بۇل كونكۋرس «Nur Otan» پارتياسىنىڭ 2030 جىلعا دەيىنگى ء«ال-اۋقات قوعامى: ونجىلدىقتىڭ 10 ماقساتى» باعدارلاماسىنىڭ مىندەتتەرىن جۇزەگە اسىرۋ ماقساتىندا وتكىزىلدى. كوميسسيا قۇرامىنا «Nur Otan» پارتياسى, مەملەكەتتىك ورگانداردىڭ, ۇكىمەتتىك ەمەس ۇيىمداردىڭ وكىلدەرى, مۇگەدەكتەر ماسەلەلەرى بويىنشا اكىمنىڭ كەڭەسشىسى كىردى.
بايقاۋعا ۇەۇ, قوعامدىق بىرلەستىكتەر, مۇگەدەكتەر ۇيىمدارى, حالىقتى الەۋمەتتىك قورعاۋ جۇيەسىن دامىتۋعا باعىتتالعان وزگە دە مەكەمەلەر مەن ۆەدومستۆولار قاتىستى.
الماتى قالاسى الەۋمەتتىك ءال-اۋقات باسقارماسىمەن بارلىعى 14 ءوتىنىش قابىلداندى.
«مەكتەپكە جول» اكتسياسى بالالاردى قۋانتتى.
سونىمەن بىرگە سول كۇنى «Nur Otan» پارتياسى الماتى قالالىق فيليالى توراعاسىنىڭ ءبىرىنشى ورىنباسارى س. كانكۋروۆ جانە «جان-م» جشس باسشىسى, بوستاندىق اۋداندىق فيليالى ساياسي كەڭەسىنىڭ مۇشەسى ب. جۇماباەۆ «مەكتەپكە جول» اكتسياسى اياسىندا از قامتىلعان جانە كوپبالالى وتباسىلاردان شىققان بالالارعا جاڭا وقۋ جىلىنا ارناپ مەكتەپ قۇرال-جابدىقتارىن تابىستادى.
ءىس-شارا بارىسىندا وقۋشىلارعا قاجەتتى قۇرال-جابدىقتار ونىڭ ىشىندە مەكتەپ فورماسى, سومكەلەر, داپتەرلەر, كەڭسە تاۋارلارى تابىستالدى.
«Nur Otan» پارتياسى الماتى قالالىق فيليالى كوپ بالالى وتباسىلارعا قولداۋ كورسەتۋ ماقساتىندا 3000-نان استام بالاعا مەكتەپكە قاجەت قۇرال-جابدىقتارمەن قامتاماسىز ەتتى.اتالمىش اكتسيادا كوپ بالالى وتباسىلاردىڭ سىيلىقتارعا يە بولعان بۇلدىرشىندەر ۇيلەرىنە قۋانىپ قايتتى.
الماتى
