ايماقتار • 29 تامىز، 2019

جەرگىلىكتى كادرلار ونىمگە جەتە ءمان بەرۋدە

71 رەت كورسەتىلدى

قازاقستاندا بريتاندىق AVONProtection ليتسەنزياسى بو­يىن­­شا كۇلاپارا (كاپيۋشون) ءتيپتى رەس­پيرا­تورلار وندىرىلە باستادى. لي­تسەنزيار – نەگىزىنەن مۇنايگاز جوبالارى ءۇشىن جەكە جانە ۇجىمدىق قورعانىس قۇرالدارىن جەتكىزۋمەن اينا­لىساتىن قازاقستاندىق «QHSE-Akbarys» جشس كومپانياسى.

AVONNH15K رەسپيراتورلارىن قۇراستىرۋ «استانا – جاڭا قالا» اەا يندۋستريالىق ايماعىندا (نۇر-سۇلتان ق.) جولعا قويىلعان. جوباعا سالىنعان ينۆەستيتسيالاردىڭ جالپى كولەمى – شامامەن 1 ملرد تەڭگە. جاڭا 16 جۇمىس ورنى اشىلىپ وتىر.

رەسپيراتورلاردى قۇتقارۋ قۇرالى رەتىندە 30 سەكۋندتان تومەن ۋاقىتتا قولدانۋعا بولادى جانە بۇل 15 مينۋتقا دەيىن اۋانىڭ ءسۇزىلۋىن قامتاماسىز ەتەدى. بۇل – توتەنشە جاعدايلاردا قاۋىپسىز جەرگە جەتۋ ءۇشىن جەتكى­لىك­تى ۋاقىت. بەتتى تۇگەل جاباتىن ءمولدىر بەتپەردە ۋلى سۇيىق­تىقتاردىڭ شاشىراۋىنان قور­عايدى. ونىڭ ۇستىنە بۋلانۋ­دان قورعالعان. قازاقستاندا شىعارىلاتىن موديفيكاتسيا جەرگىلىكتى كليماتتىق جاعدايعا ارنايى بەيىمدەلىپ جاسالعان. تەڭىز جانە قاراشىعاناق كەن ورىندارىنىڭ وپەراتورلارى «QHSE-Akbarys» جشس ونىمدەرىنە وسىنداي قاسيەتتەرى ءۇشىن ەرەكشە قىزىعۋشىلىق تانىتۋدا.

تاياۋدا قازاقستاندىق كا­سىپ­و­ر­ى­ن­­نىڭ قۇراستىرۋ تسەحى تا­نىس­­­تىرىلدى. «QHSE-Akbarys» جشس-ءنىڭ بيزنەستى دامىتۋ جونىندەگى مەنەدجەرى تيمۋر جارىلقاعانوۆتىڭ ايتۋىنشا، قازاقستان اۋماعىندا ءوندىرىستى ۇيىمداستىرۋعا «تەڭىزشەۆرويل» جشس باستاماشى بولدى.

«سىزدەر، ءبىزدىڭ تاپسى­رىس بەرۋ­شىمىز رەتىندە قازاق­ستان­نان وسى ءوندىرىستى اشۋعا كو­مەك­تەس­تىڭىزدەر. بۇگىن وسى زاۋىت­تىڭ جۇمىس ىستەپ تۇرعا­نى­نا كۋا بولىپ وتىرمىز»،  دەدى ت.جارلىقاعانوۆ ءوندىرىس الاڭىنىڭ اشىلۋ سالتاناتىنا قاتىسقان تشو باس ديرەكتورى يمەر بوننەرگە قاراپ.

«تەڭىزشەۆرويل» جشس-ءنىڭ وتاندىق نارىقتى دامىتۋ ءبولىمىنىڭ ۇيلەستىرۋشىسى ولجاس لۇقمانوۆتىڭ ايتۋىنشا، وسى ءونىمدى جەتكىزۋ كەلىسىمشارتىندا قازاقستاندىق ۇلەستى ارتتىرۋ جوس­پارى بويىنشا AVONNH15K رەس­­پي­راتورلارىن ءوندىرۋدى وقشاۋ­­لاۋ قاراستىرىلعان.

