«National Tourism Awards 2019» ۇلتتىق بايقاۋىنىڭ باستى ماقساتى – ىشكى جانە سىرتقى ءتۋريزمدى دامىتۋ جانە تانىمال ەتۋ. سونداي-اق تۋريستىك سالا بويىنشا ۇزدىكتەردى انىقتاپ, قوناقجايلىلىق يندۋسترياسىندا قىزمەت كورسەتۋ ساپاسىن ارتتىرۋ, دەيدى «Kazakh Tourism» اق باسقارما توراعاسىنىڭ ورىنباسارى تيمۋر دۇيسەنعاليەۆ.
«بۇل بايقاۋ بيزنەستى ءوز ينفراقۇرىلىمىن جاقسارتۋعا, باسەكەگە قابىلەتتى بولۋعا ىنتالاندىرۋدى كوزدەيدى. بايقاۋدىڭ 10 اتالىمىندا بيزنەستىڭ بارلىق سالالارى قامتىلعان. وندا جايعاستىرۋ ورىندارى, تۋريستىك وپەراتورلار, بلوگەرلەر جانە بيىل «ۇزدىك تۋريستىك جوبا» اتالىمىن قوستىق. بۇل قانداي دا ءبىر ەرەكشە قوناقۇي بولۋى مۇمكىن نەمەسە ەتنواۋىل نەمەسە ءىس-شارا. مينيسترلىك بۇل جوباعا قاراجات بولەدى», دەدى ت.دۇيسەنعاليەۆ.
ونىڭ ايتۋىنشا, مينيسترلىك (مادەنيەت جانە سپورت مينيسترلىگى – رەد.) وسىلايشا جاقسى جوباسى بار, بىراق قارجىلاندىرۋ جەتىسپەيتىن بيزنەسكە قول ۇشىن سوزعىسى كەلەدى. مۇنداي جۇلدەلەر تۋريزم سالاسىنداعى كوشباسشىلاردى انىقتاۋعا مۇمكىندىك بەرەدى.
بايقاۋعا قاتىسۋشىلار «جىلدىڭ ۇزدىك تۋريستىك كومپانياسى», «ۇزدىك گيد-ەكسكۋرسوۆود», «5* ساناتىنداعى ۇزدىك قوناقۇي», «4* ساناتىنداعى ۇزدىك قوناقۇي», «3* ساناتىنداعى ۇزدىك قوناقۇي», «ۇزدىك شيپاجاي», «بالالار مەن جاسوسپىرىمدەر ءتۋريزمى بويىنشا ۇزدىك جوبا», ء«تۋريزمدى ناسيحاتتاۋ بويىنشا ۇزدىك جوبا», «تۋريزم تۋرالى ۇزدىك بلوگ» جانە «وقيعالىق تۋريزم بويىنشا ۇزدىك جوبا» اتالىمدارى بويىنشا ۇمىتكەر اتانا الادى.
سونداي-اق ءتۋريزمدى دامىتۋ دەپارتامەنتىنىڭ ديرەكتورى گاۋھار جەڭىسبەك بيىل ۇيىمداستىرۋشىلار مەن سەرىكتەستەردىڭ ارنايى جۇلدەلەرى دە كوبەيگەنىن اتاپ ءوتتى. «قازاقستانداعى ءتۋريزمدى دامىتۋعا قوسقان ۇلەسى ءۇشىن», «ۇزدىك بيزنەس-جوبا» جانە «قولونەردى دامىتۋعا قوسقان ۇلەسى ءۇشىن» اتالىمدارىنىڭ جەڭىمپازدارى وزدەرىنىڭ ستارتاپتارىن دامىتۋعا گرانت جەڭىپ الا الادى.
«National Tourism Awards 2019» بايقاۋىنا وتىنىمدەر 1-31 قازان ارالىعىندا www.tourismawards سايتىندا قابىلدانادى. ىرىكتەۋ جانە ونلاين داۋىس بەرۋ ناتيجەسى بويىنشا ساراپشى قازىلار القاسى جەڭىمپازداردى انىقتايدى. ال جەڭىمپازداردى ماراپاتتاۋ ءراسىمى 7 جەلتوقساندا نۇر-سۇلتان قالاسىندا وتەدى.
