ەرلەردەن 60 كەلىگە دەيىنگى سالماقتا سىنعا تۇسكەن دارحان ءاسادىلوۆ جارىستى جەڭىسپەن باستادى. الەمدىك رەيتينگ كوشباسشىسى ءبىرىنشى اينالىمدا يسپانيالىق سپورتشى ورتيز فەرناندەستى, كەيىن ستەفان ۆيكتوردى جەڭدى.
جارتىلاي فينالدىق جولدامانى ساراپقا سالاردا دارحان برازيليالىق قارسىلاسى رافاەل ناسيمەنتودان ايلاسىن اسىردى. تارتىستى باسەكە 10:0 ەسەبىمەن قازاقستاندىق سپورتشىنىڭ ەنشىسىنە شەشىلدى.
ال جارتىلاي فينالدا الەم رەيتينگىندە 11-ءشى ورىندا تۇرعان يران سپورتشىسى, ءوزىنىڭ بۇرىنعى قارسىلاسى حاسان مادجيدپەن كەزدەسىپ, كەزدەسۋدى 6:0 ەسەبىمەن اياقتادى. پرەمەر-ليگانىڭ فينالىندا دارحان ءاسادىلوۆ الەم رەيتينگىندە 2-ورىندا تۇرعان الەم چەمپيونى يتاليالىق اندجەلو كرەچەنزومەن كەزدەسەدى.
سونداي-اق, جاستار اراسىنداعى الەم چەمپيونى ەركىنبەك بايتورەەۆ ءبىرنشى اينالىمدا وتە تاجىريبەلى سپورتشىمەن كەزدەستى. ازيا ويىندارىنىڭ جۇلدەگەرى, باو سپورتشىسى ابداللا ءالحاربيدى جەڭسە, ەكىنشى اينالىمدا رۋمىنيايالىقتى وڭاي ۇتتى. ودان كەيىنگى قارسىلاسى رەسەيلىك ەۆگەني ءپلاحۋتيندى 2:0 ەسەبىمەن جەڭدى. الايدا, ەركىنبەك جارتىلاي فينالدا تۇركيالىق سامادانا ەرايعا جو بەرىپ, جارىستى توقتاتتى.
فينالدىق كەزدەسۋلەر 8 قىركۇيەككە جوسپارلانعان.