ۇزاق مەرزىمدى كەلىسىم­شارت­تار­داعى قازاقستاندىق قامتۋدى ارتتىرۋ جوسپارى – 2017 جىلدان باستاپ «تەڭىزشەۆرويل» جشس-دە جەرگىلىكتى قامتۋدى دامىتۋدىڭ كەشەندى ستراتەگياسىنىڭ ءبىر بولىگىنە اينالدى. «QHSE-Akbarys» جەتىستىگى وسى ءتاسىلدىڭ ءبىر عانا ناتيجەسى ەمەس. وسى­لاي­شا، KISCO كومپانياسى قازاقستاندىق قامتۋدى دامىتۋ جوسپارىن ۇسىندى، سوعان سايكەس اتىراۋدا فلانەتس توسەمدەرىن شىعاراتىن تسەح ىسكە قوسىلدى.

2018 جىلدىڭ سوڭىنان باستاپ اتىراۋداعى KISCO وندىرىستىك الاڭىندا 23 قازاقستاندىق جۇمىسشى جۇمىس ىستەيدى، ال كاسىپورىن تشو-عا بارلىق حالىقارالىق ستاندارتتارعا ساي­كەس كەلەتىن وتاندىق ونىمدەر جەتكىزەدى. ايتپاقشى، تسەح اتى­راۋ قۇمدارىنداعى نەمىستىڭ ينجە­نەر­لىك وي جەمىسىنىڭ ءوازيسى ىسپەت­تەس. ءوندىرىس پروتسەسى نەمىس تەحنولوگياسىنا ساي، جۇمىس­­شىلار دا سوعان سايكەس وقى­تىل­عان.

جەرگىلىكتى ءوندىرىس ءۇشىن جەت­كىزۋ­شىلەر ينفراقۇرىلىمعا قارا­جات سالاتىن وسىنداي جەرگى­لىك­تى قامتۋدى دامىتۋ ۇلگىسى جاڭا جۇمىس ورىندارى تۇرىندە عانا پايدا اكەلمەيدى. مۇنداعى نەگىزگى ارتىقشىلىق – تەحنولوگيالار مەن داعدىلار ترانسفەرتى.

تاعى ءبىر مىسال – «شىم­كەنت­تسەمەنت» اق. كاسىپو­رىن تە­ڭىز كەنىشىندەگى ۇڭعى­ما­لار­دى تسەمەنتتەۋ كەزىندە بەل­سەن­دى قولدانىلاتىن G ماركالى بىتەگىش تسەمەنت ءوندىرىسىن وقشاۋلاۋعا مۇمكىندىك الدى. قر اۋماعىندا وسىنداي سىنىپتاعى تسەمەنت ءوندىرىسىن ۇيىمداستىرۋ مۇمكىندىگى تشو-نىڭ ۇزاق مەر­زىم­دى ماقساتتارىنىڭ ءبىرى بولاتىن. «شىمكەنتتسەمەنت» اق كەزدەيسوق تاڭدالمادى. تشو جانە ۇڭعىمالاردى اياقتاۋ بو­يىنشا نەگىزگى قىزمەت جەتكىزۋشى شليۋمبەرجە ماماندارى وندى­رىس­تىك مۇمكىندىكتەرىن انىق­تاۋ ءۇشىن ءۇش تسەمەنت وندىرۋ­شى­گە اۋديت جۇرگىزدى. تەك «شىمكەنتتسەمەنت» قانا API 10A بويىنشا سەرتيفيكاتتالعان بولىپ شىقتى، ونىڭ ونىمدەرى شليۋمبەرجە مەن شەۆروننىڭ زەرتحانالارىندا سىناقتان ويداعىداي ءوتتى. تەحنولوگيالىق پروتسەسس جولعا قويىلىپ، كاسىپورىن تەڭىز جوباسىنىڭ قاجەتتىلىكتەرى ءۇشىن الەمدىك دەڭگەيدەگى تسەمەنتتى وندىرە باستادى. بۇدان باسقا، G ماركالى قازاقستاندىق تسەمەنت حالىقارالىق نارىققا ەكسپورتتاۋ ءۇشىن جارامدى. قازىرگى ۋاقىتتا قازاقستاندىق ماماندار بۇكىل كومپانيا شتاتىنىڭ 95%-ىن قۇرايدى.

