اۋەزوۆ اۋدانىنداعى حالىققا قىزمەت كورسەتۋ ورتالىعىندا باستالعان زاڭگەرلەر كەڭەسىندە قالالىق ادۆوكاتتار القاسى, نوتاريۋستار, جەكە سوت ورىنداۋشىلارى, زاڭگەرلەر پالاتاسى, «ازاماتتارعا ارنالعان ۇكىمەت» مەملەكەتتىك كورپوراتسياسى» ماماندارى جىلجىمايتىن م ۇلىكتى راسىمدەۋ, جەر الۋ ماسەلەسى, اليمەنت تولەۋگە قاتىستى سۇراقتار, سونداي-اق سەنىمحاتتار مەن وسيەتناما راسىمدەۋ بويىنشا قىرىققا جۋىق ءوتىنىشتى قاراستىرىپ, ءارى قارايعى شەشۋ جولدارى بويىنشا كاسىبي كەڭەستەر بەردى. ءتۇسىندىرۋ شارالارى سونداي-اق بوستاندىق اۋدانىندا دا جالعاسىن تاۋىپ, تۇرعىنداردان 80-نەن استام ءوتىنىش كەلىپ ءتۇستى. سوت ورىنداۋشىلارى, ادۆوكاتتار, نوتاريۋستار الەۋمەتتىك مازمۇنداعى سۇراقتاردىڭ بارلىعىن دەرلىك قامتىپ, ءاربىر ءوتىنىشتىڭ وڭ شەشىمىن تابۋى الداعى ۋاقىتتا دا قاداعالاناتىن بولادى.
الماتى قالاسىنىڭ ادىلەت باسقارماسى قۇقىقتىق ءتۇسىندىرۋ جانە حالىققا زاڭگەرلىك قىزمەت كورسەتۋ باسقارماسىنىڭ باس مامانى ءادىلجان تالعات ۇلىنىڭ ايتۋىنشا, قالانىڭ ادىلەت ورگانى وسى باعىتتاعى شارالاردى تۇراقتى جۇزەگە اسىرىپ كەلەدى. مۇنداي شارالار قالانىڭ حالىققا قىزمەت كورسەتۋ ورتالىقتارىندا, سونداي-اق Nur Otan پارتياسى الماتى قالالىق فيليالىمەن بىرلەسىپ وتكىزىپ جاتقان ءموبيلدى كەڭسەلەردە جالعاسىن تابۋدا.
«نەگىزگى زاڭ اپتالىعى» اياسىندا ادىلەت ورگاندارى تاراپىنان ازاماتتارعا قۇقىقتىق كەڭەستەرمەن قاتار ارنايى كىتاپشالار دا ۇلەستىرىلدى.
الماتى
