اتا زاڭىمىزدىڭ العاشقى بابىندا ايقىن جازىلعانداي, مەملەكەتتىڭ ەڭ قىمبات قازىناسى – ادام جانە ونىڭ ءومىرى, قۇقىقتارى مەن بوستاندىقتارى. تەگىنە, ناسىلىنە, ۇلتىنا, ءتىلى مەن دىنىنە بايلانىستى ەشكىمدى كەمسىتۋگە بولمايدى. ويتكەنى كونستيتۋتسيا بويىنشا ادامنىڭ قادىر-قاسيەتىنە قول سۇعىلمايدى.
اسىل ءدىنىمىز – يسلامدا ادامنىڭ قادىر-قاسيەتى, ار-وجدانى, نانىم-سەنىمى جوعارى مارتەبەگە يە. اللا ەلشىسى: «ۋا, حالايىق! ... مىنا قالا (مەككە) قانداي قاسيەتتى بولسا, جاندارىڭ, مالدارىڭ, نامىستارىڭ دا سونداي قاسيەتتى, ءارتۇرلى زورلىق-زومبىلىقتان قورعالعان...», دەپ وسيەت قالدىرعان. قۇران كارىمدە «باقارا» سۇرەسىنىڭ 256-اياتىندا: «دىندە زورلىق جوق...» دەپ باياندالعان.
ادامزات بالاسى قاۋىمداسىپ ءومىر سۇرۋگە بەيىم جاراتىلعان. قوعامدىق ءتارتىپ ورناعان قاۋىم قاشاندا وركەنيەت كوشىنەن قالماعان. داڭقتى باتىر بابامىز باۋىرجان مومىش ۇلىنىڭ: ء«تارتىپسىز ەل بولمايدى, تارتىپكە باعىنعان قۇل بولمايدى», دەگەن ۇلاعاتتى ءسوزى كوپ جايتتى ۇعىندىرسا كەرەك...
اللا تاعالا جۇرتىمىزعا تىنىشتىق, ەلىمىزگە اماندىق بەرسىن! اتا زاڭىمىزدى ارداقتاعان بەيبىت سۇيەر حالقىمىزدىڭ بەرەكەسى تاسىپ, ىرىسى مولايسىن. ىنتىماققا ۇيىسقان ۇلتىمىزعا تاتۋلىق ماڭگىلىك تۇراقتاسىن دەپ تىلەيمىز. ءامين!
سەرىكباي قاجى وراز,
قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي
