ەلباسى ن.نازارباەۆتىڭ تىكەلەي باسشىلىعىمەن ازىرلەنىپ, ەڭ وزىق قۇقىقتىق نەگىزدەردى قامتىعان اتا زاڭىمىزدىڭ مەملەكەتىمىزدى قالىپتاستىرۋداعى, ەل الدىنداعى مىندەتتەردى ەڭسەرۋدەگى ورنى ايرىقشا. سوندىقتان دا ءاربىر قازاقستاندىق ازامات ەل كونستيتۋتسياسىن حالىقتى ورتاق مۇددەگە جۇمىلدىرۋشى باستى قۇجات رەتىندە تانيدى.
قازىر قولدانىستاعى, ياعني 1995 جىلدىڭ 30 تامىزىندا جالپىحالىقتىق رەفەرەندۋم نەگىزىندە قابىلدانعان اتا زاڭىمىزدىڭ ۋاقىت تالابىنا لايىقتى جاۋاپ بەرىپ, حالىق قالاۋىمەن ۇندەستىك تابۋىن ونىڭ باستى ەرەكشەلىگى دەپ قاراستىرۋعا بولادى.
كونستيتۋتسيامىز كۇشىنە ەنگەلى بەرگى ارالىقتا وعان ۋاقىت سۇرانىسىنا, زامان تالابىنا ساي بىرقاتار وزگەرىس پەن تولىقتىرۋ ەنگىزىلدى. بۇل شەشىمدەر ۋاقىت وتكەن سايىن ءوزىنىڭ دۇرىستىعىن, مەملەكەتتىلىكتى قالىپتاستىرۋدا, سونداي-اق ساياسي-ەكونوميكالىق, قۇقىقتىق جانە يدەولوگيالىق تۇرعىدا تيىمدىلىگىن كورسەتتى. مəسەلەن, 2017 جىلعى وزگەرىستەردە قوعامدى دەموكراتيالاندىرۋ ءىسىن, حالىق بيلىگىن نىعايتا تۇسۋگە, پارلامەنتتىڭ ءرولىن, ۇكىمەتتىڭ پرەزيدەنتتىك باسقارۋ نىسانى الدىنداعى جاۋاپكەرشىلىگىن ارتتىرۋعا باسىمدىق بەرىلدى...
قورىتا ايتقاندا, ەلدىگىمىزدىڭ تۇعىرى, تەمىرقازىعى – اتا زاڭىمىز – وتانىمىزدىڭ الدىندا تۇرعان باستى ماقسات-مىندەتتەردى جۇزەگە اسىرۋدىڭ كەپىلى ءارى العىشارتى.
