ورال ترانسفورماتور زاۋىتىنىڭ باسقارۋشى ديرەكتورى اقجول ساۋرانباەۆ حابارلاعانداي, زاۋىتتا ءۇش اۋىسىمدا 300-دەن استام ادام جۇمىس ىستەيدى. بيىل 9 مىڭ ترانسفورماتور شىعارۋ جوسپارلانعان, بۇل ءوندىرىس ءوسىمىنىڭ 35%-ىن قۇرايدى. كەلەسى جىلى جوبالىق قۋاتتىلىعىنا شىعىپ, ءوندىرىس كولەمىن جىلىنا 12 مىڭ ترانسفورماتورعا دەيىن ارتتىرۋ كوزدەلگەن.
«ەكسپورت كولەمى 95%-دى قۇرايدى. تمد ەلدەرىنە: رەسەي فەدەراتسياسىنا, گرۋزياعا, ازەربايجانعا جانە ارمەنياعا ەكسپورتتايمىز», دەدى ا. ساۋرانباەۆ.
كەلەسى جىلى پانەلدى رادياتورلاردىڭ جاڭا ءوندىرىسىن ىسكە قوسۋ جوسپارلانعان. جوسپارلانىپ وتىرعان وندىرىستىك قۋاتتىلىعى – جىلىنا 3000 توننا رادياتور. ونىمدەردىڭ 30%-ى ىشكى نارىققا جىبەرىلەدى, ال 70%-ى – ەكسپورتتالادى. كاسىپورىندا قوسىمشا 100-دەن اسا جاڭا جۇمىس ورنى قۇرىلادى.
«الداعى 2 جىلدا جاڭا ءونىم تۇرلەرىن شىعارۋ ارقىلى ءوندىرىستى كەڭەيتۋدى جوسپارلاپ وتىرمىز. بۇل – ترانسفورماتور قۇراۋعا قاجەتتى بولشەكتەر مەن ماتەريالدار, پانەلدى رادياتورلار, يزولياتسيالىق قاعازدار جانە ت.ب.», دەدى كاسىپورىن ديرەكتورى.
ونىڭ ايتۋىنشا, جوبانىڭ ەرەكشەلىگى مىنادا — بۇل ءونىم تۇرلەرى 70% ەكسپورتقا باعدارلانعان جانە ەاەو ەلدەرىنىڭ اۋماعىندا شىعارىلمايدى. شىعارىلاتىن ءونىمنىڭ نەگىزگى تۇتىنۋشىلارى رەسەي مەن بەلارۋستىڭ ترانسفورماتور زاۋىتتارى بولماق.
سونىمەن قاتار كاسىپورىندا قوسارلى وقىتۋ جۇيەسى بويىنشا كادرلاردى وقىتۋ جانە دايارلاۋ قاراستىرىلعان. بۇعان قوسا, زاۋىتتا الەۋمەتتىك قولداۋ باعدارلامالارى بار. ماسەلەن, زاۋىتتىڭ جاس ماماندارىنا 500 مىڭ تەڭگەدەن بولىنەدى, بالاسى تۋعان جاعدايدا ءار بالا ءۇشىن 250 مىڭ تەڭگە كولەمىندە ءبىر رەتتىك جاردەماقى بەرىلەدى. 40-قا جۋىق كوپ بالالى وتباسىعا, سونداي-اق, جاس ماماندارعا زاۋىت تاراپىنان تەگىن تۇرعىن-جاي بەرۋ مۇمكىندىگى قاراستىرىلعان. كاسىپورىنداعى ورتاشا جالاقى مولشەرى 165 مىڭ تەڭگەنى قۇرايدى.
