كەزدەسۋ بارىسىندا 2016-2020 جىلدارعا ارنالعان بەس جىلدىق باعدارلاماسى, 2030 جىلعا دەيىنگى دامۋ كۇن ءتارتىبى مەن ورنىقتى دامۋ ماقساتتارىن جۇزەگە اسىرۋ, سونىمەن قاتار دامۋعا رەسمي كومەكتىڭ ۇلتتىق جۇيەسىن دامىتۋ شەڭبەرىندەگى ىنتىماقتاستىق ماسەلەلەرى تالقىلاندى.
سىرتقى ساياسي ۆەدومستۆوسىنىڭ باسشىسى قازاقستان ۇكىمەتى ودم-دى جۇزەگە اسىرۋ بويىنشا جۇيەلى جانە ماقساتتى جۇمىستار جۇرگىزىلەتىنىن حابارلادى. وسى جىلدىڭ شىلدە ايىندا ءبىزدىڭ ەلىمىز نيۋ-يورك قالاسىنداعى جوعارى دەڭگەيدەگى ساياسي فورۋم اياسىندا ودم-دى جۇزەگە اسىرۋ بويىنشا العاشقى ەرىكتى ۇلتتىق شولۋدى ۇسىندى.
يا. بەريش قر مەن بۇۇدب ىنتىماقتاستىعىنىڭ ۇنەمى ارتىپ كەلە جاتقانىن قاناعاتتانارلىقپەن اتاپ ءوتتى, ءمينيستردى بۇۇدب قىزمەتى, قازاقستاندا وتكىزىلىپ جاتقان ءىس-شارالار مەن جوبالار تۋرالى حاباردار ەتتى. سونىمەن قاتار, ول قازاقستان ۇكىمەتىنە الماتى قالاسىندا بۇۇ ءتۇرلى اگەنتتىكتەرى ورنالاسقان جاڭا عيمارات ءۇشىن العىسىن ءبىلدىردى.
