فەدوروۆ اۋدانىنىڭ اكىمى ءتاۋبا يساباەۆتىڭ ايتۋىنشا قۇرىلىس جۇمىستارى وسى جىلدىڭ مامىر ايىندا باستالعان. جاڭا باسپانانى قولدانىسقا قاراشا ايىندا بەرۋ كوزدەلىپ وتىر.
- ءۇي 24 پاتەرلى بولماق. بۇل «نۇرلى جەر» باعدارلاماسى اياسىنداعى ەڭ العاشقى ءىرى جوبامىز. جالپى قۇنى 164 ملن تەڭگەدەن اسادى. رەسپۋبليكالىق قازىنادان 146,3 ملن تەڭگە, قالعان 20,7 ملن تەڭگە قاراجات جەرگىلىكتى بيۋدجەتتەن ءبولىندى,- دەيدى اۋدان اكىمى ءتاۋبا يساباەۆ.
دەپۋتات ارتۋر پلاتونوۆ اۋداندا اتقارىلىپ جاتقان جۇمىستارعا وڭ باعاسىن بەرىپ, بۇگىنگى تاڭدا مەملەكەت از قامتىلعان, الەۋمەتتىڭ وسال توپتارىنا قامقورلىق تانىتىپ جاتقانىن ايتتى.
فەدوروۆ اۋدانىندا بۇگىندە 200-دەن استام وتباسى تۇرعىن ءۇي كەزەگىندە تۇر. اۋداننىڭ سايتىندا كەزەكتە تۇرعان ازاماتتاردىڭ ءتىزىمىن كورسەتىلگەن. كەلەسى جىلى تاعى ءبىر كوپ پاتەرلىك باسپانانىڭ قۇرىلىسىن سالۋ جوسپارلانۋدا. اۋدان اكىمىنىڭ سوزىنشە, بارلىق جۇمىستار ۋاقىتىلى ورىندالىپ, قۇرىلىس جۇمىستارى اياقتالعان سوڭ, الاڭدارىن اباتتاندىرۋ ماسەلەسى قاراستىرىلۋدا.
