مەموراندۋمعا قورعانىس ءمينيسترى نۇرلان ەرمەكباەۆ, اقتوبە وبلىسىنىڭ اكىمى وڭداسىن ورازالين جانە «جاس سارباز» ۇيىمىنىڭ توراعاسى اعا لەيتەنانت مەيىربەك مەڭدىعاليەۆ قول قويدى.
سالتاناتتى شارا سوڭىندا قورعانىس ۆەدومستۆا باسشىسى اكىمگە ءتوس بەلگى مەن اقتوبە وبلىسىبويىنشا «جاس سارباز» رەسپۋبليكالىق قوعامدىق بىرلەستىگى فيليالى وڭىرلىك ۇيلەستىرۋ كەڭەسىنىڭ قۇرمەءتتى توراعاسى كۋالىگىن تابىس ەتتى.
مەموراندۋم قازاقستانداعى جاستار قوزعالىسىنىڭ دامۋىنداعى كەزەكتى قادام رەتىندە جاستاردىڭ باستامالارىن قولداۋعا, ءپاتريوتيزمدى ارتتىرۋداعى ءوزارا ىنتىماقتاستىققا, سونداي-اق اسكەري-پاتريوتتىق ءىس-شارالاردى جوسپارلاۋ مەن وتكىزۋگە كەڭەستىك جانە ادىستەمەلىك كومەك كورسەتۋگە ىقپال ەتەدى.
قورعانىس ۆەدومستۆاسى مەن جەرگىلىكتى اتقارۋ ورگاندارىنىڭ اراسىنداعى ىنتىماقتاستىقجاستارعا اسكەري-پاتريوتتىق تاربيە بەرۋ اياسىنداۇيىمدىق-ادىستەمەلىك, اقپاراتتىق جانە مادەني ءوزارا ءىس-قيمىلدا جاڭا دەڭگەيگە كوتەرەدى.
مەماراندۋم شەڭبەرىندە ءبىرشاما تاپسىرمالار انىقتالعان. بىرلەسكەن فورۋم, اكتسيالار, اسكەري-پاتريوتتىق جيىندار مەن سەمينارلار ۇيىمداستىرۋ, باعدارلامالار مەن جوبالاردى جۇزەگە اسىرۋ جوسپارلانۋدا.
قازىرگى تاڭدا ىنتىماقتاستىق تۋرالى مەموراندۋم نۇر-سۇلتان, الماتى, شىمكەنت, سونداي-اق قىزىلوردا, قاراعاندى, جامبىل, باتىس قازاقستان وبلىستارىنىڭ اكىمدەرىمەن قول قويىلعان. «جاس ساربازدىڭ» وڭىرلىك فيليالدارى قازاقستاننىڭ بارلىق وبلىستارىندا قىزمەت اتقارۋدا.
