ەكونوميكا • 09 قىركۇيەك، 2019

شەتەلدەردە قازاقستاننىڭ ساۋدا وكىلدىكتەرى اشىلادى – باقىت سۇلتانوۆ

135 رەتكورسەتىلدى

ء«بىر تەرەزە» - «QazTrade» ەكسپورتتاۋشى مەن مەملەكەتتىك ورگاندار اراسىندا اگەنت ءرولىن اتقاراتىن بولادى. ء«بىر تەرەزە» اياسىندا ەكسپورتتاۋشىلاردى قولداۋدىڭ بارلىق شارالارىن شوعىرلاندىرۋ كوزدەلگەن. بۇل تۋرالى ۇكىمەت ءۇيىنىڭ ءباسپاسوز ورتالىعىندا وتكەن ءباسپاسوز كوفەرەنتسياسىندا ساۋدا جانە ينتەگراتسيا ءمينيسترى باقىت سۇلتانوۆ حابارلادى. 

ءمينيستردىڭ ايتۋىنشا، «QazTrade» بۇرىن ساۋدا ساياساتىن دامىتۋ ورتالىعى رەتىندە جۇمىس ىستەگەن، نەگىزىنەن ساراپتامالىق زەرتتەۋلەرمەن اينالىسقان. بۇگىندە ونىڭ بازاسىندا ەسپورتتاۋشىلارعا ارنالعان ء«بىر تەرەزە» ورتالىعىن قۇرۋ جوسپارلانعان، ادامدار سول جەرگە جۇگىنىپ، ساۋدا سالاسىندا تۋىنداعان پروبلەمالارىن شەشە الادى. تسيفرلاندىرۋعا باسا كوڭىل بولىنەدى. باعالارعا ەلەكتروندى مونيتورينگ جۇرگىزىلەتىن بولادى.

«قازاقستاننىڭ شەتەلدەردەگى ساۋدا وكىلدىكتەرى «سىرتقى كەڭسەلەر» سانالادى. اعىمداعى جىلدىڭ سوڭىنا دەيىن قازاقستان ساۋدا وكىلدىكتەر جەلىسىن كەڭەيتۋدى جوسپارلاپ وتىر. جاڭا وكىلدىكتەر قحر-دا، تۇركيادا، ءۇندىستاندا، يراندا، وزبەكستاندا، اۋعانستاندا، پولشا مەن چەحيادا اشىلاتىن بولادى»، دەدى ب. سۇلتانوۆ.

«QazTrade» سونىمەن قاتار ايماقتىق جانە شەكارا ماڭى ساۋداسىن دامىتۋعا تارتىلاتىن بولادى. الەۋمەتتىك كاسىپكەرلىك كورپوراتسيالار بازاسىندا وڭىرلىك ەكسپورتتىق ورتالىق اشۋ جوسپارلانىپ وتىر، ولاردىڭ قىزمەتىن «QazTrade» ۇيلەستىرەتىن بولادى. 

ب. سۇلتانوۆ سونىمەن قاتار شيكىزاتتىق ەمەس تاۋارلار مەن كورسەتىلەتىن قىزمەتتەردىڭ ەكسپورتىن ىلگەرىلەتۋ جونىندەگى جول كارتاسى بەكىتىلگەنىن ايتتى. بۇل قۇجاتتا تاۋاردىڭ شەتەل نارىقتارىنا شىعارۋ كەزىندە تۋىندايتىن كەدەرگىلەردى تومەندەتۋگە، ەكسپورتتالعان وڭدەلگەن تاۋارلار جەلىسىن كەڭەيتۋگە، سونداي-اق ەكسپورتتاۋشىلاردى قولداۋدىڭ قارجى جانە قارجى ەمەس شارالارىن كۇشەيتۋگە ەرەكشە نازار اۋدارىلعان.

«جول كارتاسىنىڭ اياسىندا ماشينا جاساۋ سالاسىندا شاعىن جانە ورتا بيزنەسكە ەڭ تومەنگى مولشەرلەمەمەن نەسيە بەرۋ، وڭدەۋشى ونەركاسىپتىڭ ءىرى كاسىپورىندارىنا نەسيە مولشەرلەمەسىن سۋبسيديالاۋدى ۇسىنۋ، ءۇشىنشى ەلدەردە قويمالاردى ۇيىمداستىرۋ جانە باسىمدىقتى جانە جوعارى مۇددەلى ەلدەرمەن بىرگە قۇرىلىس قىزمەتتەرىنىڭ ستاندارتتارى مەن تەحنيكالىق تالاپتارىن ءوزارا تانۋ جوسپارلانعان»، — دەدى قر ساۋدا جانە ينتەگراتسيا ءمينيسترى.

سوڭعى جاڭالىقتار

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

شىمبۇلاق شاڭعى ماۋسىمىن اشتى

قىسقى سپورت • كەشە

اتباسار

رۋحانيات • كەشە

ۇقساس جاڭالىقتار