قازاقستان رەسپۋبليكاسى ءدىن ىستەرى اگەنتتىگىنىڭ بۇيرىعى №112
سارسەنبى, 16 قاڭتار 2013 6:19
2012 جىلعى 30 قازان, استانا قالاسى
ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋ جونىندەگى نۇسقاۋلىقتى بەكىتۋ تۋرالى
قازاقستان رەسپۋبليكاسى ۇكىمەتىنىڭ 2012 جىلعى 7 اقپانداعى № 209 قاۋلىسىمەن بەكىتىلگەن ءدىنتانۋ ساراپتاماسىن جۇرگىزۋ قاعيدالارىنىڭ 6-تارماعىنىڭ 1) تارماقشاسىنا سايكەس بۇيىرامىن:
1. وسى بۇيرىققا قوسا بەرىلىپ وتىرعان قوسىمشاعا سايكەس ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋ جونىندەگى نۇسقاۋلىق بەكىتىلسىن.
سارسەنبى, 16 قاڭتار 2013 6:19
2012 جىلعى 30 قازان, استانا قالاسى
ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋ جونىندەگى نۇسقاۋلىقتى بەكىتۋ تۋرالى
قازاقستان رەسپۋبليكاسى ۇكىمەتىنىڭ 2012 جىلعى 7 اقپانداعى № 209 قاۋلىسىمەن بەكىتىلگەن ءدىنتانۋ ساراپتاماسىن جۇرگىزۋ قاعيدالارىنىڭ 6-تارماعىنىڭ 1) تارماقشاسىنا سايكەس بۇيىرامىن:
1. وسى بۇيرىققا قوسا بەرىلىپ وتىرعان قوسىمشاعا سايكەس ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋ جونىندەگى نۇسقاۋلىق بەكىتىلسىن.
2. كونفەسسياارالىق قاتىناستار دەپارتامەنتى (كۋلەكەەۆ ب.ك.) قۇقىقتىق قامتاماسىز ەتۋ باسقارماسىمەن (جۋانىشپاەۆا ءا.ت.) بىرلەسە وتىرىپ:
1) ادىلەت ورگاندارىندا مەملەكەتتىك تىركەۋدى;
2) مەملەكەتتىك تىركەۋدەن كەيىن رەسمي جاريالاۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ توراعا ورىنباسارىنا ء(ازىلحانوۆ م.ا.) جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن ون كۇنتىزبەلىك كۇن وتكەننەن كەيىن قولدانىسقا ەنگىزىلەدى.
توراعا ق. لاما شاريف.
قازاقستان رەسپۋبليكاسى ءدىن ىستەرى اگەنتتىگى توراعاسىنىڭ 2012 جىلعى 30 قازانداعى №112 بۇيرىعىمەن بەكىتىلگەن
ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋ جونىندەگى نۇسقاۋلىق
ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋدىڭ وسى نۇسقاۋلىعى (بۇدان ءارى – نۇسقاۋلىق) ءدىنتانۋ ساراپتاماسىن جۇرگىزۋ ءۇشىن ساراپشىلاردى ىرىكتەۋ تارتىپتەرىن ايقىندايدى (بۇدان ءارى – ساراپشىلار).
ىرىكتەۋگە:
ءدىني قاتىناستار ماسەلەلەرى سالاسىنداعى جوعارعى نەمەسە جوعارعى وقۋ ورنىنان كەيىنگى ءبىلىمى بار;
ءدىني قاتىناستار ماسەلەلەرى سالاسىندا جۇمىس تاجىريبەسى ء(بىر جىلدان كەم ەمەس) بار;
نىسانداردى زەرتتەۋدىڭ الدىڭعى قاتارلى ادىستەمەلەرىن جۇمىستا قولدانۋدا جانە حالىقارالىق تاجىريبەنى ەسكەرۋدە تاجىريبەلىك داعدىسى بار, تالداۋ جاساي بىلەتىن جانە نەگىزدەلگەن قورىتىندىلار جازا الاتىن;
ءدىني قىزمەت سالاسىنداعى قازاقستان رەسپۋبليكاسىنىڭ زاڭناماسىن بىلەتىن تۇلعالار جىبەرىلەدى.
قازاقستان رەسپۋبليكاسى ءدىن ىستەرى اگەنتتىگىنىڭ اۋماقتىق ورگانى (بۇدان ءارى – اۋماقتىق ورگان) الداعى وتەتىن ءدىنتانۋ ساراپتاماسىن جۇرگىزۋ ءۇشىن ساراپشىلاردى ىرىكتەۋ جونىندەگى حابارلاندىرۋدىڭ ءماتىنىن جەرگىلىكتى رەسمي باسىلىمعا جولدايدى.
