«ەلباسى بيىلعى جىلدى جاستار جىلى دەپ جاريالادى. ءبىز جاستاردىڭ ءبىلىم الۋىنا جاعداي جاساۋ ءۇشىن جۇمىس ىستەيمىز. قر پرەزيدەنتى ءبىلىم بەرۋ ساپاسىن ارتتىرۋعا ەرەكشە كوڭىل بولەدى. تەك ەڭبەك پەن ءبىلىمنىڭ ارقاسىندا عانا تابىسقا جەتۋگە بولادى. ءاربىر اتا-انا بالاسىنىڭ اياققا تۇرىپ, ءبىلىم العانىن قالايدى. سىزدەردىڭ وقۋ نيەتىڭىزگە كومەك رەتىندە ءبىز گرانتتار بولدىك. ماماندىق الىڭىز, جۇمىس ىستەڭىز. ەڭبەكتەنىپ قانا تابىسقا جەتۋگە بولادى, پاتەرناليستىك كوڭىل-كۇي بولماۋ كەرەك. سىزدەرگە وقۋدا تابىس تىلەيمىن», دەدى ا. كولگىنوۆ.
اكىم گرانتىنىڭ يەگەرى تاستەمىر امانتاەۆ باعدارلاماشى ماماندىعىن تاڭدادى. «بۇگىن مەنىڭ ارمانىم ورىندالدى. مەن كومپيۋتەرلەردى, باعدارلامالىق جۇيەلەردى بۇرىننان ۇيرەنەمىن. It-سالادا دامىعىم كەلەدى. بۇل گرانت ماعان ءبىلىم الۋعا ۇلكەن مۇمكىندىك», دەدى ت. امانتاەۆ.
گرانتتار ەڭ قاجەتتى ماماندىقتار – تەحنيكالىق, پەداگوگيكالىق , مەديتسينالىق جانە تۋريزم بويىنشا بولىنگەن. «جانۇيا» وتباسى ينستيتۋتىنىڭ قولداۋ ورتالىعىندا گرانت يەگەرلەرى مەن اتا-انالارمەن كەزدەسۋ ءوتتى. ورتالىق قالا تۇرعىندارىنا ء«بىر تەرەزە» قاعيداسى بويىنشا 70-تەن استام مەملەكەتتىك قىزمەت كورسەتەدى.
