بۇل – اكىمدىكتىڭ قالا تۇرعىندارىمەن جۇمىسىن ايقىن كورسەتەتىن, ەلوردانىڭ بەلسەندى تۇرعىندارىن, باقىلاناتىن قۇرىلىمداردى, جەكەمەنشىك كومپانيالاردى قالانىڭ تىرشىلىگىن قامتاماسىز ەتۋ ماسەلەلەرىن شەشۋدە بىرىكتىرەتىن ورتاق الاڭ.
اكسەلەراتوردىڭ نازارىندا استانانىڭ ءاربىر تۇرعىنىن مازالايتىن 3 ماڭىزدى ماسەلە تۇر. بۇل – قوعامدىق كولىك, پيك قىزمەتى جانە ەلوردانى سانيتارلىق تازالاۋ.
باعىتتاردىڭ ارقايسىسى بويىنشا قالانىڭ اعىمداعى جاعدايىن جاقسارتۋعا ىقپال ەتەتىن بىرەگەي شەشىمدەردى ازىرلەۋ جانە ەنگىزۋ, سونداي-اق العا قويعان ماقساتتارعا 100 كۇندە قول جەتكىزۋ كۇتىلەدى.
قالا اكىم ورىنباسارى ماليكا بەكتۇروۆا ايتىپ وتكەندەي, بۇل باستامانىڭ نەگىزگى مىندەتى – قالالىق قاۋىمداستىقتىڭ يدەيالارى مەن ۇسىنىستارىن, تۇيتكىلدى ماسەلەلەرىن بىرلەسىپ شەشۋ.
ء«بىز قالالىق اكسەلەراتورلاردىڭ حالىقارالىق تاجىريبەسىن قولدانامىز, وعان ايقىن مىسالدىڭ ءبىرى – دۋباي قالاسى. بىزدە سىناق رەجيمىندە اكىمدىكتىڭ وكىلدەرى, بەلسەندى قالا تۇرعىندارى جانە قوعامدىق ۇيىمداردان قۇرىلعان شتاب جۇمىس ىستەيدى, ول اكسەلەراتوردىڭ بۇكىل جۇمىسىن جۇيەلەندىرەدى جانە بايلانىستىرادى», - دەدى ماليكا بەكتۇروۆا.
اكسەلەراتوردىڭ جۇمىس ناتيجەلەرى ارنايى www.nursultansmartaccelerator.com سايتىندا جانە Smart Astana موبيلدىك قولدانباسىندا جاريالاناتىن بولادى.