ساراپشىلاردى ىرىكتەۋگە قاتىسۋ ءۇشىن ۇمىتكەر اۋماقتىق ورگاندارعا كەلەسى قۇجاتتاردى ۇسىنادى:
جەكە باسىن كۋالاندىراتىن قۇجات نەمەسە تولقۇجاتتىڭ كوشىرمەسى (تەكسەرۋ ءۇشىن تۇپنۇسقا ۇسىنىلماعان جاعدايدا نوتاريالدى كۋالاندىرىلعان);
ءبىلىمى تۋرالى قۇجاتتىڭ قوسىمشاسىمەن بىرگە كوشىرمەسى (تەكسەرۋ ءۇشىن تۇپنۇسقا ۇسىنىلماعان جاعدايدا نوتاريالدى كۋالاندىرىلعان);
ءوزى اۆتورى بولىپ تابىلاتىن دىنتانۋلىق تاقىرىپتار بويىنشا ماقالالار, عىلىمي ەڭبەكتەر جانە باسقا ماتەريالداردىڭ كوشىرمەلەرى (بار بولعان جاعدايدا);
ەڭبەك قىزمەتىن راستايتىن قۇجاتتاردىڭ كوشىرمەلەرى (نوتاريالدى كۋالاندىرىلعان).
وسى نۇسقاۋلىقتىڭ 4-تارماعىندا كورسەتىلگەن بارلىق قۇجاتتاردى ۇسىنعان جاعدايدا ىرىكتەۋگە قاتىسۋ ءۇشىن قۇجاتتاردى قابىلداۋ جانە تىركەۋ اۋماقتىق ورگان تاراپىنان جۇزەگە اسىرىلادى.
قۇجاتتاردى تىركەۋ كەزىندە اۋماقتىق ورگان تاراپىنان قۇجاتتاردىڭ قابىلدانعاندىعى جونىندە قولحات بەرىلەدى.
ىرىكتەۋ ءۇش كەزەڭمەن جۇزەگە اسىرىلادى:
ءبىرىنشى كەزەڭ – اۋماقتىق ورگاننىڭ ۇسىنىلعان قۇجاتتاردىڭ وسى نۇسقاۋلىقتىڭ 2 تارماعىنىڭ 1)-3) تارماقشالارىندا كورسەتىلگەن تالاپتارعا سايكەستىگىن قاراستىرۋى;
ەكىنشى كەزەڭ – اۋماقتىق ورگاننىڭ قازاقستان رەسپۋبليكاسى ءدىن ىستەرى اگەنتتىگىنىڭ (بۇدان ءارى – اگەنتتىك) قۇراستىرعان سۇراقتار بويىنشا تەستىلەۋدى وتكىزۋى;
ءۇشىنشى كەزەڭ – اگەنتتىك تاراپىنان قۇرىلاتىن ءدىنتانۋ ساراپتاماسىن جۇرگىزەتىن ساراپشىلاردى ىرىكتەۋ جونىندەگى كوميسسيانىڭ (بۇدان ءارى – كوميسسيا) ىرىكتەۋدىڭ ءبىرىنشى جانە ەكىنشى كەزەڭىنىڭ ناتيجەلەرىن قاراستىرۋى.
قۇجاتتاردىڭ وسى نۇسقاۋلىقتىڭ 2 تارماعىنىڭ 1)-3) تارماقشالارىندا كورسەتىلگەن تالاپتارعا سايكەستىگىن قاراستىرۋ جانە ەكىنشى كەزەڭگە قاتىسۋعا جىبەرۋ تۋرالى شەشىم قۇجاتتاردىڭ قابىلدانعان كۇنىنەن باستاپ 10 (ون) جۇمىس كۇنى ىشىندە جۇزەگە اسىرىلادى.
ساراپشىلاردى ىرىكتەۋگە قاتىسۋعا رۇقسات بەرىلگەن تۇلعالارعا شەشىم قابىلدانعان كۇننەن باستاپ 3 ء(ۇش) جۇمىس كۇنى ىشىندە ەكىنشى كەزەڭگە وتكەندىگى نە وتپەگەندىگى جونىندە جازباشا حابارلاما جولدانادى.
