فۋتبول • 30 تامىز، 2019

باق وكىلدەرى اراسىندا پرەزيدەنت جۇلدەسى ءۇشىن فۋتبولدان تۋرنير ءوتىپ جاتىر

77 رەتكورسەتىلدى

بۇگىن ەلورداداعى «استانا ارەنا» ستاديونىندا كونستيتۋتسيا كۇنىنە وراي باق وكىلدەرى اراسىندا ەل پرەزيدەنتىنىڭ جۇلدەسى ءۇشىن تۇڭعىش رەت شاعىن فۋتبولدان رەسپۋبليكالىق ءتۋرنيردىڭ اشىلۋى ءوتتى.

ءىس-شارانىڭ اشىلۋىنا مادەنيەت جانە سپورت ءمينيسترى اقتوتى رايىمقۇلوۆا، نۇر-سۇلتان قالاسىنىڭ اكىمى التاي كولگىنوۆ، پرەزيدەنتتىڭ ءباسپاسوز حاتشىسى بەرىك ءۋالي، «ەگەمەن قازاقستان» اق باسقارما توراعاسى دارحان قىدىرالى قاتىستى.
اشىلۋ سالتاناتىندا ءسوز سويلەگەن مينيستر اتا زاڭ كۇنىمەن قۇتتىقتادى.

«مادەنيەت جانە سپورت مينيسترلىگى اتىنان بارلىعىڭىزدى بۇگىنگى ءتۋرنيردىڭ اشىلۋىمەن قۇتتىقتايمىن. ءبىز قاشاندا بۇقارالىق سپورتتى دامىتۋ جولىندا قىزمەت ەتىپ كەلەمىز. سوعان دالەل - بۇگىنگى تۋرنير. ونىڭ جۇلدە قورى – 3 500 000 تەڭگە. باق ارقاشان بيلىك پەن حالىق اراسىندا كوپىر ىسپەتتى. وسى جولدا جاساپ جاتقان ەڭبەكتەرىڭىز اقتالسىن. سىزدەرگە
ساتتىلىك تىلەيمىن!» دەدى اقتوتى راحمەتوللاقىزى.
ايتا كەتەيىك، ءتۋرنيردىڭ جۇلدە قورى – 3 500 000 تگ. 1-ورىن – 1 500 000، 2-ورىن – 700 000، 3-ورىن – 300 000 تەڭگەگە يە بولادى. سونىمەن قاتار ۇزدىك ويىنشىلار 100 000 تەڭگە كولەمىندە اقشالاي سىيلىقپەن ماراپاتتالادى. تۋرنيرگە 32 كوماندا قاتىسىپ جاتىر.
ءتۋرنيردىڭ ماقساتى – باق قىزمەتكەرلەرى اراسىندا سالاماتتى ءومىر سالتىن
ناسيحاتتاۋ، ارىپتەستىك جانە دوستىق قارىم-قاتىناستى نىعايتۋ.
جارىستى ۇيىمداستىرۋشى: پرەزيدەنتتىڭ ءباسپاسوز قىزمەتى جانە مادەنيەت جانە سپورت مينيسترلىگى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار