سالتاناتتى شاراعا قر تۇڭعىش پرەزيدەنتى – ەلباسى نۇرسۇلتان نازارباەۆ, قر پرەزيدەنتى قاسىم-جومارت توقاەۆ, ۇكىمەت باسشىسى اسقار مامين, قازاقستاندا تىركەلگەن شەتەلدىك ديپلوماتيالىق وكىلدىكتەردىڭ باسشىلارى قات ىسۋدا.
ەستەرىڭىزگە سالا كەتەيىك, الەمدەگى ەڭ ۇلكەن يادرولىق سىناق پوليگونىن جابۋدىڭ 25-جىلدىعىنا وراي, وڭىرلىك تۇراقتىلىقتى قامتاماسىز ەتۋگە جانە جاھاندىق قاۋىپسىزدىكتى كۇشەيتۋگە ناقتى ۇلەس قوسقان, سوعىس, تەرروريزم, جاپپاي قىرىپ-جويۋ قارۋلارىن تاراتۋعا قارسى جانە كەدەيلىكتى ەڭسەرۋ جولىندا بەرىك تۇرعان الەمدىك قايراتكەرلەردى جانە ۇيىمداردى قولداۋدى كوزدەگەن «يادرولىق قارۋسىز الەم جانە جاھاندىق قاۋىپسىزدىككە ۇلەس ءۇشىن نازارباەۆ سىيلىعى» تاعايىندالعان بولاتىن. اتالعان سىيلىقتىڭ العاشقى لاۋرەاتى يوردانيا كورولى ءىى ابداللا بولعان ەدى. سىيلىق كورولگە 2016 جىلعى 16 قاراشادا استانادا وتەتىن سالتاناتتى ءىس-شارادا تابىستالدى.
لاۋرەاتتى تاڭداعاندا يوردانياعا 1,5 ميلليوننان استام سيريالىق بوسقىنداردى قابىلداۋ مەن, سونىڭ ىشىندە وڭىردە يادرولىق قارۋدان ازات ايماقتى قۇرۋ ارقىلى تاياۋ شىعىستى بەيبىتشىلىك اۋماعىنا اينالدىرۋ باعىتىنداعى باتىل جىگەرى ءۇشىن كورولدىڭ عالامدىق بەيبىت پەن قاۋىپسىزدىككە قوسقان ۇلەسى نازارعا الىندى. سىيلىق ەلباسىنىڭ 2016 جىلعى ساۋىردە ۆاشينگتونداعى يادرولىق قاۋىپسىزدىك ءسامميتى بارىسىندا جاريالانعان «الەم. XXI عاسىر» مانيفەسى يدەيالارىنا وراي بەكىتىلگەن.
سىيلىقتى تاعايىنداۋ قازاقستاننىڭ مەملەكەتتەر مەن ساياساتكەرلەردىڭ ادامداردىڭ قايعى-قاسىرەتىنە جول بەرمەۋ مەن جاھاندىق بەيبىتشىلىك جولىن قۋ ءۇشىن جاۋاپكەرشىلىكتى ءوز مويىندارىنا الۋعا ءتيىستى ەكەندىگىنە دەگەن كامىل سەنىمدىلىگىن كۋالاندىرادى. سىيلىق حالىقارالىق ىنتىماقتاستىق پەن ءوزارا تۇسىنىستىككە دەگەن سەنىمگە ورتاقتاساتىن بەدەلدى قايراتكەرلەردى ۇلىقتايتىن بولادى.
