الەم • 29 تامىز, 2019

ا. گۋتتەريش: قازاقستان بۇل ماسەلەدە باستى قولداۋشىلارىمىزدىڭ ءبىرى بولدى

334 رەت

كورسەتىلدى

1 مين

وقۋ ءۇشىن

بىرىككەن ۇلتتار ۇيىمىنىڭ باس حاتشىسى ا.گۋتتەريش «يادرولىق قارۋسىز الەم جانە جاھاندىق قاۋىپسىزدىك ءۇشىن نازارباەۆ سىيلىعىن» تابىستاۋ راسىمىنە قاتىسۋشىلارعا ۆيدەوۇندەۋ جولدادى. ۆيدەوۇندەۋدى تۇڭعىش پرەزيدەنت – ەلباسى نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي Twitter-دەگى پاراقشاسىندا جاريالادى.

Egemen Qazaqstan

ا. گۋتتەريش: قازاقستان بۇل ماسەلەدە باستى قولداۋشىلارىمىزدىڭ ءبىرى بولدى

«مەن ءۇشىن حالىقارالىق يادرولىق سىناقتارعا قارسى ءىس-قيمىل كۇنىندە ءوتىپ جاتقان سالتاناتتى راسىمدە سويلەۋ ۇلكەن قۇرمەت. يادرولىق سىناقتاردان باس تارتۋ جانە يادرولىق قارۋدان ازات الەمدى قۇرۋ – بىرىككەن ۇلتتار ۇيىمىنىڭ جوعارى باسىمدىقتارىنىڭ ءبىرى. قازاقستان بۇل ماسەلەدە ءبىزدىڭ باستى قولداۋشىلارىمىزدىڭ ءبىرى بولدى. مەن قازاقستاننىڭ تۇڭعىش پرەزيدەنتى نۇرسۇلتان نازارباەۆقا سالادا اتقارعان جۇمىسى مەن اتالمىش سىيلىقتى تاعايىنداعانى ءۇشىن العىسىمدى بىلدىرەمىن», دەپ ايتتى انتونيۋ گۋتەريش.