تەڭىز جوباسىن جۇزەگە اسى­رۋ­­عا مەردىگەر مەكەمە­لەر­­­­­دىڭ قىزمەتكەرلەرىن قوسا العان­دا، بارلىعى 80 مىڭعا جۋىق قا­زاق­ستان­دىق جۇمىل­دى­­رىلدى. 2018 جىلى «تەڭىز­شەۆ­­رويل» جشس-ءنىڭ وتاندىق وندى­رۋشىلەردىڭ تاۋارلارى مەن قىزمەتتەرىن ساتىپ الۋ شى­عىن­دا­رى 1،3 ترلن تەڭگەدەن استى. سالىستىرۋ ءۇشىن ايتالىق، سول جىلى تشو قىزمەت ەتەتىن بۇكىل اتىراۋ وبلىسى بيۋدجەتىنىڭ شىعىس بولىگى 100 ملرد تەڭگە­دەن ءسال استام بولعان ەدى.

قازاقستاندىق تاۋارلار مەن قىزمەتتەردىڭ نەگىزگى كولەمى كەلەشەك كەڭەيۋ جوباسى (ككج) مەن ۇڭعى ەرنەۋىندەگى قىسىمدى باسقارۋ جوباسى (ۇەقبج) اياسىندا ساتىپ الىندى. بۇكىل شىعىنداردىڭ 65%-ى – وسى جوبالارعا تيەسىلى.

«تەڭىزشەۆرويل» جشس-دە تاۋارلار مەن قىزمەتتەردى ساتىپ الۋداعى جەرگىلىكتى قام­تۋ ۇلەسى ۇنەمى ءوسىپ كەلەدى. كومپا­نيانىڭ مالىمەتىنشە، 1993 جىلى قازاقستاندىق تاۋارلار مەن قىز­مەت­تەردى ساتىپ الۋ شى­عىن­دا­رى – 27 ملن اقش دوللارىنا جەتتى. 2003 جىلى بۇل كورسەتكىش 500 ملن اقش دوللارىنان اسقان-دى. ال 2013 جىلى تشو وتاندىق تاۋارلار مەن قىزمەتتەردى ساتىپ الۋعا 2،3 ملرد-تان استام اقش دوللارىن جۇمسادى. سالىستىرۋ ءۇشىن ايتالىق، وسى جىلدىڭ ءبىرىنشى جارتىجىلدىعىنداعى قورىتىندى بويىنشا بۇل كورسەتكىش 2،1 ملرد اقش دوللارىنا جەتتى.

قىزمەتتەر مەن جۇمىستار تشو-نىڭ نەگىزگى ساتىپ الۋلار بولىگىن قۇرايدى جانە كومپانيا اتاپ وتكەندەي، بۇل ءۇردىس وزگەرمەيدى. 2018 جىلى قازاقستاندىق جەتكىزۋشىلەر تشو-نىڭ قىزمەتتەر پەن جۇمىستار بويىنشا نەگىزگى ءوندىرىس قاجەتتىلىكتەرىنىڭ 70%-ىن
قاناعاتتاندىرعان.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

اسكەريلەر شەبەرلىك سىناسادى

قازاقستان • بۇگىن، 08:10

ۇقساس جاڭالىقتار