الەم • 30 تامىز، 2019

قازاقستان بۇۇ-عا يادرولىق قارۋعا تىيىم سالۋ تۋرالى قۇجاتىن تاپسىردى

77 رەتكورسەتىلدى

قازاقستان يادرولىق قارۋعا تىيىم سالۋ تۋرالى شارتتى راتيفيكاتسيالاعانى جونىندە رەسمي قۇجاتىن بىرىككەن ۇلتتار ۇيىمىنىڭ حاتشىلىعىنا تاپسىردى. قۇجاتتى تاپسىرۋ ءراسىمى بۇۇ قوعامداستىعىندا ونىنشى رەت اتالىپ وتىرعان يادرولىق سىناقتارعا قارسى ءىس-قيمىلداردىڭ حالىقارالىق كۇنىنە ورايلاستىرىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى. 

ءىس-شاراعا بۇۇ جانە 103 ەلدىڭ 500-دەن استام ۇكىمەتتىك ەمەس ۇيىمىنىڭ كواليتسياسىن قۇراعان «ICAN» يادرولىق قارۋعا قارسى حالىقارالىق قوزعالىسىنىڭ وكىلدەرى قاتىستى. ولار قازاقستانعا يادرولىق قارۋسىزدانۋ ىسىندەگى بەرىكتىگى مەن كوشباسشىلىعى ءۇشىن العىستارىن ءبىلدىردى.

قۇجاتتى دەپوزيتاريگە تاپسىرا وتىرىپ، قازاقستان رەسپۋبليكاسىنىڭ بۇۇ جانىنداعى تۇراقتى وكىلى قايرات وماروۆ بۇل وقيعا قازاقستاننىڭ يادرولىق قارۋدان ازات الەم قۇرۋداعى جاھاندىق كۇش-جىگەرلەرگە قوسقان تاعى ءبىر ماڭىزدى پراكتيكالىق ۇلەسى ەكەنىن اتاپ ءوتتى.

وسىدان 70 جىل بۇرىن كەڭەستىك اتوم بومباسى العاش رەت سىناقتان وتكىزىلگەن ەل بۇگىندە راتيفيكاتسيالاۋ قۇجاتىن تاپسىرۋ ارقىلى 26-شى مەملەكەت بولىپ يادرولىق قارۋعا زاڭدى تۇردە تىيىم سالاتىن العاشقى تاريحي شارتتىڭ كۇشىنە ەنۋ پەرسپەكتيۆاسىن جاقىنداتا ءتۇستى.

شارتتىڭ ءماتىنىن ازىرلەۋگە جانە ونىڭ قابىلدانۋىنا قازاقستان بەلسەندى تۇردە قاتىسىپ كەلگەنى بەلگىلى. قۇجاتتىڭ نەگىزگى ەرەجەلەرى الەمدەگى ءتورتىنشى ەڭ ءىرى يادرولىق ارسەنال يەسىنەن يادرولىق قارۋسىزدانۋ مەن تاراتپاۋ سالاسىنداعى كوشباسشى مەملەكەتكە اينالۋدىڭ ونەگەلى جولىن كورسەتكەن قازاقستاننىڭ قاعيداتتى  ۇستانىمىنا جاۋاپ بەرەدى.

قازاقستاننىڭ يادرولىق قارۋعا قارسى جۇرگىزىپ جاتقان كۇش-جىگەرلەرى ەلدىڭ تۇڭعىش پرەزيدەنتى نۇرسۇلتان نازارباەۆتىڭ 2045 جىلعا قاراي بۇۇ-نىڭ 100 جىلدىق مەرەيتويىنا دەيىن يادرولىق قارۋدان ازات الەمگە قول جەتكىزۋ جونىندەگى باستاماسىن باسشىلىققا الۋدا. يادرولىق قارۋعا تىيىم سالۋ تۋرالى شارتتىڭ قابىلدانۋى بۇل قارۋ ءتۇرىن جويۋ ءۇشىن كۇرەس جولىنداعى تاريحي ماڭىزدى كەزەڭ بولماق.

