«مادەنيەت جانە سپورت ءمينيسترى اقتوتى رايىمقۇلوۆانىڭ بۇيرىعىمەن اقان ابدۋاليەۆ ت. جۇرگەنوۆ اتىنداعى ونەر اكادەمياسىنىڭ رەكتورى بولىپ تاعايىندالدى», - دەلىنگەن رەسمي حابارلامادا.
اقان جىلقىشىباي ۇلى ابدۋاليەۆ 1975 جىلى تۋعان. قۇرمانعازى اتىنداعى قازاق ۇلتتىق كونسەرۆاتورياسىن جانە الماتى ەكونوميكا جانە ستاتيستيكا اكادەمياسىن بىتىرگەن. ەڭبەك جولىن ءسۇيىنباي اتىنداعى الماتى وبلىستىق فيلارمونياسىنىڭ جەكە ورىنداۋشىسى بولىپ باستاعان. ءار جىلدارى «قازاقكونتسەرت» رمقك-دا اسپاپتا جەكە ورىنداۋشى, ج.ەلەبەكوۆ اتىنداعى ەسترادا-تسيرك كوللەدجى مەن قۇرمانعازى اتىنداعى قازاق ۇلتتىق كونسەرۆاتورياسىنىڭ وقىتۋشىسى, ا.جۇبانوۆ اتىنداعى رەسپۋبليكالىق مەكتەپ ينتەرناتى ديرەكتورىنىڭ ورىنباسارى, ديرەكتورى, جامبىل اتىنداعى قازاق مەملەكەتتىك فيلارمونياسىنىڭ ديرەكتورى لاۋازىمدارىن اتقارعان. 2016 جىلدىڭ ماۋسىم ايىنان - الماتى وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ باسشىسى, 2018 جىلدان باستاپ – الماتى وبلىسى اكىمىنىڭ ورىنباسارى بولعان.
