كوميسسيا وتىرىسىنا پارلامەنت ءماجىلىسىنىڭ دەپۋتاتتارى, ورتالىق مەملەكەتتىك جانە جەرگىلىكتى اتقارۋشى ورگانداردىڭ, IT-كومپانيالاردىڭ, ۇەۇ جانە اقپاراتقا قول جەتكىزۋ سالاسىنداعى ساراپشىلار قاۋىمداستىعىنىڭ وكىلدەرى قاتىستى.
وتىرىستى اشا وتىرىپ, مينيستر داۋرەن اباەۆ اقپاراتتىق اشىقتىقتى قامتاماسىز ەتۋدىڭ ماڭىزدىلىعىن جانە «اقپاراتقا قول جەتكىزۋ تۋرالى» زاڭ تالاپتارىن ورىنداۋدىڭ مىندەتتىلىگىن اتاپ ءوتتى.
وتىرىستا 2018 جىلعى مەملەكەتتىك ورگاندار قىزمەتىنىڭ اشىقتىعى دارەجەسىن باعالاۋ ناتيجەلەرى ۇسىنىلدى. 2017 جىلمەن سالىستىرعاندا كورسەتكىشتەردىڭ ايتارلىقتاي ناشارلاۋى بايقالادى. بۇل باعالاۋ ادىستەمەسىنىڭ وزگەرۋىمەن دە, ءوزىنىڭ اشىقتىعىن قامتاماسىز ەتۋ جونىندەگى مەملەكەتتىك ورگانداردىڭ جەتكىلىكسىز جۇمىسىمەن دە بايلانىستى.
كوميسسيا سونداي-اق بىرقاتار مەملەكەتتىك ورگانداردىڭ (وسك, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى, يندۋستريا جانە ينفراقۇرىلىمدىق دامۋ مينيسترلىگى) اقپاراتتىق جۇيەلەرىنىڭ دەرەكتەرىن «زەردە» حولدينگى جۇرگىزگەن تالداۋدىڭ قورىتىندىلارىن قارادى. ونىڭ قورىتىندىسى بويىنشا «اشىق دەرەكتەر» پورتالىندا 30-عا جۋىق جاڭا دەرەكتەر جيناعى جاريالانىپ, جالپىعا قولجەتىمدى بولادى.
سونداي-اق, «زەردە» حولدينگى باسقارما توراعاسىنىڭ ورىنباسارى ا. ن. انيسيموۆ ءوز سوزىندە اشىق دەرەكتەر نەگىزىندە 5 جاڭا قوسىمشالار ازىرلەنىپ جاتقاندىعى تۋرالى اتاپ ءوتتى. ولار «Smart اقسۋ», «Smart Qostanay», «سمارت زاپراۆكا», «UniPark كليەنت» جانە «DocuLite» قوسىمشالارى.
وتىرىسقا شىعارىلعان تاعى ءبىر ماسەلە – اشىق وتىرىستاردىڭ ونلاين-ترانسلياتسياسىن وتكىزۋ بويىنشا "اقپاراتقا قول جەتكىزۋ تۋرالى" زاڭنىڭ تالاپتارىن ورىنداۋ. قازىرگى تاڭدا مەملەكەتتىك ورگانداردىڭ تۇگەلىنىڭ دەرلىك بۇل تالاپتى ساقتامايدى. سوندىقتان ءتيىستى ۇسىنىمدار بەرىلدى.
وتىرىس سوڭىندا ازىرلەنىپ جاتقان مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسىنىڭ بەتا-نۇسقاسى (يربپ) تانىستىرىلدى, ول بارلىق مەملەكەتتىك ورگانداردىڭ رەسمي ينتەرنەت-رەسۋرستارىن جانە «ەلەكتروندىق ۇكىمەت» پورتالىن بىرىكتىرەدى.
«ۇلتتىق اقپاراتتىق تەحنولوگيالار» اق باسقارما توراعاسى ا. ن. تۇرىسوۆتىڭ ايتۋىنشا, جىل سوڭىنا دەيىن بارلىق مەملەكەتتىك ورگانداردىڭ ينتەرنەت-رەسۋرستارىن يربپ-عا كوشىرۋ, ال 2020 جىلدىڭ 1 قاڭتارىنان باستاپ ونى ىسكە قوسۋ جوسپارلانىپ وتىر.
