بۇگىندە 536 جوندەۋدى قاجەت ەتەتىن نىساننىڭ 215 نىسانى تولىق كۇردەلى جوندەۋدەن وتكىزىلىپ, قالپىنا كەلتىرىلدى. قالعان نىسانداردا كۇردەلى جوندەۋ جۇمىستارى 90 پايىزعا اياقتالدى. اتالعان جۇمىستارعا 34 قۇرىلىس فيرماسى, 1400 مامان جۇمىلدىرىلعان.
«نۇر-سۇلتان قالاسى اكىمدىگىنە جۇكتەلگەن 699 نىساننىڭ 500 دەن استامىنا جوندەۋ جۇمىستارىن جۇرگىزسە, قالعان تاعى 163 ءۇيدى قۇرىلىسشىلار نولدەن باستاپ تۇرعىزۋدا. بۇگىندە قۇرىلىس جۇمىستارى قىزۋ جۇرگىزىلۋدە» - دەدى قالا اكىمىنىڭ ورىنباسارى التىنبەك قايساعاليەۆ.
العاشقى كۇننەن باستاپ ارنايى قۇرىلعان شتابقا ءوتىنىش پەن ءوز ماسەلەسىن ايتىپ كەلەتىن تۇرعىندار كوپ. ماماندار بارلىعىمەن جەكە تىلدەسىپ, ماسەلەنىڭ ءتۇيىنىن شەشۋگە تىرىسۋدا.
ء«بىز سانعا ەمەس, ساپاعا جۇمىس جاساپ جاتىرمىز. ءار ءبىر ءۇي مەن نىساننىڭ قۇرىلىس جۇمىستارى تىڭعىلىقتى جاسالىپ, قۇرىلىسشىلار ءوز جۇمىسىن اسا جاۋاپكەرشىلىكپەن اتقارۋدا» - دەدى جارىس بولعان ايماقتان «قالالىق ورتا ساپاسى جانە باقىلاۋ باسقارماسى» مم-ءنىڭ جەتەكشىسى تولەگەن قۇلۇشەۆ.
ونىڭ سوزىنشە, قالپىنا كەلتىرۋ جۇمىستارى جوسپار بويىنشا جۇرگىزىلۋدە. قۇرىلىسشىلار الدىمەن ءۇيدىڭ شاتىرىن, تەرەزەسى مەن ەسىگىن اۋىستىرىپ, سونان سوڭ ءۇيدىڭ ىشكى قۇرىلىس جۇمىستارىنا وتەدى. بۇل تۇرعىندارعا ءوز ۇيىنە جىلدام كوشۋىنە مۇمكىندىك بەرەدى.
قۇرىلىس جۇمىستارى تولىعىمەن قازان ايىنا دەيىن بىتەدى دەپ جوسپارلانۋدا.