ساراپشىلاردى ىرىكتەۋدىڭ ەكىنشى كەزەڭىنە قاتىسۋعا رۇقسات بەرۋدەن باس تارتۋعا تومەندەگىلەر نەگىز بولىپ تابىلادى:
1) ءبىلىمى تۋرالى قۇجاتتىڭ وسى نۇسقاۋلىقتىڭ 2-تارماعىنىڭ 1) تارماقشاسىندا كورسەتىلگەن تالاپتارعا سايكەس بولماۋى;
2) ءدىني قاتىناستار ماسەلەلەرىنە قاتىستى سالالاردا زەرتتەۋشىلىك نەمەسە ساراپشىلىق جۇمىس تاجىريبەسىنىڭ بولماۋى.
ىرىكتەۋدىڭ ءبىرىنشى كەزەڭىنەن وتكەن تۇلعالار, ءدىني قىزمەت سالاسىنداعى قازاقستان رەسپۋبليكاسىنىڭ زاڭناماسى بويىنشا تەستىلەۋدەن وتەدى.
تەستىلەۋ مەرزىمى حابارلاما جىبەرىلگەننەن كەيىن 30 (وتىز) كۇنتىزبەلىك كۇننەن سوڭ بەلگىلەنەدى.
ءدىني قىزمەت سالاسىنداعى قازاقستان رەسپۋبليكاسىنىڭ زاڭناماسى بويىنشا تەستىلەۋ جازباشا تۇردە ءبىر ساعات كولەمىندە وتكىزىلەدى جانە 30 سۇراقتان تۇرادى. تەست بويىنشا شەكتى ءمان – 20 جاۋاپتان كەم ەمەس جاۋاپتى قۇرايدى. تەستىلەۋ ناتيجەسى تەستىلەۋ وتكىزىلگەن كۇنى شىعارىلادى.
تەستىلەۋ ناتيجەلەرىمەن كەلىسپەگەن جاعدايدا ۇمىتكەر كوميسسياعا شاعىم بەرە الادى.
تەستىلەۋدىڭ شەكتى ءمانىنىڭ دۇرىس جاۋاپ سانىن جيناي العان تۇلعالار تەستىلەۋدەن ءوتتى دەپ ەسەپتەلەدى, ال شەكتى ماننەن تومەن العان تۇلعالار ىرىكتەۋدىڭ ەكىنشى كەزەڭىنەن وتپەگەن بولىپ سانالادى.
تەستىلەۋگە قاتىسۋعا جىبەرۋ جانە تەستىلەۋدەن وتكىزۋ تۋرالى شەشىم حاتتامامەن راسىمدەلەدى.
ىرىكتەۋدىڭ ءبىرىنشى جانە ەكىنشى كەزەڭىنىڭ ناتيجەسى بويىنشا ساراپشىلىققا ۇمىتكەر بولعان ءاربىر تۇلعاعا ەرىكتى فورمادا قورىتىندى دايىندالادى.
ىرىكتەۋدىڭ ءبىرىنشى جانە ەكىنشى كەزەڭىنەن وتكەن ساراپشىلىققا ۇمىتكەرلەردىڭ قۇجاتتارى, حاتتامالار, قورىتىندىلار تەستىلەۋدىڭ ناتيجەلەرىن شىعارعاننان كەيىن كەلەسى جۇمىس كۇنى كوميسسيانىڭ قاراۋىنا اگەنتتىككە جولدانادى.
كوميسسيا 10 (ون) جۇمىس كۇنى ىشىندە ىرىكتەۋدىڭ ءبىرىنشى جانە ەكىنشى كەزەڭدەرى بويىنشا ماتەريالداردى زەرتتەپ, ساراپشىلاردى ىرىكتەۋ جونىندە سوڭعى شەشىمدى شىعارادى, ءاربىر ساراپشىلىققا ۇمىتكەر بويىنشا جەكە ۇسىنىستار دايىندايدى جانە ونى اۋماقتىڭ ورگانعا جولدايدى.
ىرىكتەۋ كەزىندە تۋىندايتىن داۋلى ماسەلەلەر سوت تارتىبىندە قارالادى.
ىرىكتەۋدەن وتكەن ساراپشى كەڭەسشى-تالداۋ ورگاندارىنىڭ (ساراپتامالىق كەڭەس, ساراپتامالىق توپتار) قۇرامىنا ەنگىزىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 24 قاراشاداعى نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8116 بولىپ ەنگىزىلدى.
