قازاقستان • 06 قىركۇيەك، 2019

ەرلان سايروۆ: ساياسي جۇيەنى ليبەراليزاتسيالاۋعا العىشارتتار دايىن (ۆيدەو)

57 رەتكورسەتىلدى

بۇل تۋرالى ساياساتكەر ەرلان سايروۆ ۇلتتىق قوعامدىق سەنىم كەڭەسىنىڭ وتىرىسىنان كەيىن جۋرناليستەرگە بەرگەن سۇحباتىندا ايتىپ بەردى.

«ەڭ نەگىزگى ماسەلە – پرەزيدەنت ءبىزدىڭ ەلىمىزدەگى ەكونوميكالىق دامۋدى جالعاستىرۋ ءۇشىن «ەلىمىزدەگى ساياسي-الەۋمەتتىك دامۋسىز ەكونوميكالىق ورلەۋ مۇمكىن ەمەس» دەگەن تەزيسىن قايتا قايتالادى. كەڭەس مۇشەلەرى ەلىمىزدەگى ساياسي رەفورمالار جونىندەگى وزدەرىنىڭ ۇستانىمدارىمەن، ايتقان ويلارىمەن كەلىستى. ەلىمىزدەگى ساياسي جۇيەنى ليبەراليزاتسيا جاساۋ، بەلگىلى ءبىر قوعامدىق ەۆوليۋتسيا جۇرگىزۋگە العىشارت بار دەگەن ويدامىن. سونىمەن بىرگە، ەلىمىزدەگى ساياسي ترانسفورماتسياعا، الەۋمەتتىك ماسەلەلەردى شەشۋگە تالپىنىس بار. ناقتى ۇسىنىستارىمىزدى پرەزيدەنت اكىمشىلىگىنە بەرەتىن بولامىز»، - دەدى ەرلان سايروۆ. 

ەرلان سايروۆ بۇل شارالار بۇرىنعى جۇيەگە سىن ەمەس، ارى قاراي ەۆوليۋتسيالىق دامۋدىڭ جولى دەپ اتاپ ءوتتى. 

«ەۆوليۋتسيا – مەملەكەت دامۋىنىڭ ەڭ نەگىزگى كۇرەتامىرى. ءبىزدىڭ الدىمىزدا ەلىمىزدىڭ قوعامدىق-ساياسي، ەكونوميكالىق پروتسەستەرىن ەۆوليۋتسيالىق ۇلگىدە ساپالى دەڭگەيگە وتكىزۋ مىندەتى تۇر. ەڭ نەگىزگىسى – ەندىگى ماسەلەلەر قوعام مۇشەلەرىمەن، حالىقپەن بىرلەسىپ، اقىلداسىپ شەشىلەدى دەگەن ناقتى ءبىر ۇسىنىس ايتىلدى. ءبىزدىڭ توپ ەلىمىزدەگى نەگىزگى بەس زاڭعا وزگەرىس ەنگىزۋ جونىندە ۇسىنىس بەردى. وسى ۇسىنىستاردى ناقتىلاۋ ءۇشىن پرەزيدەنت جۇمىس ىستەۋگە تاپسىرما بەردى»، - دەدى ساراپشى.

ەسكە سالا كەتسەك، بۇگىن ەلوردادا قازاقستان پرەزيدەنتى قاسىم-جومارت توقاەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ العاشقى وتىرىسى ءوتتى.

سوڭعى جاڭالىقتار

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار