭ 85 پا­يىزىن سولتۇستىك قازاقستان وبلىسىنان الادى. سەرىكتەستىك 50-60 پايىز جۇكتەمەمەن عانا جۇمىس اتقارۋدا. اۋدانعا جۇمىس ساپارى بارىسىندا جامبىل وبلىسىنىڭ اكىمى اسقار مىرزاحمەتوۆ ونى 80 پايىزعا دەيىن كوتەرۋ ءۇشىن قارجىلاي قولداۋ شارالارىنىڭ قاجەت ەمەس ەكەنىن، تەك شيكىزاتپەن قامتۋ ماسەلەسىن شەشۋ كەرەكتىگىن ەسكەرتكەن. سەبەبى «رولا 7» كاسىپورنى شىعىنىنىڭ 20-30 پايىزى شيكىزات تاسىمالىنا جۇمسالادى. سونىمەن قاتار اۋداندا وڭدەۋشى كاسىپورىندى شيكىزاتپەن تۇراقتى قامتۋ، ەلەكتر ەنەرگياسى مەن گازعا جۇمسالعان شىعىنداردى سۋبسيديالاۋ ماسەلەلەرى دە وزەكتى. ال كاسىپورىن قۇرىلتايشىسى مارات قاسىمبەك ۇلىنىڭ ايتۋىنشا، شيكىزاتپەن قامتۋدى جۇيەلەۋ ارقىلى وندىرىستىك الەۋەتتى ەكى ەسەگە دەيىن ۇلعايتۋعا مۇمكىندىك بار.

بۇگىنگى تاڭدا كووپەراتيۆ قۇ­رۋدىڭ ماڭىزى جوعارى. سەبە­بى اۋىل احۋالىن جاقسارتىپ، تۇر­عىنداردىڭ تۇرمىسىن تۇزەۋگە تاپتىرماس جاعداي. بۇل رەتتە اۋىلدى جەرلەردەگى شارۋا قوجالىقتارىنىڭ ءرولى وراسان. ماسەلەن، بايزاق اۋدانىنىڭ تەمىربەك اۋىلدىق وكرۋگىندەگى «كوك جايلاۋ» شارۋا قوجالىعى ءوز جۇمىسىن ەكى جىل بۇرىن باستاعان. قوجالىق جە­تەكشىسى باقتيار باراتوۆتىڭ ايتۋىنشا، قازىر شارۋاشىلىقتى قارجىلاي قولداۋ شارالارى بويىنشا «قازاگروقارجى» اكتسيونەرلىك قوعامىنا ءوتىنىش بەرىلدى. سونىمەن قاتار كا­سىپكەر بۇل قاراجاتقا فرانتسيا مەملەكەتىنەن ىرىمشىك وڭدەيتىن قۇرىلعى الىناتىنىن ايتادى.

جالپى، بايزاق اۋدانى وڭىر­دەگى اگرارلى اۋداننىڭ ءبىرى. اۋداندا وتكەن جىلى ونەركاسىپ كا­سىپورىندارىمەن 3035،9 ميلليون تەڭگەنىڭ ءونىمى وندىرىلگەن. اۋىل شارۋاشىلىعىنداعى جالپى ءونىم كولەمى 30 ميلليارد 818 ميلليون تەڭگەنى، ال نەگىزگى كاپيتالعا سالىنعان ينۆەستيتسيالاردىڭ كو­لەمى 14 097،8 ميلليون تەڭگەنى قۇ­راعان. سونىمەن قاتار اۋدان­دا كووپەراتيۆ قۇرۋ، اۋىل شا­رۋاشىلىعىن دامىتۋ، سول ارقىلى حالىقتىڭ تۇرمىس ساپاسىن ارتتىرۋ ماڭىزدى. قازىرگى تاڭدا اۋدانداعى 50 اۋىل شارۋاشىلىعى كووپەراتيۆتەرىنە 807 مۇشە بىرىكتى. ءسۇت باعىتىنداعى كووپەراتيۆتەر 628،8 ميلليون تەڭگە نەسيە الىپ، 2352 باس ساۋىن سيىر، 3 ءسۇت تاسىمالدايتىن كولىك، 5 ءسۇت ساقتايتىن تانكەر جانە 1 قۇراما جەم دايىندايتىن قۇرىلعى العان. ال ەت باعىتىنداعى كووپەراتيۆ 211،7 ميلليون تەڭگە نەسيەگە 1021 باس بۇقاشىقتار الىپ بورداقىلاپ، ساتۋدا. ەكسپورتقا باعىتتالعان يندۋستريالاندىرۋ ماسەلەسى ەكونوميكالىق ساياساتتىڭ نەگىزگى ەلەمەنتى بولۋعا ءتيىس. وتكەن جىلى «سىباعا» باعدارلاماسى بو­يىنشا ءمۇيىزدى ءىرى قارانى يمپورتتاۋ جوسپارى 142،5 پايىزعا ورىندالدى. ەسەپتى كەزەڭدە ەكسپورتقا 157،4 توننا قوزى ەتى، 164،4 توننا ءمۇيىزدى ءىرى قارانىڭ ەتى وتكىزىلگەن. سونىمەن قاتار «اۋليە-اتا فەنيكس» جاۋاپكەرشىلىگى شەكتەۋلى سە­رىك­تەستىگىنەن 224 توننا قۇس ەتى ەكس­پورتقا شىعارىلدى.

بۇگىنگى تاڭدا بايزاق اۋدانىندا جاڭا بەتبۇرىس بار. اۋداندا ەكسپورت ماسەلەسى جولعا قويىلعان. ماسەلەن، «رولا 7» سەرىكتەستىگى رەسەي مەن قىرعىزستان مەملەكەتتەرىنە 443 توننا ۇن ونىمدەرىن، «رولا-يان» كاسىپورنى 20 توننا كەسپەنى قىتايعا ەكسپورتتاعان. سونىمەن قاتار بۇگىندە اۋداندا «اۋليە-اتا فەنيكس» كاسىپورنىنىڭ سويۋ تسەحىنىڭ قالدىقتارىن تەرەڭدەتىپ، ەتسۇيەك ۇنىن وڭدەيتىن قۇرىلعى ساتىپ الىپ ورناتۋ يننوۆاتسيالىق جوباسى جۇزەگە اسىرىلىپ، سىناقتان وتكىزۋ جۇمىستارى جۇرگىزىلۋدە. مۇندا 5 جاڭا جۇمىس ورنى اشىلىپ، جىلىنا 2500 توننا ەتسۇيەك ۇنى شىعارىلادى دەپ جوسپارلانۋدا. جوبانىڭ جالپى قۇنى 126،2 ميلليون تەڭگەنى قۇرايدى. بۇگىندە مەملەكەتتىڭ قولداۋى اۋىل­دى جەرلەردە تۇراتىن حالىقتىڭ تىرشىلىگىن تىكتەۋگە باعىتتالعان. بۇل رەتتە اۋىلداعى شارۋالار كاسىبىن دوڭگەلەتىپ، ءوڭىردىڭ الەۋمەتتىك، ەكونوميكالىق دامۋىنا ۇلەس قوسىپ كەلەدى.

 

جامبىل وبلىسى

سوڭعى جاڭالىقتار

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

ۇقساس جاڭالىقتار