شارتتىڭ كۇشىنە ەنۋى ءۇشىن 50 مەملەكەتتىڭ راتيفيكاتسياسى قاجەت. وسى ورايدا قازاقستاندىق وكىلدىك باسشىسى: «ەگەر بوليۆيا قاجەتتى راتيفيكاتسيالار سانىنىڭ ءبىرىنشى جارتىسىنا 6 تامىز كۇنى - حيروسيمانى بومبالاۋ كۇنى جەتكىزسە، قازاقستان ەكىنشى جارتىسىنىڭ تۇساۋىن حالىقارالىق يادرولىق سىناقتارعا قارسى كۇنىنە ورايلاستىرىپ اشىپ وتىر. وسىلايشا، ەلىمىز بۇكىل ادامزاتتىڭ قاۋىپسىز بولاشاعىن ويلاۋشىلاردى وسىنداي ارەكەتتەرگە بارۋعا شابىتتاندىرا تۇسپەك» دەپ مالىمدەدى.

ءراسىم بارىسىندا قاتىسۋشىلار بارلىق يادرولىق سىناقتاردىڭ قۇرباندارىن ءبىر مينۋت ۇنسىزدىكپەن ەسكە الدى.

ء«بىزدىڭ ارەكەتىمىز، سونىمەن قاتار، يادرولىق قارۋدى قولدانۋ سالدارىنان زارداپ شەككەندەردىڭ بارلىعىنا دەگەن قۇرمەتىمىز. ورتاق مىندەتىمىز - وسىنداي قايعىلى جاعدايلاردىڭ قايتالانۋىن بولدىرماۋ» دەپ اتاپ ءوتتى ق.وماروۆ.

ايتا كەتەيىك، يادرولىق قارۋعا تىيىم سالۋ تۋرالى شارت 2017 جىلعى 7 شىلدەدە  بۇۇ-نىڭ 122 مۇشە-مەملەكەتىنىڭ قولداۋىمەن قابىلداندى. بۇل قۇجات 2017 جىلدىڭ ناۋرىز جانە ماۋسىم-شىلدە ارالىعىندا نيۋ-يورك قالاسىندا وتكەن يادرولىق قارۋدىڭ تۇبەگەيلى جويىلۋىنا اكەلەتىن يادرولىق قارۋعا تىيىم سالۋ تۋرالى زاڭدىق مىندەتتەۋشى كۇشى بار قۇجات ازىرلەۋ بويىنشا بۇۇ كونفەرەنتسياسىنىڭ ەكى سەسسياسىنىڭ قورىتىندىسى بولدى.

كونفەرەنتسيا بۇۇ-عا بارلىق مەملەكەتتەر قاتىسۋى ءۇشىن اشىق تۇردە وتكىزىلدى. الايدا، دە-يۋرە جانە دە-فاكتو يادرولىق قارۋى بار توعىز مەملەكەت جانە ولاردىڭ وداقتاستارى اتالعان كەلىسسوزدەرگە قاتىسۋدان ادەيى باس تارتتى.

يادرولىق قارۋعا تىيىم سالۋ تۋرالى شارتقا قول قويۋ ءۇشىن نيۋ-يورك قالاسىندا 2017 جىلعى 20 قىركۇيەكتە بۇۇ باس اسسامبلەياسىنىڭ 72-سەسسياسى اياسىندا اشىلدى جانە 50-ءشى راتيفيكاتسيالاۋ گراموتاسى ساقتاۋعا تاپسىرىلعاننان باستاپ 90 كۇننەن كەيىن كۇشىنە ەنەدى.

بۇگىنگى تاڭدا 70 مەملەكەت شارتقا قول قويىپ، ونىڭ 26-سى وسى قۇجاتتى راتيفيكاتسيالاعان. 

قازاقستان بۇل قۇجاتقا 57-ءشى مەملەكەت رەتىندە 2018 جىلعى 2 ناۋرىزدا قول قويدى، ال  2019 جىلعى 29 تامىزدا ونى راتيفيكاتسيالاعانى جونىندە رەسمي قۇجاتىن 26-شى مەملەكەت بولىپ تاپسىردى.

 

 

 

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار