ەلىمىزدەگى ەڭ ماڭىزدى مەملەكەتتىك مەرەكەلەردىڭ ءبىرى – قازاقستان رەسپۋبليكاسىنىڭ كونستيتۋتسياسى كۇنى. بيىل ادام ءومىرىنىڭ قۇقىقتارىن قورعايتىن اتا زاڭىمىزدىڭ 24 جىلدىعى. مەرەكەلىك ءىس-شاراعا قوستاناي وبلىسى پد باستىعىنىڭ ورىنباسارى, پوليتسيا پولكوۆنيگى ارداق ىنتىقباەۆ پەن پارلامەنت سەناتىنىڭ دەپۋتاتى ۆلاديمير ۆولكوۆ قاتىستى.
جينالعان قاۋىمدى العاش بولىپ پوليتسيا پولكوۆنيگى ارداق قابىكەن ۇلى قۇتتىقتادى:
- قۇرمەتتى ارداگەرلەر, ارىپتەستەر, قوناقتار! سىزدەردى قازاقستان رەسپۋبليكاسىنىڭ كونستيتۋتسياسى كۇنىمەن شىن جۇرەكتەن قۇتتىقتايمىن! از عانا ۋاقىت ىشىندە ءبىز بوساعاسى بەرىك جانە قارىشتاپ دامۋشى مەملەكەت قۇردىق. قازاقستان ەكونوميكادا, الەۋمەتتىك جانە مادەني دامۋدا بيىك شىڭداردى باعىندىرا ءبىلدى. وسى جىلدار اراسىندا ەلىمىز الەمدىك ارەنادا لايىقتى باعاسىن الدى. بۇگىنگى قازاقستاننىڭ الەمدەگى جوعارعى بەدەلى – بۇل ءبىزدىڭ تىكەلەي ىشكى جەتىستىكتەرىمىزدىڭ, بەيبىتسۇيگىش ساياساتىمىزدىڭ جانە ءىرى حالىقارالىق جوبالارداعى باستاماشىلىعىمىزدىڭ ناتيجەسى, - دەدى ا.قابىكەن ۇلى.
تەاترعا جينالعان ءتارتىپ ساقشىلار جازۋشى راحىمجان وتارباەۆتىڭ اڭگىمەسىنىڭ جەلىسىنە نەگىزدەلگەن «جەمقورلىق – دەرت» قويىلىمىن تاماشالادى. سپەكتاكلدىڭ رەجيسسەرى – دوس قۇباش. قويىلىم مەملەكەتتىك ورگاندارداعى جەمقورلىقتىڭ سالدارىن باياندايدى. كۇندەلىكتى ومىردە, قىزمەتتە سىبايلاس جەمقورلىقتان تەرىس اينالۋدى پوليتسيا قىزمەتى اراسىندا ناسيحاتتاپ, ادال قىزمەتكە شاقىردى. سپەكتاكلدەن ەرەكشە اسەر العان كورەرمەن ارتىستەرگە شەكسىز العس ءبىلدىردى.
بۇدان سوڭ مەرەكە قارساڭىندا ىشكى ىستەر ورگاندارىنىڭ ارداگەرلەرى مەن بىرقاتار قىزمەتكەر ماراپاتتالدى.
ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن:
تەرگەۋ باسقارماسى باستىعىنىڭ ورىنباسارى, مەنشىككە قارسى قىلمىستاردى تەرگەۋ ءبولىمىنىڭ باستىعى, پوليتسيا پودپولكوۆنيگى مادياروۆ اسىلبەك نۇرقوجا ۇلىنا مەرزىمىنەن بۇرىن ارنايى «پوليتسيا پولكوۆنيگى» اتاعى بەرىلدى. سونىمەن قاتار, جانگەلدين اۋدانى پوليتسيا ءبولىمىنىڭ باستىعى, پوليتسيا پودپولكوۆنيگى تالعات ءسابيت ۇلىنا اتقاراتىن شتاتتىق لاۋازىمى بويىنشا كوزدەلگەننەن ءبىر ساتى جوعارى باسشى قۇرامنىڭ ارناۋلى «پوليتسيا پولكوۆنيگى» اتاعى بەرىلدى.
سونداي-اق «قۇقىق قىزمەتىن قامتاماسىز ەتۋدە ۇزدىك شىققانى ءۇشىن» مەدالىن قوستاناي وبلىسى پد شتاب باسقارماسى باستىعىنىڭ ورىنباسارى, پوليتسيا پولكوۆنيگى سەرىك بوگدان ۇلى داۋلەتوۆ پەن كريمينالدىق پوليتسيا باسقارماسىنىڭ اعا جەدەل ۋاكىلى, پوليتسيا مايورى سۇلتانوۆ نارات جانكەلدى ۇلى كەۋدەسىنە تاقتى.
ءىى دارەجەلى «ىشكى ىستەر ورگاندارىنىڭ ۇزدىگى» ءتوس بەلگىسىن جەدەل-كريميناليستيكالىق باسقارماسىنىڭ كريميناليستيكالىق زەرتتەۋلەر جانە ەسەپكە الۋ توبىنىڭ باس كريميناليسى, پوليتسيا پودپولكوۆنيگى الەكسەي ۆلاديميروۆيچ تەمنىي جانە جەدەل ارەكەت ەتۋ ارنايى جاساعىنىڭ ساپتىق بولىمشەسىنىڭ اعا ينسپەكتورى, پوليتسيا مايورى توقتامىسوۆ داۋرەن مۇرات ۇلى يەلەندى.
قازاقستان رەسپۋبليكاسى ءىىم قۇرمەت گراموتاسىمەن قوستاناي قالاسى پوليتسيا باسقارماسى پاترۋلدىك پوليتسيا باتالونىنىڭ اعا سەرجانتى, پوليتسەي-كاۆالەريسى ىسقاقوۆ نۇرلان ءوندرىس ۇلى ماراپاتتالدى.
قازاقستان رەسپۋبليكاسى ءىىم گراموتاسىمەن ۇزىنكول اۋدانى پوليتسيا ءبولىمىنىڭ ۋچاسكەلىك پوليتسيا ينسپەكتورلارى توبىنىڭ ۋچاسكەلىك پوليتسيا ينسپەكتورى, پوليتسيا كاپيتانى دەنيس ۆيكتوروۆيچ نەسين ماراپاتتالدى.
ءىىم العىس حاتىمەن ناۋىرزىم اۋدانى پوليتسيا ءبولىمىنىڭ باستىعى, پوليتسيا پودپولكوۆنيگى بايمۋرزينا ورال تۇمۇرزا ۇلى جانە قۇقىق بۇزۋشىلىقتاردى انىقتاۋ جانە ءوز قاۋىپسىزدىگىن جەدەل باسقارۋ, جەدەل دەن قويۋ توبىنىڭ جەدەل ۋاكىلى, پوليتسيا كاپيتانى قاليەۆ باتىرحان باتىرحان ۇلى ماراپاتتالدى.
