ساپارباي پارمانقۇل,
«Egemen Qazaqstan»
بۇگىنگى كۇنى جايقالعان باۋدىڭ ءون بويىنان تانيتىنىڭىز كەرىم كۇزدىڭ وڭىرگە وزىندىك كەلبەت الا كەلگەنى بولدى. الدىمەن وزگەرىستى ۋىلجي پىسكەن دولانالى جاعالاۋ سەكىلدى وزگەشە اسپەت بەرەتىنى قىجىم بوياۋلى تالداردان اڭعارار ەدىڭىز.
سودان الىستاعى اۋىل ەسىڭىزگە تۇسەدى. بيىك تاۋدىڭ كوزگە وتتاي باسىلاتىن اڭعارلى ەتەگى كوزدىڭ جاۋىن العانداي. مىنا جيەكتەگى كورىكتى اعاشتاردىڭ ءبارى دەرلىك دولانا اعاشى.
ادەتتە دولانا تاۋلى ايماقتاردا ءجيى كەزدەسەدى. تابيعاتتا مىڭنان استام ءتۇرى بولعانىمەن, ونىڭ 200-گە جۋىعى عانا كەڭ تاراعان, دولانا اعاشىنىڭ بيىكتىگى 2-8 مەتر بولىپ كەلەدى. جاپىراقتارىنىڭ ۇزىندىعى 6 سانتيمەتردەي بولىپ سۋدىرلاپ, جايقالىپ تۇر.
دولانانىڭ بارلىق سۇرىپتارى كوكتەمدە قالىڭ گۇل شاشادى. گۇلدەرى قىزىل, اق, قىزعىلت بولىپ كەلەدى. جول بويىنا ەگىلگەن جاس كوشەتتەرى جەتى جىلدان كەيىن عانا جەمىس بەردى. دولانا اعاشىنىڭ الماتى قالاسى سياقتى تەز لاستاناتىن شاھارلارعا ەگۋ وتە ءتيىمدى. كەزىندە بيولوگ ماماندار وتە ءتيىمدى كەڭەس بەرگەن بولدى. بۇل وسىمدىكتىڭ شاڭ مەن گازعا توزىمدىلىگىن جانە اۋا تازارتاتىن قاسيەتىن جاقسى باعالاعانىن اڭعارتىپ وتىر. ويتكەنى ساياباقتىڭ شەتكى قاتارلارى تۇگەلىمەن وسى دولانالى جاعالاۋ بولىپ كەلەدى. كەزىندە اتالارىمىزدىڭ «دولانا ەگىڭدەر» دەپ قاداپ ايتقانى دا سودان ەكەن عوي.
الماتى
