«نۇرلى ەرتىس» باعدارلاماسى شەڭبەرىندە ەكىباستۇزدا بەس قاباتتى بىرنەشە تۇرعىن ءۇي سالىندى. ونىڭ 3 بولمەلى 122 جانە 2 بولمەلى 100 پاتەرى ەلوردادان كوشىپ بارعان تۇرعىن ءۇي كەزەگىندەگى وتباسىلارعا ارنالعان. پاتەردى جالداۋ اقىسى ايىنا شارشى مەترىنە 99 تەڭگەنى ( 7722 تەڭگەدەن 8000 تەڭگەگە دەيىن) قۇرايدى. قازىرگى ۋاقىتتا 2 بولمەلى پاتەرگە وتباسىمەن كوشۋگە نيەتتى وتباسىلاردىڭ وتىنىمدەرى قابىلدانىپ جاتىر.
باعدارلاما قاتىسۋشىلارىنا تۇراقتى جۇمىس, ال بالالارىنا بالاباقشا مەن مەكتەپتەن تەگىن ورىن ۇسىنىلادى. سونداي-اق قايتارىمسىز نەگىزدە مەكتەپ فورماسى, وقۋ قۇرالدارى جانە تەگىن تاماق, جول ءجۇرۋ بيلەتى بەرىلەدى. سوڭعىسىن اتا-انالارىنىڭ ءبىرى دە الا الادى. جەكەشەلەندىرۋ ماسەلەسىنە كەلسەك, پاۆلودار وبلىسى اكىمدىگى وكىلدەرىنىڭ سوزىنشە, بۇل ماسەلە جالدامالى پاتەرجە 5 جىل بويى تۇرعان سوڭ شەشىلەدى. وسى ۋاقىتقا دەيىن ەكىباستۇزعا 169 وتباسى نەمەسە 996 ادام كوشىپ كەتتى, ونىڭ 319-ى ەڭبەككە جارامدى ادام جانە 667-ءسى بالا.
«نۇرلى ەرتىس» باعدارلاماسىنا قاتىسىپ, ەكىباستۇز قالاسىنا كوشىپ بارۋ ءۇشىن كەلەسى قۇجاتتار كەرەك:
1) تۇرعىن ءۇي قورىنا ءتيىستى قۇجاتتارمەن بىرگە ( جەكە كۋالىكتىڭ كوشىرمەسى, جوعارى نەمەسە كاسىپتىك-تەحنيكالىق ءبىلىمىن راستايتىن قۇجاتتىڭ كوشىرمەسى, بالالارىنىڭ تۋ تۋرالى كۋالىكتەرىنىڭ كوشىرمەسى, تۇرعىن ءۇي كەزەگىنە تۇرۋ تۋرالى قۇجاتتىڭ كوشىرمەسى, قر اۋماعىندا تۇرعىن ءۇيىنىڭ جوقتىعىن راستايتىن قۇجاتتىڭ كوشىرمەسى) ءوتىنىش بەرۋ.
2) ءوتىنىم تۇرعىن ءۇي قورىنىڭ قىزمەتكەرلەرىمەن جينالىپ, كەيىن ەكىباستۇز قالاسىنىڭ اكىمدىگىمەن قارالادى.
3) ءوتىنىم ماقۇلدانعان جاعدايدا ەكىباستۇز قالاسى اكىمدىگىنىڭ قىزمەتكەرلەرى ءوتىنىش بەرۋشىمەن حابارلاسىپ, كوشۋ كۇنىن بەلگىلەيدى.
4) نۇر-سۇلتان قالاسى اكىمدىگى كوپبالالى وتباسىلار مەن ولاردىڭ دۇنيە مۇلكىن كوشىرۋ ءۇشىن كولىك قۇرالدارى بولىنەدى (2 فۋرا, 3 اۆتوبۋس). وتىنىمدەر تۇرعىن ءۇي قورىنىڭ كەڭسەسىندە (قوشقارباەۆ كوشەسى, 39 ءۇي) قابىلدانادى. وسى ماسەلەگە قاتىستى كونسۋلتاتسيانى جۇمىسپەن قامتۋ ورتالىعىندا (بەيبىتشىلىك كوشەسى, 25 مەكەن-جايى بويىنشا) الۋعا بولادى.
