2014 جىلعى رەسەي مەن ۋكراينا اراسىنداعى شيەلەنىسكەن گەوساياسي احۋالدان كەيىن رەسەي ۋكراينانىڭ تاۋارلارىن ءوز اۋماعى ارقىلى ورتالىق ازياعا تاسىمالداۋعا تىيىم سالعانى بەلگىلى. ناتيجەسىندە قازاقستان مەن ۋكراينا اراسىندا ساۋدا اينالىمى 2014 جىلعى 4,6 ملرد دوللاردان 4,5 ەسە قىسقارىپ, 2018 جىلى 1 ملرد دوللاردى عانا قۇراعان. ماسەلەگە الاڭداۋشىلىق بىلدىرگەن ۋكراينانىڭ قازاقستانداعى ەلشىسى يۆان كۋلەبا بيزنەستى قازاقستان مەن ۋكراينا اراسىنداعى ەكونوميكالىق ىنتىماقتاستىق پروتسەسىنە تارتۋ قاجەتتىگىن اتاپ ءوتتى. «بۇل ارەكەتتەر ەكى ەل اراسىنداعى ەكونوميكالىق ىنتىماقتاستىق پروتسەسىن كۇشەيتەدى. ۋكراينالىق بيزنەس قازاقستان ۇكىمەتىنىڭ رەفورمالارىن تولىق قولدايدى. بۇگىنگى تاڭدا قازاقستاندا ينۆەستيتسيا تارتۋ ءۇشىن ەڭ قولايلى جاعدايلار جاسالدى. ەلدە قولجەتىمدى جەڭىلدىكتەر پاكەتى ۋكراينالىق بيزنەس ءۇشىن, ونىڭ ىشىندە قازاقستاندىق سەرىكتەستەرمەن بىرلەسكەن كاسىپورىندار قۇرۋ ءۇشىن تارتىمدى. ۋكراينالىق كومپانيالار وسى باعىتتاعى قازاقستاندىق بيزنەستىڭ سەرىكتەسى بولا الادى», دەگەن ەلشى ەكى ەلدىڭ ەكونوميكالىق ىنتىماقتاستىعىنا بيزنەسمەندەردى كوپتەپ تارتىپ, اراداعى الىس-بەرىستى قايتا جانداندىرۋعا مۇددەلى ەكەنىن ءبىلدىردى. سونىمەن قاتار ي.كۋلەبا ءوزارا تاۋار تاسىمالداۋداعى قيىندىقتى اينالىپ ءوتۋدىڭ ءبىر جولى بىرلەسكەن كاسىپورىندار اشىپ, ءوندىرىستى بىرگە قولعا الۋ ەكەنىن جەتكىزدى.
«Kazakh invest» ۇك» اق باسقارما توراعاسىنىڭ ورىنباسارى عالىم وزبەكوۆ شارا بارىسىندا ينۆەستيتسيالىق, ساۋدا-ەكونوميكالىق سالالارداعى ءوزارا ءتيىمدى ىنتىماقتاستىقتى ودان ءارى تەرەڭدەتۋگە جانە دامىتۋعا ۇلكەن كوڭىل بولىنگەنىن مالىمدەدى. «قازاقستان ءۇشىن ۋكراينا – ماڭىزدى ستراتەگيالىق سەرىكتەستەردىڭ ءبىرى. ءبىز ينۆەستيتسيا سالاسىنداعى ىنتىماقتاستىق الەۋەتىن ودان ءارى ارتتىرۋعا ۇمتىلامىز. ول ءۇشىن بارلىق قاجەتتى تەتىك بار. بۇگىنگى تاڭدا قازاقستاننىڭ ينۆەستيتسيالىق الەۋەتى جوعارى دەڭگەيدە, ورتالىق ازياداعى تىكەلەي ينۆەستيتسيا تارتۋ بويىنشا كوشباسشى», دەدى ع.وزبەكوۆ.
ايتا كەتەيىك, ۋكراينادان قازاقستانعا تىكەلەي شەتەلدىك ينۆەستيتسيا اعىنى 2005 جىلعى 0,8 ملن دوللاردان 2018 جىلى 53,4 ملن دوللارعا دەيىن ءوستى. ال 2019 جىلدىڭ ءبىرىنشى توقسانىنا بۇل كورسەتكىش 14,2 ملن دوللاردى قۇرادى. جالپى, 2005-2019 جىلدار ارالىعىندا ۋكراينالىق كاسىپكەرلەر قازاقستان ەكونوميكاسىنا 156,6 ملن دوللار تىكەلەي ينۆەستيتسيا قۇيعان. ال قازاقستان كاسىپكەرلەرىنىڭ ۋكرايناعا سالعان قاراجاتى ءتورت جىلدا 490,5 ملن دوللاردى قۇراپ وتىر. بۇگىنگى تاڭدا قازاقستاندا ۋكراينانىڭ قاتىسۋىمەن 1559 كومپانيا تىركەلگەن ولاردىڭ 898-ءى بەلسەندى جۇمىس ىستەپ تۇر.
سونىمەن قاتار فورۋم بارىسىندا قازاقستان مەن ۋكراينا اراسىنداعى ساۋدانى ۇلعايتۋ, ۋكراينادان قازاقستانعا جانە باسقا دا ازيا ەلدەرىنە جانە قاراما-قارسى باعىتتا تاۋار جەتكىزۋ ءۇشىن كولىك-لوگيستيكالىق ينفراقۇرىلىمدى وڭتايلاندىرۋ, پروگرەسسيۆتى تەحنولوگيالاردى, IT-جوبالاردى, يننوۆاتسيا جانە ينۆەستيتسيا تارتۋ, قازاقستان مەن ۋكراينانىڭ بيزنەس وكىلدەرى ءۇشىن ءوزارا ءتيىمدى كەلىسىمدەر جاساسۋ, سونىمەن قاتار پروبلەمالىق ماسەلەلەر ءسوز بولدى.
