قۇرمەتتى وتانداستار!
سىزدەردى مارتەبەلى مەملەكەتتىك مەرەكەمىز – قازاقستان رەسپۋبليكاسى كونستيتۋتسياسىنىڭ كۇنىمەن قۇتتىقتايمىز!
كونستيتۋتسيا ەلىمىزدىڭ قۇقىقتىق جۇيەسىنىڭ وزەگى, ۇدەمەلى دامۋىمىزدىڭ بەرىك ىرگەتاسىنا اينالدى. ول مەملەكەتتىلىكتى نىعايتۋدا وراسان زور ءرول اتقارىپ, دەموكراتيالىق نەگىزدەردىڭ مىزعىماستىعىن, ادام قۇقىقتارى مەن بوستاندىقتارىنىڭ مىندەتتەرىن ورنىقتىردى.
كونستيتۋتسيانىڭ ارقاسىندا قازاقستاندىقتار مادەني جانە رۋحاني قۇندىلىقتاردى ساقتاۋ مەن قايتا وركەندەتۋدىڭ جاڭا مۇمكىندىكتەرىن الدى. ال ونىڭ ء«بىز, ورتاق تاريحي تاعدىر بىرىكتىرگەن قازاقستان حالقى» دەگەن كىرىسپەسى اۋەل باستان-اق, قاي ەتنوسقا جاتاتىنا قاراماستان, رەسپۋبليكانىڭ بارلىق ازاماتتارىنىڭ كەلىسىمى مەن بىرلىگىنىڭ ىرگەتاسىن قالادى.
قىمباتتى وتانداستار!
ءبىزدىڭ مىندەتىمىز – اتا زاڭدا بەكىتىلگەن جالپىۇلتتىق قۇندىلىقتاردى قۇرمەتتەۋ جانە ساقتاۋ, سولاردىڭ نەگىزىندە ورنىقتى, قۇقىقتىق, الەۋمەتتىك مەملەكەت قۇرۋ.
ءبىز بارلىق قازاقستاندىقتىڭ جاسامپاز ەڭبەگى كونستيتۋتسيانىڭ الەۋەتىن بۇرىنعىدان دا تولىعىراق ىسكە اسىرۋعا مۇمكىندىك بەرەتىنىنە, ازاماتتاردىڭ لايىقتى ءومىرى مەن ەركىن دامۋىن قامتاماسىز ەتەتىن جاعدايلار جاسايتىنىنا سەنىمدىمىز.
وسى ايتۋلى مەرەكە كۇنى سىزدەرگە بەيبىت كۇن مەن جاقسىلىق, باقىت جانە باقۋاتتىلىق, بارلىق باستامالارىڭىزعا تابىس تىلەيمىز!
