وسى وقىس وقيعاعا بايلانىستى باق وكىلدەرىمەن وتكىزگەن بريفينگتە وبلىستىق ۆەتەريناريا باسقارماسى باسشىسىنىڭ مىندەتىن اتقارۋشى بەرىك ءالجانوۆ اۋىلدىڭ بار مالى اتى جامان كەسەلگە شالدىقتى دەگەن قاۋەسەتتى جوققا شىعاردى. باستاپقىدا «نودۋليارلىق دەرماتيت» دەگەن دياگنوز قويىلعانىمەن, راستالماعان. «جۇرت شۋلاپ جۇرگەندەي دەرماتيت ەمەس, تەرى قابىنۋى دەرتىن جۇقتىرۋى ىقتيمال. قازىر ءار اۋلانىڭ مالىنا ۆاكتسينا ەگىلۋدە», دەدى ول.
اۋرۋدىڭ پايدا بولۋىنا اۋىلدىق وكرۋگتىڭ دارىگەرىن كىنالاۋشىلار دا جوق ەمەس. ولاردىڭ پايىمىنشا, كوكتەمگە سالىم قاجەتتى ەكپە شارالارى جۇرگىزىلمەگەن كورىنەدى. زاڭ بۇزۋشىلىق انىقتالعان جاعدايدا ول اكىمشىلىك جاۋاپكەرشىلىككە تارتىلىپ, 125 ايلىق ەسەپتىك كورسەتكىش كولەمىندە ايىپپۇل تولەۋى مۇمكىن.
مۇنداي بەلگىسىز ىندەت وڭىرىمىزدە بۇرىن-سوڭدى تىركەلمەگەن. كەسەلدىڭ ناقتى ەمى تابىلعانشا ەت پەن ءسۇتتى تۇتىنۋعا جانە ساتۋعا تىيىم سالىنعان.
ب.ءالجانوۆ قوبالجۋعا ەش نەگىز جوعىن, جاعداي باقىلاۋدا تۇرعانىن, دەرت ۋشىعاتىن بولسا, جەدەل تۇردە بيولوگيالىق ساراپتاما الىنىپ, لابوراتوريالىق زەرتتەۋگە جىبەرىلەتىنىن جەتكىزدى.
اۋىل تۇرعىندارى مالدار انتيباكتەريالىق پرەپاراتتارمەن ەمدەلگەندىكتەن, قازىر لابوراتوريالىق زەرتتەۋلەردىڭ مۇمكىندىگى جوقتىعىنا الاڭداۋلى. جۇمباق اۋرۋ تارالىپ كەتپەسە, دەنساۋلىعىمىزعا زيانىن تيگىزبەسە ەكەن دەيدى.
سولتۇستىك قازاقستان وبلىسى
